Road Safety: ರಸ್ತೆಗಳ ಮೇಲೆ ಬಿಳಿ-ಹಳದಿ ಗೆರೆಗಳನ್ನು ಏಕೆ ಹಾಕಿರಲಾಗುತ್ತದೆ ಗೊತ್ತೇ? ಸರಿಯಾದ ಮಾಹಿತಿ ಇಲ್ಲಿದೆ

ಭಾರತದಲ್ಲಿ ಹೆದ್ದಾರಿಗಳು, ಲೋಕಲ್ ರಸ್ತೆಗಳಿಗೆ ಅಂತಲೇ ಪ್ರತ್ಯೇಕ ನಿಯಮಗಳಿವೆ. ಸುಸಜ್ಜಿತ ರಸ್ತೆಗಳ ವರ್ಗದಲ್ಲಿ, 5 ವಿಭಿನ್ನ ರೀತಿಯ ರಸ್ತೆಗಳಿವೆ. ರಸ್ತೆ ಮೇಲಿನ ಪ್ರತಿಯೊಂದು ವಿಭಿನ್ನ ಗೆರೆಯೂ ಓವರ್ ಟೇಕಿಂಗ್ ನಿಯಮಗಳನ್ನು ಹೊಂದಿದೆ. ಅವುಗಳ ಅರ್ಥವನ್ನು ಇಲ್ಲಿ ನೀಡಲಾಗಿದೆ.

ದೇಶದ ಬಹುತೇಕ ರಸ್ತೆಗಳಲ್ಲಿ ರೀತಿ ಬಿಳಿ ಬಣ್ಣದ ಮುರಿದ ಗೆರೆಗಳನ್ನು ನೀವು ನೋಡಬಹುದು. ಇದರರ್ಥ ನೀವು ಈ ರಸ್ತೆಯಲ್ಲಿ ಎಲ್ಲಿಂದಲಾದರೂ ಯು-ಟರ್ನ್ ತೆಗೆದುಕೊಳ್ಳಬಹುದು. ಆದರೆ, ರಸ್ತೆಯಲ್ಲಿ ಬೇರೆ ವಾಹನ ಇದೆಯೇ ಎಂದು ನೋಡಿಕೊಂಡು ಎಚ್ಚರ ವಹಿಸಬೇಕು.

ಈ ರೀತಿ ಬಿಳಿ ನೇರ ಬಾರ್ ಇದ್ದರೆ, ನೀವು ನೇರವಾಗಿ ರಸ್ತೆಯಲ್ಲಿ ನಡೆಯಬೇಕು. ಈ ರಸ್ತೆಯಲ್ಲಿ ಇತರ ವಾಹನಗಳನ್ನು ಹಿಂದಿಕ್ಕಲು ಅಥವಾ U ಟರ್ನ್ ತೆಗೆದುಕೊಳ್ಳಲು ನಿಮಗೆ ಅನುಮತಿ ಇರುವುದಿಲ್ಲ. ಈ ರಸ್ತೆಗಳು ಗುಡ್ಡಗಾಡು ಪ್ರದೇಶಗಳಲ್ಲಿ ಹೆಚ್ಚಾಗಿ ಕಂಡುಬರುತ್ತವೆ. ಇಲ್ಲಿ ಅಪಘಾತಗಳ ಸಾಧ್ಯತೆ ಹೆಚ್ಚಾಗಿರುತ್ತದೆ.

ಈ ರೀತಿ ನೇರವಾದ ಹಳದಿ ಪಟ್ಟಿ ಇದ್ದರೆ ಓವರ್ ಟೇಕ್ ಮಾಡಲು ಅನುಮತಿಸಲಾಗಿದೆ ಎಂದರ್ಥ. ಆದರೆ ನೀವು ನಿಮ್ಮ ಬದಿಯಲ್ಲಿದ್ದರೆ ಮಾತ್ರ. ಈ ರಸ್ತೆಯಲ್ಲಿ ಯಾವುದೇ ಬದಿಗೆ ಹಳದಿ ಪಟ್ಟಿಯನ್ನು ದಾಟಲು ಅನುಮತಿಸಲಾಗುವುದಿಲ್ಲ. ಈ ರಸ್ತೆಗಳು ಸಾಮಾನ್ಯವಾಗಿ ಕಡಿಮೆ ಗೋಚರತೆ ಇರುವ ಪ್ರದೇಶಗಳಲ್ಲಿ ಕಂಡು ಬರುತ್ತವೆ.

ಎರಡು ನೇರ ಹಳದಿ ಪಟ್ಟಿಗಳನ್ನು ಹೊಂದಿರುವ ರಸ್ತೆಗಳು ಕಟ್ಟುನಿಟ್ಟಾದ ನಿಯಮಗಳನ್ನು ಹೊಂದಿವೆ. ಇದರ ಮೇಲೆ ವಾಹನಗಳು ಯಾವುದೇ ಕಡೆಯಿಂದ ಲೈನ್ ದಾಟುವಂತಿಲ್ಲ. ಅಂದರೆ ಓವರ್ ಟೇಕಿಂಗ್ ಇಲ್ಲ, ಯು-ಟರ್ನ್ ಇಲ್ಲ ಅಥವಾ ಲೇನ್ ಬದಲಾವಣೆ ಇಲ್ಲ. ಈ ಮಾದರಿಯು ಸಾಮಾನ್ಯವಾಗಿ ಅಪಾಯಕಾರಿ 2-ಲೇನ್ ರಸ್ತೆಗಳಲ್ಲಿ ಕಂಡು ಬರುತ್ತದೆ.

ರಸ್ತೆಯ ಮೇಲೆ ಬಿಟ್ಟು ಬಿಟ್ಟು ಹಳದಿ ಪಟ್ಟಿ ಹಾಕಿದ್ದರೆ ನೀವು ಸುಲಭವಾಗಿ ಓವರ್ ಟೇಕ್ ಮಾಡಬಹುದು ಮತ್ತು ಅದರ ಮೇಲೆ ಯು-ಟರ್ನ್ ತೆಗೆದುಕೊಳ್ಳಬಹುದು. ಇದಲ್ಲದೆ, ಓವರ್ ಟೇಕ್ ಮಾಡುವಾಗ, ವಾಹನವನ್ನು ಸಾಲಿನ ಇನ್ನೊಂದು ಬದಿಗೆ ಕೊಂಡೊಯ್ಯಬಹುದು.

ಈ ನಿಯಮಗಳನ್ನು ಸರಿಯಾಗಿ ಅರ್ಥ ಮಾಡಿಕೊಂಡು ಸುರಕ್ಷಿತವಾಗಿ ವಾಹನ ಚಲಾಯಿಸಿ. ಭಾರತದಲ್ಲಿ ರಸ್ತೆ ಅಪಘಾತಗಳಿಂದ ಸಾವಿರಾರು ಮಂದಿ ಪ್ರಾಣ ಕಳೆದುಕೊಳ್ಳುತ್ತಿದ್ದಾರೆ ಎಂಬುವುದನ್ನು ಮರೆಯಬೇಡಿ. ಜವಾಬ್ದಾರಿಯುತವಾಗಿ ಸಂಚರಿಸಿ.