ಮಾವು ಪ್ರಿಯರೇ ಎಚ್ಚರ! ಮಾವು ಖರೀದಿಸೋ ಮುನ್ನ ಮೈಯೆಲ್ಲಾ ಕಣ್ಣಾಗಿರಲಿ. ಯಾಕಂದ್ರೆ ನೀವು ಮಾವಿನ ಜೊತೆಗೆ ಕ್ಯಾನ್ಸರನ್ನೂ ಖರೀದಿಸ್ತಿರಬಹುದು. ಯಾಕಂದ್ರೆ ಮಾವು ಮಾರಾಟಗಾರರು ಆರೋಗ್ಯ ಇಲಾಖೆಯ ಖಡಕ್ ಎಚ್ಚರಿಕೆಗೆ ಕ್ಯಾರೇ ಅನ್ನದೆ ನಮ್ಮಲ್ಲಿ ಬ್ಯಾನ್ ಆಗಿರೋ ಕ್ಯಾನ್ಸರ್ಕಾರಕ ಕ್ಯಾಲ್ಸಿಯಂ ಕಾರ್ಬೈಡ್ ದ್ರಾವಣವನ್ನ ಮಾವಿಗೆ ಯಥೇಚ್ಛವಾಗಿ ಸಿಂಪಡಿಸುತ್ತಿದ್ದಾರೆ. ಇನ್ನು ಕೆಲ ಮಾರಾಟಗಾರರು ಒಂದು ಹೆಜ್ಜೆ ಮುಂದೆ ಹೋಗಿ ಗಿಡಗಳ ಬೆಳವಣಿಗೆಗೆ ಸಿಂಪಡಿಸೋ ಎಥೆನಾಲ್ ದ್ರಾವಣವನ್ನ ಹಣ್ಣಿಗೆ ಸುರಿದು ನಮ್ಮ ಆರೋಗ್ಯದ ಜೊತೆ ಚಲ್ಲಾಟ ಆಡ್ತಿದ್ದಾರೆ.
