ಬೆಂಗಳೂರು(ಫೆ.10): ಆರ್ಎಸ್ಎಸ್ ಪಥಸಂಚಲನದಲ್ಲಿ ಭಾಗಿಯಾಗುವವರಿಗೆ ಬೇಕಾದರೆ ನಾನೇ ಊಟ ಹಾಕಿಸ್ತೀನಿ ಎಂದು ಹೇಳಿದ್ದ ಮಾಜಿ ಸಚಿವ ಡಿಕೆ ಶಿವಕುಮಾರ್ಗೆ ಕಂದಾಯ ಸಚಿವ ಆರ್.ಅಶೋಕ್ ತಿರುಗೇಟು ನೀಡಿದ್ದಾರೆ. ಆರ್ಎಸ್ಎಸ್ನವರಿಗೆ ಊಟ ಹಾಕಿಸ್ತೀವಿ ಅಂತೀರಲ್ಲ, ನೀವೇನು ಟಾಟಾನಾ? ಬಿರ್ಲಾನಾ? ಸಂಘದವರಿಗೆ ನೀವು ಊಟ ಹಾಕಿಸುವ ಅಗತ್ಯ ಇಲ್ಲ. ಅಂತಹ ಪರಿಸ್ಥಿತಿ ಇನ್ನೂ ಬಂದಿಲ್ಲ. ಕಾಂಗ್ರೆಸ್ ಪಕ್ಷದವರು ನಿರ್ಗತಿಕರಾಗಿದ್ದಾರೆ. ಅವರಿಗೆ ಬೇಕಾದರೆ ಡಿಕೆಶಿ ಊಟ ಹಾಕಿಸಲಿ, ಎಂದು ಕಿಡಿಕಾರಿದ್ದಾರೆ.
