Pictures: ಹಗ್ಗವೋ, ಕೂದಲೋ? ಇಡೀ ದೇಹದ ತೂಕ ಹೊರುತ್ತೆ: ಫೋಟೋಗಳಲ್ಲಿ ನೋಡಿ

ಕ್ಲೋಯ್ ವಾಲ್ಷ್ (Chloe Walsh) ಲಿವರ್‌ಪೂಲ್‌ ನಿವಾಸಿಯಾಗಿದ್ದು , ಕಳೆದ 7 ವರ್ಷಗಳಿಂದ ಸರ್ಕಸ್‌ನಲ್ಲಿ ಕೆಲಸ ಮಾಡುತ್ತಿದ್ದಾರೆ. ಕೂದಲಿನ ಆಧಾರವಾಗಿ ಜೋತು ಬೀಳುವ ಅಭ್ಯಾಸವನ್ನು ಕ್ಲೋಯ್ ತನ್ನ ಹವ್ಯಾಸವನ್ನಾಗಿಸಿಕೊಂಡಿದ್ದಾರೆ. ಡೈಲಿ ಸ್ಟಾರ್ ವರದಿ ಪ್ರಕಾರ, ಅವರು 2014 ರಿಂದ ಸರ್ಕಸ್‌ನಲ್ಲಿ ಹೇರ್ ಹ್ಯಾಂಗರ್ ಆಗಿ ಕೆಲಸ ಮಾಡಲು ಪ್ರಾರಂಭಿಸಿದರು.

ಸಾಮಾನ್ಯ ಸರ್ಕಸ್ ಗಿಂತ ಹೇರ್ ಹ್ಯಾಂಗರ್ ತುಂಬಾ ವಿಭಿನ್ನವಾಗಿದೆ. ಇದರಲ್ಲಿ ಕಲಾವಿದ ತನ್ನ ಕೂದಲಿನ ಸಹಾಯದಿಂದ ಸ್ವಿಂಗ್ ಮಾಡಬೇಕು ಮತ್ತು ಕೆಲವು ಸಾಹಸಗಳನ್ನು ಪ್ರದರ್ಶಿಸಬೇಕು. ಈ ಸಾಹಸ ಜನರನ್ನು ರಂಜಿಸುತ್ತದೆ.

31 ವರ್ಷದ ಕ್ಲೋಯ್ ವಾಲ್ಷ್ ಸ್ವತಃ ತಾವೇ ಕೂದಲಿಗೆ ಜೋತು ಬಿದ್ದು, ಗಾಳಿಯಲ್ಲಿ ತೂಗಾಡುತ್ತಾರೆ. ಬಾಲ್ಯದಲ್ಲಿಯೇ ನೃತ್ಯ ತರಬೇತಿ ಪಡೆದುಕೊಂಡಿದ್ದೆ. ಒಮ್ಮೆ ಪ್ರಯಾಣಿಸುತ್ತಿರುವಾಗ ಸರ್ಕಸ್ ನಲ್ಲಿ ಕೆಲಸ ಮಾಡುವ ಅವಕಾಶ ಸಿಕ್ಕಿತು ಎಂದು ಕ್ಲೋಯ್ ಹೇಳುತ್ತಾರೆ.

ಬಾಲ್ಯದಿಂದಲೂ ಒಳ್ಳೆಯ ಡ್ಯಾನ್ಸರ್ ಮತ್ತು ಜನರನ್ನು ರಂಜಿಸುವ ಪಫಾರ್ಮರ್ ಆಗಬೇಕೆಂಬ ಕನಸು ಇತ್ತು. ಇದಕ್ಕಾಗಿಯೇ ತರಬೇತಿ ಪಡೆದುಕೊಂಡಿದ್ದೇನೆ. ಪ್ರದರ್ಶನ ಕಲೆಯಲ್ಲಿಯಲ್ಲಿ ಕ್ಲೋಯ್ ಪದವಿ ಸಹ ಪಡೆದುಕೊಂಡಿದ್ದಾರೆ. ಆದ್ರೆ ಅವರಿಗೆ ಸರ್ಕಸ್ ನಲ್ಲಿ ಕೆಲಸ ಮಾಡೋದು ಇಷ್ಟವಿರಲಿಲ್ಲ ಎಂದು ಹೇಳಿಕೊಂಡಿದ್ದಾರೆ.

2014ರಲ್ಲಿ ಕೆಲಸಕ್ಕೂ ಸೇರುವ ಮೊದಲು ಪ್ರಯಾಣ ಮಾಡೋದು ಅಂದ್ರೆ ತುಂಬಾನೇ ಇಷ್ಟವಿತ್ತು. ಇಲ್ಲಿಗೆ ಬಂದ ಮೇಲೆ ಹೇರ್ ಹ್ಯಾಂಗ್ ಮತ್ತು ಏರಿಯಕ್ ಆಕ್ಟ್ ಕಲಿತೆ . ಮುಂದೆ ನನ್ನ ಮಕ್ಕಳು ಈ ಕಲೆ ಕಲಿಯಲಿ ಎಂಬ ಆಸೆ ಇದೆ. ಎಷ್ಟೋ ಜನರು ನಿಮ್ಮ ಕೂದಲು ಕಟ್ ಆಗಲ್ವಾ ಎಂದು ಪ್ರಶ್ನೆ ಮಾಡುತ್ತಿರುತ್ತಾರೆ ಎಂದು ಕ್ಲೋಯ್ ಹೇಳುತ್ತಾರೆ.

ಹೇರ್ ಹ್ಯಾಂಗ್ ಕಲೆಯಲ್ಲಿ, ಎಲ್ಲಾ ತೂಕವು ಅವರ ಕೂದಲಿನ ಮೇಲೆ ಇರುತ್ತದೆ. ಇದರಲ್ಲಿ ಕೂದಲು ಕಟ್ಟುವ ರೀತಿ ರಹಸ್ಯವಾಗಿದೆ. ಕಲೆ ಪ್ರದರ್ಶನ ಹಿನ್ನೆಲೆ ಕ್ಲೊಯ್ ಪ್ರಪಂಚದಾದ್ಯಂತ ಪ್ರಯಾಣಿಸುತ್ತಾರೆ. ಈ ಕಾರಣದಿಂದಾಗಿ ಅನೇಕ ಕುಟುಂಬದ ಕಾರ್ಯಕ್ರಮಗಳಿಗೆ ಗೈರಾಗುತ್ತಾರೆ. (All Photos Credit- Instagram/chloejwalsh8)