Indian Railways: ವಾರದ 6 ದಿನ ಕರಾವಳಿ ಜನತೆಗೆ ಸಿಗುತ್ತೆ ಈ ರೈಲು ಸೇವೆ!

ಕೊಂಕಣ ಸುತ್ತಿ ಕರಾವಳಿಗೆ ಬರಲಿದೆ ಮೆಮೋ ರೈಲು, ಹೌದು, ವಾರದ 6 ದಿನಗಳ ಕಾಲ ಮೆಮು ರೈಲು ಮಡಗಾಂವ್​ನಿಂದ ಮಂಗಳೂರಿನ ನಡುವೆ ಸಂಚಾರ ಪ್ರಾರಂಭಿಸಿದೆ.   (ಸಾಂದರ್ಭಿಕ ಚಿತ್ರ)

ಬಹುನಿರೀಕ್ಷಿತ ಮೆಮು ರೈಲಿನ ಸಂಚಾರ ಗೋವಾದ ಮಡಗಾಂವ್ ನಿಂದ ಉತ್ತರಕನ್ನಡದ ಕಾರವಾರದ ಮಾರ್ಗವಾಗಿ ಮಂಗಳೂರಿನವರೆಗೆ ಸಂಚರಿಸುತ್ತಿದ್ದು ರವಿವಾರ ಒಂದು ದಿನ ಹೊರತುಪಡಿಸಿ ಎಲ್ಲಾ ದಿನಗಳಲ್ಲೂ ಈ ರೈಲು ಸೇವೆ ಒದಗಿಸುತ್ತದೆ.  (ಸಾಂದರ್ಭಿಕ ಚಿತ್ರ)

ಪ್ರಯಾಣಿಕರು ಹಾಗೂ ವ್ಯಾಪಾರಸ್ಥರ ದೃಷ್ಟಿಯಿಂದ ಇದೊಂದು ಒಳ್ಳೆಯ ರೈಲ್ವೆ ಯೋಜನೆಯಾಗಿದೆ.  ಇದು ಕೊಂಕಣ ರೈಲ್ವೆಯ ಪ್ರಥಮ ಎಲೆಕ್ಟ್ರಿಕ್ ರೈಲು ಎಂಬ ವಿಶೇಷತೆ ಹೊಂದಿದ್ದು ಗಂಟೆಗೆ 110ಕಿ.ಮೀ ವೇಗದಲ್ಲಿ ಕ್ರಮಿಸಲಿದೆ.  (ಸಾಂದರ್ಭಿಕ ಚಿತ್ರ)

ಈ ರೈಲು ಬೆಳಿಗ್ಗೆ 5:15 ಕ್ಕೆ ಮಡಗಾಂವ್​ನಿಂದ ಹೊರಟು 6:15ಕ್ಕೆ ಕಾರವಾರವನ್ನು ತಲುಪಲಿದೆ. ನಂತರ 6:22ರಿಂದ ಕಾರವಾರವನ್ನು  ಬಿಟ್ಟು 6:37ಕ್ಕೆ ಅಂಕೋಲಾಕ್ಕೆ ಬರುವ ರೈಲು 6:48 ಕ್ಕೆ ಗೋಕರ್ಣ ರೋಡ್ ಅನ್ನು ಸೇರಲಿದೆ. 7:15ಕ್ಕೆ ಕುಮಟಾ,7:29ಕ್ಕೆ ಹೊನ್ನಾವರ 7:45 ಕ್ಕೆ ಮಂಕಿ, 7:56ಕ್ಕೆ ಮುರ್ಡೇಶ್ವರ ಹಾಗೂ 8:14ಕ್ಕೆ ಭಟ್ಕಳವನ್ನು ತಲುಪಲಿದೆ.  (ಸಾಂದರ್ಭಿಕ ಚಿತ್ರ)

5:33ಕ್ಕೆ ಭಟ್ಕಳಕ್ಕೆ ಪುನಃ ಬರುವ ರೈಲು 5:47 ಕ್ಕೆ ಮುರ್ಡೇಶ್ವರ, 5:57ಕ್ಕೆ ಮಂಕಿ ಹಾಗೂ 6.12ಕ್ಕೆ ಹೊನ್ನಾವರ ನಂತರ 6.22ಕ್ಕೆ ಕುಮಟಾ ತಲುಪಲಿದೆ. ಅದಾದ ಬಳಿಕ 7 ಗಂಟೆಗೆ ಅಂಕೋಲಾಗೆ ಬಂದು 8:10ಕ್ಕೆ ಕಾರವಾರ ತಲುಪಲಿದೆ.  (ಸಾಂದರ್ಭಿಕ ಚಿತ್ರ)

ಪ್ರಯಾಣಿಕರು ಈ ರೈಲ್ವೆಯ ಪ್ರಯೋಜನ ಪಡೆದುಕೊಳ್ಳಬೇಕಾಗಿ ಕೊಂಕಣಿ ರೈಲ್ವೆಯ ಅಧಿಕಾರಿಗಳು ಮನವಿ ಮಾಡಿದ್ದಾರೆ.  (ಸಾಂದರ್ಭಿಕ ಚಿತ್ರ)

ಒಟ್ಟಾರೆ ಈ ರೈಲಿನಿಂದ ಕರಾವಳಿ ಭಾಗದ ರೈಲು ಪ್ರಯಾಣಿಕರಿಗೆ ಹೆಚ್ಚಿನ ಅನುಕೂಲವಾಗೋದಂತೂ ಸತ್ಯ. (ಸಾಂದರ್ಭಿಕ ಚಿತ್ರ)