Milk Shortage: ಕಡಿಮೆ ಬೆಲೆಯ ಅರ್ಧ ಲೀಟರ್ ಹಾಲಿನ ಪ್ಯಾಕೆಟ್ ಸಿಗಲ್ಲ

ನೀವು ದಿನನಿತ್ಯ ಹಾಲು ಖರೀದಿಸುತ್ತೀರಾ? ಹಾಗಾದ್ರೆ ನಿಮಗೊಂದು ಶಾಕಿಂಗ್ ಸುದ್ದಿಯೊಂದು ಹೊರಬಿದ್ದಿದೆ. ಸದ್ಯ ಮಾರುಕಟ್ಟೆಗೆ ಅರ್ಧ ಲೀಟರ್ ಹಾಲಿನ ಪೂರೈಕೆ ಸ್ಥಗಿತಗೊಂಡಿದೆ.

ಕಳೆದ ಒಂದು ವಾರದಿಂದ 20 ರೂ.ಗೆ ಮಾರಾಟ ಮಾಡುವ ಅರ್ಧ ಲೀಟರ್ ಟೋನ್ಡ್ ಹಾಲು ಪ್ಯಾಕೆಟ್​ನ ಸರಬರಾಜನ್ನು ಸ್ಥಗಿತಗೊಳಿಸಲಾಗಿದೆ. ಗ್ರಾಹಕರಿಂದ ಈ ನಿರ್ಧಾರಕ್ಕೆ ತೀವ್ರ ಬೇಸರ ವ್ಯಕ್ತವಾಗಿದೆ. (ಸಾಂದರ್ಭಿಕ ಚಿತ್ರ)

ತುಮಕೂರು ಸಹಕಾರಿ ಹಾಲು ಉತ್ಪಾದಕರ ಸಂಘಗಳ ಒಕ್ಕೂಟ ಹೀಗೆ 20 ರೂ.ಗೆ ಮಾರಾಟ ಮಾಡುವ ಅರ್ಧ ಲೀಟರ್ ಟೋನ್ಡ್ ಹಾಲು ಪೂರೈಕೆಯನ್ನು ಹೇಳದೇ ಕೇಳದೇ ಸ್ಥಗಿತಗೊಳಿಸಿದೆ ಎಂದು ವರದಿಯಾಗಿದೆ. (ಸಾಂದರ್ಭಿಕ ಚಿತ್ರ)

ಅರ್ಧ ಲೀಟರ್ ಟೋನ್ಡ್ ಹಾಲು ಸಿಗ್ತಿಲ್ಲ 

20 ರೂ.ಗೆ ಮಾರಾಟ ಮಾಡುವ ಅರ್ಧ ಲೀಟರ್ ಟೋನ್ಡ್ ಹಾಲಿನ ಪೂರೈಕೆ ನಿಂತಿರುವುದು ಗ್ರಾಹಕರಿಗೆ ದುಬಾರಿಯಾಗಿ ಪರಿಣಮಿಸಿದೆ. 20 ರೂ. ಹಾಲು ಇಲ್ಲದ ಕಾರಣ ಅರ್ಧ ಲೀಟರ್​ಗೆ 22 ರೂ. ಇರುವ ಹೋಮೋಜಿನೈಸ್ಡ್ ಹಸುವಿನ ಹಾಲು, 23 ರೂ.ನ ನಂದಿನಿ ಶುಭಂ ಹಾಲು ಮಾತ್ರ ಗ್ರಾಹಕರಿಗೆ ಲಭ್ಯವಾಗಿದೆ. (ಸಾಂದರ್ಭಿಕ ಚಿತ್ರ)

ಅರ್ಧ ಲೀಟರ್​ಗೆ 19 ರೂ. ಇದ್ದ ಟೋನ್ಡ್ ಹಾಲು ದರ ಕಳೆದ ಕೆಲವು ತಿಂಗಳ ಹಿಂದೆ 20 ರೂ.ಗೆ ಏರಿಕೆಯಾಗಿತ್ತು (ಲೀಟರ್​ಗೆ 40 ರೂ.). ತುಮುಲ್ ಈ 20 ರೂ. ಹಾಲಿನ ಪ್ಯಾಕೆಟ್​ನ ಪೂರೈಕೆಯನ್ನು ಹೇಳದೆ ಕೇಳದೆ ಸ್ಥಗಿತಗೊಳಿಸಿದೆ. ಇದಕ್ಕೆ ಗ್ರಾಹಕರಿಂದ ತೀವ್ರ ಆಕ್ಷೇಪ ವ್ಯಕ್ತವಾಗುತ್ತಿದೆ. (ಸಾಂದರ್ಭಿಕ ಚಿತ್ರ)

ಅತಿ ಕಡಿಮೆ ಬೆಲೆಗೆ ಲಭ್ಯವಿದ್ದ ಟೋಲ್ಡ್ ಹಾಲು ಮಾರುಕಟ್ಟೆಯಲ್ಲಿ ಸಿಗದಿರುವುದು ಗ್ರಾಹಕರ ಪಾಲಿಗೆ ದುಬಾರಿಯಾಗಿ ಪರಿಣಮಿಸಿದೆ. ಅನಿವಾರ್ಯವಾಗಿ ಹೆಚ್ಚಿನ ಬೆಲೆಯ ಹಾಲನ್ನೇ ಖರೀದಿ ಮಾಡಬೇಕಾದ ಪರಿಸ್ಥಿತಿ ಬಂದೊದಗಿದೆ. (ಸಾಂದರ್ಭಿಕ ಚಿತ್ರ)

ಹೀಗಾಗಿ ಅರ್ಧ ಲೀಟರ್ ಹಾಲು ಬೇಕಾದವರು ಸಹ ಅನಿವಾರ್ಯವಾಗಿ ದಿನವೊಂದಕ್ಕೆ 2ರಿಂದ 3 ರೂ ಹೆಚ್ಚು ಹಣ ಕೊಟ್ಟು ಹಾಲು ಖರೀದಿ ಮಾಡಬೇಕಿದೆ. ಇದು ಗ್ರಾಹಕರ ಆಕ್ರೋಶಕ್ಕೆ ಕಾಣವಾಗಿದೆ. (ಸಾಂದರ್ಭಿಕ ಚಿತ್ರ)