Expensive Nail Polish: ಇದು ಜಗತ್ತಿನ ದುಬಾರಿ ನೈಲ್ ಪಾಲಿಶ್ ಅಂತೆ, ಇದ್ರ ಬೆಲೆ ಬರೋಬ್ಬರಿ 1 ಕೋಟಿ 90 ಲಕ್ಷ!

ಮೇಕಪ್ ಮಾಡೋದು ಅಂದ್ರೆ ಯಾರಿಗೆ ಇಷ್ಟ ಇಲ್ಲ ಹೇಳಿ. ಈಗಿನ ದಿನದಲ್ಲಿ ಪ್ರತಿಯೊಂದು ಹುಡುಗೀರು ಮೇಕಪ್ ಮಾಡಿಯೇ ಮಾಡ್ತಾರೆ. ಮೇಕಪ್​ ಮಾಡುವಾಗ ಹಲವಾರು ಅಲಂಕಾರಿಕ ವಸ್ತುಗಳನ್ನು ಬಳಸ್ತಾರೆ. ಈ ಸಾಲಿನಲ್ಲಿ ನೈಲ್​ ಪಾಲಿಶ್​ ಸಹ ಒಂದು.

ಇನ್ನು ಮೇಕಪ್​ ಮಾಡೋ ಹುಡುಗೀರ ವ್ಯಾನಿಟಿ ಬ್ಯಾಗ್​ನಲ್ಲಿ ನೈಲ್​ ಪಾಲಿಶ್​ ಇದ್ದೇ ಇರುತ್ತದೆ. ಸಾಮಾನ್ಯವಾಗಿ ಈ ನೈಲ್​ ಪಾಲಿಶ್​ಗಳ ಬೆಲೆ ಹೆಚ್ಚೆಂದರೆ 1 ಸಾವಿರ ರೂಪಾಯಿಯೊಳಗಡೆ ಇರಬಹುದು. ಆದರೆ ಇಲ್ಲೊಂದು ನೈಲ್ ಪಾಲಿಶ್ ಬೆಲೆ ನೋಡಿದ್ರೆ ಒಮ್ಮೆ ನೋಡುಗರನ್ನೇ ತಲೆ ತಿರುಗಿಸುತ್ತೆ. ಇದಲ್ಲದೆ ಇದೇ ಅಂತೆ ಜಗತ್ತಿನ ಅತಿ ದುಬಾರಿ ಬೆಲೆಯ ನೈಲ್​ ಪಾಲಿಶ್​

ಇಂದಿನ ದಿನದಲ್ಲಿ ಜನರ ಬೇಡಿಕೆಗೆ ತಕ್ಕಂತೆ ಕಂಪೆನಿಗಳು ಸಹ ಮಾರುಕಟ್ಟೆಗೆ ಹಲವಾರು ರೀತಿಯ ನೈಲ್ ಪಾಲಿಶ್​ಗಳನ್ನು ಪರಿಚಯಿಸುತ್ತಿದೆ. ಇನ್ನು ಈ ಉತ್ಪನ್ನಗಳ ಗುಣಮಟ್ಟ ಮತ್ತು ಗಾತ್ರದ ಅನುಗುಣವಾಗಿ ಬೆಲೆಯನ್ನು ಸಹ ನಿಗದಿ ಮಾಡಲಾಗುತ್ತದೆ.

ಮಾರುಕಟ್ಟೆಯಲ್ಲಿ ಕೈಗೆಟುಕುವ ಬೆಲೆಯಲ್ಲಿ ಖರೀದಿಬಹುದಾದ ನೈಲ್​ ಪಾಲಿಶ್ ಗಳ ನಡುವೆ ಕೋಟಿ ಕೋಟಿ ಬೆಲೆ ಬಾಳೋ ನೇಲ್ ಪಾಲಿಶ್ ಇದೆ ಅಂದ್ರೆ ನಂಬ್ತೀರಾ? ಆದರೆ ಈ ಲೇಖನವನ್ನು ಓದಿದ್ರೆ ನೀವು ನಂಬ್ತೀರಾ. ಇದು ವಿಶ್ವದ ದುಬಾರಿ ಬೆಲೆಯ ನೈಲ್​ ಪಾಲಿಶ್ ಆಗಿದೆ. ಇನ್ನು ಇದರ ಬೆಲೆಯಿಂದ ಒಂದು ಹೊಸ ಮನೆಯನ್ನೇ ಖರೀದಿ ಮಾಡ್ಬಹುದು.

ಈ ಬೆಲೆಬಾಳುವ ನೇಲ್ ಪಾಲಿಶ್ ಹೆಸರು ‘ಅಜೇಚರ್'(Ajechar). ಈ ದುಬಾರಿ ಬೆಲೆಯ ನೇಲ್ ಪಾಲಿಶ್ ಅನ್ನು ಲಾಸ್ ಎಂಜೆಲಿಸ್(Laas Enjalis) ನ ವಿನ್ಯಾಸಕ ಎಜೆಟ್ಯೂರ್ ಪೊಗೋಸಿಯನ್(Ejeture Pogosiyan) ಅವರು ತಯಾರಿಸಿದ್ದಾರೆ.

ಬೆಲೆ: ಇನ್ನು ಈ ನೈಲ್​ ಪಾಲಿಶ್​ನ ತಯಾರಿ ಮತ್ತು ಬೆಲೆ ಬಗ್ಗೆ ಯಾರೂ ಊಹೆಯೂ ಮಾಡಿರ್ಲಿಕ್ಕಿಲ್ಲ. ಏಕೆಂದರೆ ಅಜೇಚರ್ ನೈಲ್ ಪಾಲಿಶ್ ಬೆಲೆ ಬರೋಬ್ಬರಿ 2,50000 ಡಾಲರ್ ಗಳು. ಅಂದರೆ ಭಾರತದಲ್ಲಿ ಸುಮಾರು 1 ಕೋಟಿ 90 ಲಕ್ಷ ರೂಪಾಯಿಗಳು. ಇನ್ನುಈ ನೈಲ್​ ಪಾಲಿಶ್​ ಜಗತ್ತಿನಲ್ಲಿ ‘ಬ್ಲಾಕ್​ ಡೈಮಂಡ್​ ಕಿಂಗ್​‘ ಎಂದೂ ಜನಪ್ರಿಯತೆಯನ್ನು ಪಡೆದಿದೆ.

ವಿಶೇಷತೆ: ಸಾಮಾನ್ಯವಾಗಿ ನೈಲ್ ಪಾಲಿಶ್ ಗಳನ್ನು ತಯಾರಿ ಮಾಡುವ ಸಂದರ್ಭದಲ್ಲಿ ಕೆಲವು ರಾಸಾಯನಿಕಗಳನ್ನು ಬಳಸುತ್ತಾರೆ. ಆದರೆ ಈ ದುಬಾರಿ ಬೆಲೆಯ ನೈಲ್ ಪಾಲಿಶ್ ತಯಾರಿಸಲು ಪ್ಲೇಟಿನಿಯಮ್ ಪೌಡರ್ ಮತ್ತು ಡೈಮಂಡ್ ಅನ್ನು ಬಳಸಲಾಗುತ್ತದೆ.

ವಿಶೇಷವಾಗಿ 267 ಕ್ಯಾರೆಟ್ ಡೈಮಂಡ್ ಅನ್ನು ಈ ನೈಲ್ ಪಾಲಿಶ್ ತಯಾರಿಕೆಯಲ್ಲಿ ಬಳಸಲಾಗುತ್ತದೆ. ಇದಕ್ಕಾಗಿಯೇ ಇದರ ಬೆಲೆ ಹೆಚ್ಚು ಎಂದು ಹೇಳ್ಬಹುದು. ಇನ್ನು ಇಷ್ಟು ದಿನ ಕೇವಲ ಚೈನ್, ಉಂಗುರ, ಬಳೆ ಹೀಗೆಲ್ಲಾ ಡೈಮಂಡ್​ಗಳನ್ನು ನೋಡುತ್ತಿದ್ದೆವು, ಆದರೆ ಇನ್ಮುಂದೆ ನಾವು ನೈಲ್​ ಪಾಲಿಶ್​ಗಳಲ್ಲೂ ಡೈಮಂಡ್​ಗಳನ್ನು ನೋಡಬಹುದು.