Interesting Fact: ನೀವು ಜಾಸ್ತಿ ಸೆಲ್ಪಿ ಕ್ಲಿಕ್ ಮಾಡ್ತೀರಾ? ಹಾಗಾದ್ರೆ ಇದನ್ನು ಓದಲೇಬೇಕು

ಜರ್ಮನಿಯ ಯೂನಿವರ್ಸಿಟಿ ಆಫ್ ಟುಬಿಂಗನ್ ಮತ್ತು ಓಹಿಯೋ ಸ್ಟೇಟ್ ಯೂನಿವರ್ಸಿಟಿಯ ಸಂಶೋಧಕರು ಅಧ್ಯಯನವನ್ನು ನಡೆಸಿದ್ದಾರೆ. ಜನರು ಸೆಲ್ಫಿಗಾಗಿ ಏಕೆ ಹುಚ್ಚರಾಗಿದ್ದಾರೆಂದು ತಿಳಿಯಲು ಪ್ರಯತ್ನಿಸಿದ್ದಾರೆ. ಈ ಸಂಶೋಧಕರ ತಂಡವು 2113 ಜನರ ಮೇಲೆ ಆರು ಪ್ರಯೋಗಗಳನ್ನು ನಡೆಸಿತು.

ನಾವು ನಮಗೆ ಹೇಗೆ ಕಾಣುತ್ತೇವೋ ಜಗತ್ತಿಗೂ ಹಾಗೇ ನಮ್ಮನ್ನು ತೋರಿಸಲು ಇಷ್ಟಪಡುತ್ತೇವೆ ಎಂಬುದು ಸಂಶೋಧನೆಯಲ್ಲಿ ತಿಳಿದು ಬಂದಿದೆ. ಅದಕ್ಕಾಗೇ ಜನರು ಹೆಚ್ಚಾಗಿ ಸೆಲ್ಪಿ ಕ್ಲಿಕ್ ಮಾಡಿಕೊಳ್ಳುತ್ತಾರೆ.

ಸೆಲ್ಫಿ ಕ್ಲಿಕ್ ಮಾಡಿದಾಗ ಆ ಸಮಯದ ನೆನಪು ಬಹಳ ದಿನಗಳ ವರೆಗೆ ಇರುತ್ತದೆ ಎಂಬ ಕಾರಣಕ್ಕೆ ನಾವು ಹೆಚ್ಚಾಗಿ ಸೆಪ್ಲಿ ಕ್ಲಿಕ್ ಮಾಡಲು ಬಯಸುತ್ತೀವಂತೆ. ಆತ್ಮೀಯ ಭಾವ ಹಾಗೂ ದೈಹಿಕ ಸಂಪರ್ಕ ಸೆಲ್ಪಿಯಲ್ಲಿ ಮಾತ್ರ ಸಾಧ್ಯ ಎಂದು ಹೇಳಲಾಗಿದೆ.

ಓಹಿಯೋ ಸ್ಟೇಟ್ ಯೂನಿವರ್ಸಿಟಿಯ ಮನೋವಿಜ್ಞಾನದ ಪ್ರಾಧ್ಯಾಪಕರಾದ ಲಿಸಾ ಲಿಬ್ಬಿ, ಎನ್ನುವವರು ಈ ಸಂಶೋಧನೆಯನ್ನು ಕೈಗೊಂಡಿದ್ದರು ಎಂಬುದು ತಿಳಿದು ಬಂದಿದೆ.

ಸಂಶೋಧನೆಯಲ್ಲಿ ತೊಡಗಿರುವ ಜನರ ಬಳಿ ನಿಮಗೆ ಇಷ್ಟವಾದ ಮತ್ತು ಹೆಚ್ಚು ನೆನಪಿನಲ್ಲುಳಿಯುವ ಫೋಟೋ ಯಾವುದು ಎಂದು ಕೇಳಿದಾಗ ಹೆಚ್ಚಿನವರು ತಮ್ಮ ಸೋಶಿಯಲ್ ಮೀಡಿಯಾ ಖಾತೆಯಲ್ಲಿರುವ ಸೆಲ್ಫಿಗಳನ್ನೇ ತೋರಿಸಿದ್ದಾರಂತೆ.

ಈ ಫೋಟೋಗಳಲ್ಲಿ ಅತಿ ಹೆಚ್ಚು ಕಮೆಂಟ್​ ಬಂದಿರುವ ಮತ್ತು ಜನರು ಇಷ್ಟಪಟ್ಟಿರುವ ಫೋಟೋಗಳು ಸೆಪ್ಲಿಗಳೇ ಆಗಿದ್ದವು ಎಂಬುದು ತಿಳಿದು ಬಂದಿದೆ.

ನಿಮಗೂ ಪದೇ ಪದೇ ಸೆಲ್ಫಿ ತೆಗೆದುಕೊಳ್ಳುವ ರೂಢಿ ಇದೆಯಾ? ಹಾಗಾದ್ರೆ ಅದಕ್ಕೆ ಇಷ್ಟೆಲ್ಲಾ ಕಾರಣ ಇದೆ ನೋಡಿ.