Cashew Fruit Juice Recipe: ಈ ಬೇಸಿಗೆಯಲ್ಲಿ ಕುಡಿಯಿರಿ ಗೇರುಹಣ್ಣಿನ ಜ್ಯೂಸ್! ರೆಸಿಪಿ ಇಲ್ಲಿದೆ

ಈಗ ಬೇಸಿಗೆ ಕಾಲ. ಮನೆಯ ಒಳಗೂ ಹೊರಗೂ ವಿಪರೀತ ಸೆಕೆ. ಚಹಾ, ಕಾಫಿ ಕುಡಿಯೋಕೆ ಕಷ್ಟ. ಅದರೆ ಸಂಜೆಯಾದಾರೆ ಸಾಕು ಏನಾದರೂ ಕುಡಿಯಬೇಕು ಅನಿಸುತ್ತದೆ. ನಿಮ್ಮ ಸಂಜೆಯ ಸಾಥ್​ಗೆ ಗೇರುಹಣ್ಣಿನ ಜ್ಯೂಸ್ ಕುಡಿದ್ರೆ ಹೇಗೆ?

ಹೌದು, ಈ ಬೇಸಿಗೆಯಲ್ಲಿ ಸಿಗುವ ಗೇರುಹಣ್ಣುಗಳಿಂದ ಜ್ಯೂಸ್ ಸಹ ಮಾಡಬಹುದು! ಗೇರುಹಣ್ಣಿನ ರುಚಿ ರುಚಿಯಾದ ಜ್ಯೂಸ್ ಮಾಡುವ ಸರಳ ವಿಧಾನ ಇಲ್ಲಿದೆ ನೋಡಿ.

ಗೇರುಹಣ್ಣಿನ ಜ್ಯೂಸ್ ಮಾಡುವ ವಿಧಾನ ಹೀಗಿದೆ: ಬೇಕಾಗುವ ಸಾಮಗ್ರಿಗಳು: 3ರಿಂದ 4 ಗೇರುಹಣ್ಣು, ಸಕ್ಕರೆ, ರುಚಿಗೆ ತಕ್ಕಷ್ಟು ಚಿಟಿಕೆ ಉಪ್ಪು.

ಮೊದಲು ಗೇರುಹಣ್ಣುಗಳನ್ನು ಅರ್ಧ ಕಟ್ ಮಾಡಿಕೊಂಡು ಅಂದರೆ ತುದಿಯ ಭಾಗ ಕಟ್ ಮಾಡಬೇಕು ಬುಡದ ಭಾಗ ಉಪಯೋಗಿಸಬೇಕು.

ಹೀಗೆ ಮಾಡಿದ ಹಣ್ಣುಗಳನ್ನು ನೀರು ಹಾಕಿ ಮಿಕ್ಸಿಯಲ್ಲಿ ರುಬ್ಬಬೇಕು. ರುಬ್ಬಿದ ಮಿಶ್ರಣವನ್ನು ಸೋಸಿಕೊಂಡು ಬೇಕಾಗುವಷ್ಟು ನೀರು, ಚಿಟಿಕೆ ಉಪ್ಪು ಹಾಗೂ ಸಕ್ಕರೆ ಹಾಕಿದರೆ ಗೇರುಹಣ್ಣಿನ ಜ್ಯೂಸ್ ಸವಿಯಲು ಸಿದ್ದ.

ಅಂದಹಾಗೆ ಶುಗರ್ ಇದ್ದವರು ಸಕ್ಕರೆ ಹಾಕದೇ ಉಪ್ಪು ಮಾತ್ರ ಹಾಕಿಕೊಂಡು ಗೇರುಹಣ್ಣಿನ ಜ್ಯೂಸ್ ಕುಡಿಯಬಹುದು. ಈ ಜ್ಯೂಸ್ ಲೀವರ್ ಸಮಸ್ಯೆ ಇದ್ದವರು ದಿನಾ ಬೆಳಿಗ್ಗೆ ಖಾಲಿ ಹೊಟ್ಟೆಯಲ್ಲಿ ಕುಡಿದರೆ ತುಂಬ ಪರಿಣಾಮಕಾರಿ

ಜೊತೆಗೆ ಗೇರು ಹಣ್ಣು ಜೀರ್ಣಶಕ್ತಿಗೆ ತುಂಬಾ ಒಳ್ಳೆಯದು. ಮತ್ತೇಕೆ ತಡ? ಈಗ ಹೇಗಿದ್ದರೂ ಗೇರುಹಣ್ಣಿನ ಸೀಸನ್ ಶುರುವಾಗಿದೆ. ನೀವೂ ನಿಮ್ಮಮನೆಯಲ್ಲಿ ಗೇರುಹಣ್ಣಿನ ಜ್ಯೂಸ್ ಮಾಡಿ ಸವಿಯಿರಿ.