Viral Photo; ಬೆಟ್ಟದ ತುತ್ತತುದಿಯಲ್ಲಿ ಫೋಟೋ ಕ್ಲಿಕ್ಕಿಸಿಕೊಳ್ತಿದ್ದ ಮಹಿಳೆ: 5 ಸೆಕೆಂಡ್ ನಲ್ಲಿ ಮಾಯವಾದ ಮಹಿಳೆ

ಲಕ್ಷಂಬರ್ಗ್ (Luxembourg) ಪ್ರಾಂತ್ಯದ ನದ್ರಿನ್ (Nadrin) ಎಂಬ ಪ್ರದೇಶದಲ್ಲಿ ಈ ಘಟನೆ ನಡೆದಿದೆ. 33 ವರ್ಷದ ಝೋ ಸ್ನೊಕ್ಸೆ ನದ್ರಿನ್ ಗೆ ತೆರಳಿದ್ದರು. ಅಲ್ಲಿ ಎತ್ತರವಾದ ಪ್ರದೇಶದಲ್ಲಿ ನಿಂತು ಪತಿಯ ಕ್ಯಾಮೆರಾಗೆ ಪೋಸ್ ನೀಡುತ್ತಿದ್ದರು. ಪತಿ ಜೋಯಿರಿ ಜಾನ್ಸೆನ್ ಫೋಟೋ ಕ್ಲಿಕ್ಕಿಸುತ್ತಿರುವಾಗಲೇ ಕ್ಯಾಮೆರಾ ಫ್ಲಾಶ್ ಆಗುವ  5 ಸೆಕೆಂಡ್ ನಲ್ಲಿಯೇ ಮಹಿಳೆ ಮಾಯವಾಗಿದ್ದಾರೆ,

ಝೋ ಸ್ನೊಕ್ಸೆ ಮತ್ತು ಜಾನ್ಸೆನ್ ಪ್ರವಾಸಿ ದಂಪತಿ. ಬಿಡುವಿನ ಸಮಯದಲ್ಲಿ ಪ್ರವಾಸಕ್ಕೆ ತೆರಳುತ್ತಿದ್ದ ದಂಪತಿ, ಅಲ್ಲಿ ಫೋಟೋಗಳನ್ನು ಕ್ಲಿಕ್ಕಿಸಿಕೊಂಡು ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಳ್ಳುತ್ತಿದ್ದರು. ಈ ಬಾರಿಯೂ ಎಂದಿನಂತೆ ದಂಪತಿ ನದ್ರಿನ್ ಪ್ರವಾಸಿ ಸ್ಥಳಕ್ಕೆ ತೆರಳಿದ್ದರು.

ಬೆಟ್ಟದ ತುತ್ತತುದಿಯಲ್ಲಿ ಸ್ನೊಕ್ಸೆ ಫೋಟೋಗೆ ಪೋಸ್ ನೀಡುತ್ತಿದ್ದರು. ಮತ್ತೊಂದು ಕಡೆ ಜಾನ್ಸನ್ ಪತ್ನಿಯ ಸುಂದರ ಫೋಟೋಗಳನ್ನು ಕ್ಯಾಮೆರಾದಲ್ಲಿ ಸೆರೆ ಹಿಡಿಯುತ್ತಿದ್ದರು. ಆದ್ರೆ ನೋಡ ನೋಡುತ್ತಿದ್ದಂತೆ ಮಹಿಳೆ 100 ಅಡಿ ಆಳಕ್ಕೆ ಆಯತಪ್ಪಿ ಬಿದ್ದಿದ್ದಾರೆ. ಪತಿಯ ಕಣ್ಮುಂದೆಯೇ ಈ ಘಟನೆ ನಡೆದಿದೆ.

ಕೊರೊನಾ ಕಾಲದಿಂದ ಮನೆಯಲ್ಲಿದ್ದ ನಾವು ಪ್ರವಾಸ ಆರಂಭಿಸಿದ್ದೇವು, ನಮ್ಮ ಕಾರ್ ನಲ್ಲಿಯೇ ಡ್ರೈಬ್ ಮಾಡ್ಕೊಂಡು ಇಲ್ಲಿಗೆ ಬಂದಿದ್ದೇವು. ಸುಂದರ ಫೋಟೋಗಳನ್ನು ಕ್ಲಿಕ್ಕಿಸಿಕೊಳ್ಳಬೇಕೆಂಬ ಆಸೆಯನ್ನು ಪತ್ನಿ ಹೊಂದಿದ್ದಳು.

ಅವಳು ಬೆಟ್ಟದ ತುದಿಯಲ್ಲಿ ನಿಂತಿದ್ದಳು. ನಾನು ಫೋಟೋ ಕ್ಲಿಕ್ ಮಾಡುತ್ತಿದ್ದೆ. ನನ್ನ ಹಿಂದೆ ನಾಯಿ ಬರುತ್ತಿದೆ ಹುಷಾರು ಎಂದು ಹೇಳಿದಳು. ನಾನು ಹಿಂದೆ ತಿರುಗಿ ನಾಯಿ ಓಡಿಸಿ, ತಿರುಗುವಷ್ಟರಲ್ಲಿ ಆಕೆ ಕೆಳಗೆ ಬಿದ್ದಿದ್ದಳು. ಇದೆಲ್ಲ ನಡೆದಿದ್ದು ಕೇವಲ 5 ಸೆಕೆಂಡ್ ನಲ್ಲಿ ಎಂದು ಪತಿ ಜಾನ್ಸನ್ ಕಣ್ಣೀರು ಹಾಕುತ್ತಾನೆ.