World Snake Day: ಹಾವುಗಳು ನಿಜಕ್ಕೂ ನಾಗಿಣಿ ನೃತ್ಯ ಮಾಡುತ್ತವೆಯೇ?

ಕೆಲವು ಹಾವುಗಳು ಮಾತ್ರ ವಿಷಕಾರಿ. ಹಲವು ಹಾವುಗಳು ಅಪಾಯ ಉಂಟುಮಾಡುವುದಿಲ್ಲ.

ಹಾವುಗಳು ಹಾಲು ಕುಡಿಯುವುದಿಲ್ಲ. ಹಾವುಗಳು ಹಾಲನ್ನು ಜೀರ್ಣಿಸಿಕೊಳ್ಳುವುದಿಲ್ಲ. ಹಾಲನ್ನು ಉತ್ಪಾದಿಸಬಲ್ಲ ಜೀವಿಗಳು ಮಾತ್ರ ಹಾಲನ್ನು ಜೀರ್ಣಿಸಿಕೊಳ್ಳಬಲ್ಲವು. ಆದ್ದರಿಂದ ಹಾವುಗಳು ಜೀರ್ಣಿಸಿಕೊಳ್ಳಲು ಸಾಧ್ಯವಿಲ್ಲ.

ಹಾವುಗಳ ನೃತ್ಯದ ಕುರಿತು ಹಲವು ಕಥೆಗಳಿವೆ. ನಾಗ ನೃತ್ಯ ಅಥವಾ ನಾಗಿಣಿ ನೃತ್ಯಗಳನ್ನು ಸಿನಿಮಾ, ಧಾರಾವಾಹಿಗಳಲ್ಲಿ ತೋರಿಸುತ್ತಾರೆ. ಆದರೆ ಹೀಗೆ ನಾಗ ನೃತ್ಯ ಅಥವಾ ನಾಗಿಣಿ ನೃತ್ಯ ಎಂಬುದು ಸಹ ಕಲ್ಪನೆಯಷ್ಟೇ. . ವಯಸ್ಸಾದ ಹಾವುಗಳಿಗೆ ಗಡ್ಡ ಇರುತ್ತದೆ ಎಂದೂ ಹಲವರು ಹೇಳುತ್ತಾರೆ! ಆದರೆ ಇದರಲ್ಲೂ ಯಾವುದೇ ಸತ್ಯಾಂಶವಿಲ್ಲ.

ನಾಗರಹಾವಿಗೆ ತಲೆಯ ಹಿಂದೆ ನಾಗಮಣಿ ಇರುತ್ತದೆ ಎಂದು ಹಲವರು ನಂಬುತ್ತಾರೆ. ಹಲವಾರು ಸಿನಿಮಾಗಳಲ್ಲಿ ಈ ರೀತಿ ತೋರಿಸಲಾಗುತ್ತದೆ. ಆದರೆ ಇದೊಂದು ಕಟ್ಟುಕಥೆಯಷ್ಟೇ.

ಹಾವನ್ನು ಹೊಡೆದರೆ ಅದು ಮತ್ತೆ ಬಂದು ಸೇಡು ತೀರಿಸಿಕೊಳ್ಳುತ್ತದೆ ಎಂಬ ನಂಬಿಕೆ ಇಂದಿಗೂ ಹಲವರದ್ದು. ಹಾವನ್ನು ಕೊಂದವರನ್ನು ಕೊಲ್ಲಲು ಹಾವಿನ ಸಂಗಾತಿ ಬರುತ್ತದೆ ಎಂಬ ನಂಬಿಕೆ ಇದೆ. ಹಲವು ಧಾರಾವಾಹಿಗಳಲ್ಲಿ, ಸಿನಿಮಾಗಳಲ್ಲಿ ಹೀಗೆಯೇ ಬಿಂಬಿಸಲಾಗಿದೆ. ಆದರೆ ಇದೂ ಸಹ ಬರೇ ಕಟ್ಟುಕಥೆಯಷ್ಟೇ. ಕಥೆಗಾರರ ಕಲ್ಪನೆಯಷ್ಟೇ.

ಹಾವುಗಳ ಮುಂದೆ ನಾಗಸ್ವರ ಊದುವುದನ್ನು ನೋಡುತ್ತೇವೆ. ಹಾವಾಡಿಗರ ಕೈಚಲನೆಯನ್ನು ಅನುಸರಿಸಿ ಹಾವುಗಳು ಸಹ ಅತ್ತಿತ್ತ ಚಲಿಸುತ್ತವೆ. ಆದರೆ ಹಾವಾಡಿಗರು ಪುಂಗಿಯ ನಾದ ಹಾವುಗಳಿಗೆ ಕೇಳಿಸುವುದಿಲ್ಲ

ಹಾವುಗಳು ಕಂಪನಗಳ ಮೂಲಕ ಇತರ ಪ್ರಾಣಿಗಳ ಚಲನೆಯನ್ನು ಸುಲಭವಾಗಿ ಪತ್ತೆ ಮಾಡುತ್ತವೆ.

ಕೇರೆಹಾವಿನ ಬಗ್ಗೆ ಇರುವ ಮತ್ತೊಂದು ಜನಪ್ರಿಯ ಸುಳ್ಳುಕತೆಯೆಂದರೆ ಕೇರೆಹಾವಿಗೆ ಹಲ್ಲಲ್ಲಿ ವಿಷವಿಲ್ಲ, ಬಾಲದಲ್ಲಿ ವಿಷವಿದೆ ಎನ್ನುವುದು. ಕೇರೆಹಾವು ಪೂರ್ಣ ವಿಷರಹಿತ ಹಾವಾಗಿದ್ದು ಆ ರೀತಿ ಬಾಲದಲ್ಲಿ ಯಾವುದೇ ಕಾರಣಕ್ಕೂ ವಿಷ ಹೊಂದಿರುವುದಿಲ್ಲ‌.