Chocolate Day 2023: ಈ ದಿನ ನಿಮ್ಮದೇ ಬಿಡಿ, ನಿಮ್ಮ ಸಂಗಾತಿಗಾಗಿ ಈ ಗಿಫ್ಟ್​ ಕೊಡಿ, ಎಂದೂ ದೂರವಾಗೋಲ್ಲ!

ಪ್ರೀತಿಯ ದಿನಗಳು ಆರಂಭವಾಗಿ ಇಂದಿಗೆ ಮೂರನೆಯೆ ದಿನಕ್ಕೆ ಬರ್ತಾ ಇದ್ದೇವೆ, ರೋಸ್​ ಡೇ, ಪ್ರಪೋಸ್​ ಡೇ ಹೀಗೆ ಆಚರಿಸಿಕೊಂಡು ಇದೀಗ ಫೆಬ್ರವರಿ   9ರಂದು ಚಾಕೊಲೇಟ್​ ಡೇ ಎಂದು ಆಚರಿಸಲಾಗುತ್ತದೆ. ಹಾಗಾದ್ರೆ ಈ ದಿನವನ್ನು ಯಾಕೆ ಆಚರಿಸಬೇಕು, ಯಾವ ಚಾಕೊಲೇಟ್​ ಕೊಡಬೇಕು ಎಂದು ತಿಳಿಯೋಣ ಬನ್ನಿ.

ಈ ದಿನ ಕೇವಲ ನಿಮ್ಮ ಸಂಗಾತಿಗೆ ಮಾತ್ರವಲ್ಲದೇ ನಿಮ್ಮ ಪ್ರೀತಿ ಪಾತ್ರರಾದ ಕುಟುಂಬ, ಪುಟಾಣಿ ಮಕ್ಕಳಿಗೆ ಕೂಡ ಚಾಕೊಲೇಟ್ಗಳನ್ನು ಕೊಡಬಹುದು. ಅದ್ರಲ್ಲೂ ನಿಮ್ಮ ಸಂಗಾತಿಗೆ ನೀಡಿದ್ರೆ ಭಾವನಾತ್ಮಕವಾಗಿ ಸಂಬಂಧ ಬೆಳೆಯುತ್ತದೆ ಎಂದೇ ಹೇಳಬಹುದು.

ಸಾಮಾನ್ಯವಾಗಿ ಹೆಣ್ಣು ಮಕ್ಕಳಿಗೆ ಚಾಕ್ಲೇಟ್​ ಅಂದ್ರೆ ಇಷ್ಟ ಇರುತ್ತೆ. ಅದ್ರಲ್ಲೂ ಡೈರಿ ಮಿಲ್ಕ್​ ಅಚ್ಚುಮೆಚ್ಚು. ಹೀಗಾಗಿ ಹಲವಾರು ಚಾಕೊಲೇಟ್​ಗಳನ್ನು ಒಗ್ಗೂಡಿಸಿ ಒಂದು ರೋಸ್​ ಜೊತೆಗೆ ನೀಡಬಹುದು.

ಅವರ ನೆಚ್ಚಿನ ಚಾಕೊಲೇಟ್ ಬಾಕ್ಸ್ ಅನ್ನು ನಿಮ್ಮ ಪ್ರೀತಿಪಾತ್ರರಿಗೆ, ಸ್ನೇಹಿತರಿಗೆ ಮತ್ತು ಕುಟುಂಬಕ್ಕೆ ಉಡುಗೊರೆಯಾಗಿ ನೀಡಬಹುದು ಮತ್ತು ಅವರ ಜೀವನಕ್ಕೆ ಸ್ವಲ್ಪ ಸಿಹಿ ಆನಂದವನ್ನು ಸೇರಿಸುವ ಮೂಲಕ ಅವರು ನಿಮಗೆ ಮುಖ್ಯವೆಂದು ಅವರಿಗೆ ತಿಳಿಸಿ.

ನೀವು ಸುಮ್ಮನೆ ಹಣವನ್ನು ವೆಚ್ಚಮಾಡಿ, ಯಾವುದ್ಯಾವುದೋ ಚಾಕೊಲೇಟ್​   ಕೊಡೋ ಬದಲು ಡಾರ್ಕ್​ ಚಾಕೊಲೇಟ್   ಕೊಡಿ. ಇದು ಕಹಿಯಾಗಿದ್ರೂ ಕೂಡ ಆರೋಗ್ಯಕ್ಕೆ ತುಂಬಾ ಒಳಿತು. ಬಾಯಿ ಕಹಿಯಾದರೂ ಕೂಡ ಆರೋಗ್ಯ ಸಿಹಿಯಾಗಿರುತ್ತೆ.

ಈ ಡಾರ್ಕ್​ ಚಾಕ್ಲೇಟ್​ ಕೊಟ್ರೆ ಅವರಿಗೂ ಕೂಡ ನಿಮ್ಮ ಮೇಲೆ ಭರವಸೆ ಬರುತ್ತದೆ. ಆರೋಗ್ಯದ ಸಲುವಾಗಿ ಈ ಚಾಕೊಲೇಟ್​  ಕೊಟ್ಟಿರುವುದಾಗಿ ಸಂತೋಷವೂ ಆಗುತ್ತದೆ.

ಹೀಗಾಗಿ ಕೋಕೋ ಕಂಟೆಂಟ್​ ಜಾಸ್ತಿ ಇರುವ ಚಾಕೊಲೇಟ್ ಕೊಡಿ. ಅದ್ರಲ್ಲೂ ಈ ಪ್ರೇಮಿಗಳ ದಿನಗಳಿಗಾಗಿಯೇ ಅದೆಷ್ಟೋ ಹೊಸ ರೀತಿಯ ಚಾಕೋಲೇಟ್​ಗಳು ಮಾರುಕಟ್ಟೆಗಳಿಗೆ ಬಂದಿದೆ. ಅದನ್ನು ನೋಡಿ ತೆಗೆದುಕೊಳ್ಳಿ.

ನಿಮ್ಮಿಷ್ಟವಾದ ಸ್ಥಳಗಳಿಗೆ ಹೋಗಿ ಅಲ್ಲಿ ಚಾಕೊಲೇಟ್ ಕೊಟ್ಟು ಪ್ರಪೋಸ್​ ಮಾಡಬಹುದು. ಹಾಗೆಯೇ ಮುಕ್ತವಾಗಿ ಮಾತನಾಡಿಕೊಳ್ಳಿ. ಒಟ್ಟಿನಲ್ಲಿ ಈ ಚಾಕೊಲೇಟ್ ​ ದಿನವನ್ನು ಚೆನ್ನಾಗಿ ಬಳಸಿಕೊಳ್ಳಿ.