Fish: ಈ ಮೀನುಗಳ ಬೆಲೆ 25 ಲಕ್ಷದಿಂದ 1 ಕೋಟಿ ರೂಪಾಯಿ! ಜನಸಾಮ್ಯಾನರ ಹೊಟ್ಟೆ ಸೇರಲ್ಲ ಬಿಡಿ ಈ ಫಿಶ್!

ನಾನ್​ ವೆಜ್​ ಪ್ರಿಯರಿಗೆ ಮೀನು ಅಂದ್ರೆ ಸಖತ್​ ಇಷ್ಟವಿರುತ್ತೆ. ಶೇಕಡ 10 ರಷ್ಟು ಜನರು ಈ ಮೀನನ್ನು ಹೇಟ್​ ಮಾಡ್ಬೋದು. ಈ ಹಿಂದೆ ಮೀನನ್ನು ಕೊಂಡು ಕೊಳ್ಳುವಾಗ ಯಾವ ರೀತಿಯಾಗಿ ನೋಡಿ ತೆಗೆದುಕೊಳ್ಳ ಬೇಕು ಎಂದು ತಿಳಿಸಲಾಗಿತ್ತು.

ಇಂದು ಜಗತ್ತಿನ ಅತ್ಯಂತ ದೊಡ್ಡ ಮೀನು ಯಾವುದು ಎಂಬುದರ ಬಗ್ಗೆ ತಿಳಿಸಿಕೊಡ್ತೀವಿ. ಇದರ ಬಗ್ಗೆ ಕೇಳ್ತಾ ಇದ್ರೆ ನಿಜಕ್ಕೂ ನೀವು ಶಾಕ್​ ಆಗ್ತೀರ.

ಬ್ಲೂಫಿನ್ ಟ್ಯೂನ ಮೀನುಗಳನ್ನು ವಿಶ್ವದ ಅತ್ಯಂತ ದುಬಾರಿ ಮೀನು ಎಂದು ಕರೆಯಲಾಗುತ್ತದೆ. ಈ ಮೀನು ಟ್ಯೂನ ಜಾತಿಗಳಲ್ಲಿ ದೊಡ್ಡದಾಗಿದೆ. ನೀರಿನಲ್ಲಿ ಇದರ ಈಜುವ ವೇಗ ಬಹಳ ವೇಗವಾಗಿರುತ್ತದೆ.

ಈ ಮೀನು 3 ಮೀಟರ್ ಉದ್ದ ಮತ್ತು 250 ಕೆಜಿ ವರೆಗೆ ಇರುತ್ತದೆ. ಇದು ಇತರ ಸಣ್ಣ ಮೀನುಗಳನ್ನು ಬೇಟೆಯಾಡುತ್ತದೆ. ಈ ಮೀನು ಬೆಚ್ಚಗಿನ ರಕ್ತವನ್ನು ಹೊಂದಿದೆ. ಪ್ರೋಟೀನ್ ಮತ್ತು ಒಮೆಗಾ-3 ಯಲ್ಲಿ ಸಮೃದ್ಧವಾಗಿರುವ ಈ ಮೀನನ್ನು ಔಷಧಿ ತಯಾರಿಸಲು ಸಹ ಬಳಸಲಾಗುತ್ತದೆ.

ಬ್ಲೂಫಿನ್ ಟ್ಯೂನವು ಅದರ ವೇಗ ಮತ್ತು ಸಮುದ್ರದ ಆಳಕ್ಕೆ ಧುಮುಕುವ ಸಾಮರ್ಥ್ಯಕ್ಕೆ ಹೆಸರುವಾಸಿಯಾಗಿದೆ. ಈ ಮೀನಿನ ವಯಸ್ಸು ಸುಮಾರು 40 ವರ್ಷಗಳು.

ಬ್ಲೂಫಿನ್ ಟ್ಯೂನ ಮೀನುಗಳು ಅಳಿವಿನ ಅಂಚಿನಲ್ಲಿರುವುದರಿಂದ ಬೇಟೆಯಾಡುವುದನ್ನು ನಿಷೇಧಿಸಲಾಗಿದೆ. ಸಿಕ್ಕಿಬಿದ್ದರೆ ಜೈಲು ಶಿಕ್ಷೆ ಹಾಗೂ ದಂಡ ವಿಧಿಸಬಹುದು.

ಬ್ಲೂಫಿನ್ ಟ್ಯೂನ ಮೀನುಗಳು ಹಾಗೆಯೇ ನೋಡಲು ಸಿಗೋದಿಲ್ಲ. ಆದರೆ, ಹೇಳಬೇಕಂದ್ರೆ ಹಲವಾರು ಜನರು ಇದನ್ನು ಹಿಡಿಯಲು ತುದಿಗಾಲಿನಲ್ಲಿ ಕಾಯುತ್ತಾ ಇದ್ದಾರೆ. ಈ ಮೀನುಗಳ ಬೆಲೆ 25 ಲಕ್ಷದಿಂದ 1 ಕೋಟಿ ರೂಪಾಯಿ!