ನಟ ಸತೀಶ್ ನೀನಾಸಂ ಅಭಿನಯಿಸಿರುವ, ಜೇಕಬ್ ವರ್ಗಿಸ್ ನಿರ್ದೇಶನದ ಚಂಬಲ್ ಸಿನಿಮಾ ಇದೇ ತಿಂಗಳ 22ರಂದು ಬಿಡುಗಡೆಯಾಗುತ್ತಿದೆ. ಐಎಎಸ್ ಅಧಿಕಾರಿ ಡಿ.ಕೆ.ರವಿ ಜೀವನಾಧರಿತ ಚಿತ್ರ ಎಂಬ ಮಾತುಗಳು ಎಲ್ಲೆಡೆಯಿಂದ ಕೇಳಿಬರುತ್ತಿದೆ. ಆದರೆ, ಈ ಕತೆ ಕೇವಲ ಡಿ.ಕೆ. ರವಿ ಅವರೊಬ್ಬರ ಕತೆಯಲ್ಲ, ಅವರಂತಹ ನೂರಾರು ದಕ್ಷ ಅಧಿಕಾರಿಗಳ ಕತೆ, ಗಡಿಯಲ್ಲಿ ದೇಶ ಕಾಯುವ ಸೈನಿಕನ ಕತೆ, ಹತ್ತು ರೂಪಾಯಿ ಲಂಚವನ್ನು ಮುಟ್ಟದಂತಹ ಪ್ರಾಮಾಣಿಕ ಅಧಿಕಾರಿಗಳ ಕತೆಯೇ ಈ ಚಂಬಲ್ ಎಂದು ನಟ ಸತೀಶ್ ನೀನಾಸಂ ಹಾಗೂ ಚಿತ್ರತಂಡ ಹೇಳುತ್ತದೆ.
