Single Eye Cobra: ಈ ಹಾವಿಗೆ ಒಂದೇ ಕಣ್ಣು! ಕಾರವಾರದಲ್ಲಿ ವಿಚಿತ್ರ ನಾಗಿಣಿ

ಕಾರವಾರ: ನೀವು ನಾಗರಹಾವನ್ನು ನೋಡಿರ್ತೀರಿ, ಆದ್ರೆ ಈ ನಾಗರಹಾವನ್ನು ನೀಡರೋಕೆ ಸಾದ್ಯವೇ ಇಲ್ಲ! ಹೌದು, ಅಂತಹ ವಿಶಿಷ್ಟ ನಾಗರಹಾವೊಂದು ಕಾರವಾರದಲ್ಲಿ ಪತ್ತೆಯಾಗಿದೆ!

ಅತ್ಯಂತ ಅಪರೂಪ, ಎಲ್ಲೂ ಕಾಣಿಸೋದೇ ಇಲ್ಲ ಎಂಬಷ್ಟು ವಿರಳವಾಗಿದ್ದ ಒಂದೇ ಕಣ್ಣಿನ ನಾಗರಹಾವೊಂದು ಪತ್ತೆಯಾಗಿದೆ.

ಒಕ್ಕಣ್ಣಿನ ಅಥವಾ ಒಂದೇ ಕಣ್ಣನ್ನು ಹೊಂದಿರುವ ನಾಗರಹಾವು ಕಾರವಾರ ತಾಲೂಕಿನ ಕದ್ರಾದಲ್ಲಿ ಪತ್ತೆಯಾಗಿದೆ. ಸದ್ಯ ಈ ಒಂದೇ ಕಣ್ಣಿನ ನಾಗರಹಾವನ್ನು ಸುರಕ್ಷಿತವಾಗಿ ಕಾಡಿಗೆ ತಲುಪಿಸಲಾಗಿದೆ.

ಸ್ಥಳೀಯರಿಗೆ ಪತ್ತೆಯಾದ ಈ ಒಕ್ಕಣ್ಣಿನ ನಾಗರಹಾವು ಸುಮಾರು 4.5 ಅಡಿಯ ಉದ್ದವಿದೆ. ಕದ್ರಾ ಅರಣ್ಯ ವಿಭಾಗದ ಅರಣ್ಯ ವೀಕ್ಷಕ ಬಿಲಾಲ್ ಶೇಖ್ ತಕ್ಷಣ ಸ್ಥಳಕ್ಕೆ ತೆರಳಿ ಹಾವನ್ನು ಸುರಕ್ಷಿತವಾಗಿ ರಕ್ಷಿಸಿದ್ದಾರೆ.

ಈ ನಾಗರ ಹಾವಿಗೆ ಒಂದು ಕಣ್ಣು ಇರಲಿಲ್ಲ. ಈ ಒಕ್ಕಣ್ಣಿನ ನಾಗಿಣಿ ಒಂದು ಕಣ್ಣಿನ ಸಂಪೂರ್ಣ ದೃಷ್ಟಿ ಕಳೆದುಕೊಂಡಿತ್ತು.

ಈ ಒಂದೇ ಕಣ್ಣಿನ ನಾಗಿಣಿಯನ್ನು ವಲಯ ಅರಣ್ಯ ಅಧಿಕಾರಿ ಲೋಕೇಶ್ ಪಾಟಣನಕರ್ ಅವರ ಮಾರ್ಗದರ್ಶನದಲ್ಲಿ ಅರಣ್ಯ ಪ್ರದೇಶದಲ್ಲಿ ಬಿಟ್ಟುಬರಲಾಗಿದೆ.

ಈ ರೀತಿ ಒಕ್ಕಣ್ಣಿನ ನಾಗರ ಸಾಮಾನ್ಯವಾಗಿ ಕಾಣಸಿಗುವುದು ತೀರಾ ವಿರಳ. ಈ ನಾಗರ ಹಾವಿಗೆ ಕಣ್ಣಿನ ಗುಳಿ ಮಾತ್ರವಿದ್ದು, ಕಣ್ಣುಗುಡ್ಡೆ ಇರುವುದಿಲ್ಲ. ಕೆಲವು ಸಂದರ್ಭದಲ್ಲಿ ಹಾವುಗಳು ಮುಂಗುಸಿ ಜೊತೆ ಕಾದಾಡುವ ಸಂದರ್ಭದಲ್ಲಿ ಕಣ್ಣನ್ನು ಕಳೆದುಕೊಳ್ಳವ ಸಾಧ್ಯತೆಯಿದೆ. ಇನ್ನೂ ಕೆಲವು ಸಂದರ್ಭದಲ್ಲಿ ಇಲಿಗಳು ಕಚ್ಚುವುದರಿಂದಲೂ ಹೀಗೆ ಆಗಿರುವ ಸಾಧ್ಯತೆ ಇರುತ್ತದೆ ಎನ್ನುತ್ತಾರೆ  ವನ್ಯಜೀವಿ ಸಂರಕ್ಷಕ ನಾಗರಾಜ್ ಬೆಳ್ಳೂರ್.