Christmas Tree: ಕ್ರಿಸ್ಮಸ್ ಮರದ ಹಿಂದಿದೆ ಒಂದು ದೊಡ್ಡ ಕಥೆ!

ವರ್ಷದ ಕೊನೆಯಲ್ಲಿ ಬರುವ ಹಬ್ಬ ಅಂದ್ರೆ ಅದು  ಕ್ರಿಸ್​ಮಸ್​ ಹಬ್ಬ. ಆಹಾ ಬಂದೇಬಿಡ್ತು ನೋಡಿ ಈ ಹಬ್ಬ! ಕ್ರಿಶ್ಚಿಯನ್ನರ ಮನೆ ಮನೆಗಳಲ್ಲೂ ಸಂಭ್ರಮ, ಸಡಗರ ನೆಲೆಯಾಗಿರುತ್ತೆ. ಇದರ ಜೊತೆಗೆ ಮನೆಯಲ್ಲಿಯೇ  ಸ್ವೀಟ್​ ಕೇಕ್​  ತಯಾರಿಸಿರುತ್ತಾರೆ.

ಇದೇ ರೀತಿಯಾಗಿ ಕ್ರಿಸ್ಮಸ್ ಟ್ರೀ ಮತ್ತು ಕ್ರಿಸ್ಮಸ್ ತಾತ ಸಖತ್ ಫೇಮಸ್ ಅಂತ ಎಲ್ಲರಿಗೂ ಗೊತ್ತು. ಈ ಹಬ್ಬ ಬಂತು ಅಂದ್ರೆ ಕ್ರಿಶ್ಚಿಯನರ ಮನೆಯ ಮುಂಭಾಗದಲ್ಲಿ ಯೇಸುವಿನ ಜನನ ಸ್ಥಳವನ್ನು ಇವರೇ ಮನೆಯಲ್ಲಿ ತಯಾರಿಸಿ ಇಟ್ಟಿರುತ್ತಾರೆ. ಇದರ ಜೊತೆಗೆ ಕ್ರಿಸ್ಮಸ್ ಮರವನ್ನು ಕೂಡ ಚೆನ್ನಾಗಿ ಅಲಂಕಾರ ಮಾಡಿರುತ್ತಾರೆ.

ಹಾಗಾದ್ರೆ ಕ್ರಿಸ್ಮಸ್ ಮರವನ್ನು ಯಾಕೆ ನಿರ್ಮಿಸುತ್ತಾರೆ ಮತ್ತು ಇದರಿಂದ ಏನು ಲಾಭ? ಅಂತ ನಿಮಗೆ ಅನಿಸಿರಬಹುದು ಅಲ್ವಾ. ಈ ಪ್ರಶ್ನೆಗೆ ಸಂಪೂರ್ಣವಾಗಿ ಉತ್ತರ ಈ ಲೇಖನದಲ್ಲಿದೆ ಓದಿ.

ಎಸ್. ಯೇಸು ಕ್ರಿಸ್ತ ಹುಟ್ಟುವ ಸಮಯದಲ್ಲಿ ಒಂದು ವಿಶಿಷ್ಟ ಹಾಗೂ ವಿಭಿನ್ನ ರೀತಿಯ ಮರವನ್ನ ಶೃಂಗಾರ ಮಾಡಿ ಇಡಲಾಗಿತ್ತು ಅಂತ ನಂಬಿಕೆ ಇದೆ. ಹಾಗಾಗಿ ಆ ಮರವನ್ನ ಕ್ರಿಸ್ಮಸ್ ಟ್ರೀ ಅಂತ ಕರೆಯಲಾಗುತ್ತೆ.

ಈ ವಿಶೇಷ ದಿನದಂದು ಆ ಮರವನ್ನ ಅಲಂಕಾರ ಮಾಡಲಾಗುತ್ತೆ. ಹಬ್ಬದ ವೇಳೆ ಮರವನ್ನ ಚಾಕ್ಲೇಟ್ ಗಿಫ್ಟ್ ಬಾಕ್ಸ್, ಬಣ್ಣದ ದೀಪಗಳ ಮೂಲಕ ಶೃಂಗಾರಗೊಳಿಸಲಾಗುತ್ತೆ.

ಜಿಂಗಲ್ ಬೆಲ್, ಜಿಂಗಲ್ ಬೆಲ್ ಅಂತ ಹಾಡು ನಮಗೆಲ್ಲ ನೆನಪಿದೆ. ಅದೇ ರೀತಿಯಾಗಿ ಈ ಮರವನ್ನು ಅಲಂಕಾರ ಮಾಡುವಾಗ ಮನೆಯವರ ಸಂತೋಷ  ಹಾಗೂ ಮಕ್ಕಳ ಉತ್ಸಾಹವಂತೂ   ಮುಗಿಲೇರಿರುತ್ತದೆ.

ಬಣ್ಣ ಬಣ್ಣದ ದೀಪಗಳ ಮಧ್ಯೆ ಜಗ ಮುಗಿಸುವ ಗಿಫ್ಟ್ ಗಳು ಮತ್ತು ಕ್ರಿಸ್ಮಸ್ ಟ್ರೀ ಅಲಂಕಾರ ಕಣ್ಣಿಗೆ ಒಂದು ರೀತಿಯ ಹಬ್ಬ ಅಂದ್ರೆ ತಪ್ಪಾಗಲಾರದು. 700 ವರ್ಷಗಳಿಂದ ಬೇಗನ್ ಮರವನ್ನು ಬಳಕೆ ಮಾಡಲು ಆರಂಭಿಸಲಾಗಿದ್ದು, ಇದನ್ನು ಕ್ರಿಶ್ಚಿಯನ್ ಧರ್ಮದ ಸಂಕೇತವೆಂದು ಪರಿಗಣಿಸಲಾಗುತ್ತೆ.

ತ್ರಿಕೋನಾಕಾರದಲ್ಲಿರುವಂತಹ ಈ ಮರವು ಮನೆಯ ದುಃಖವನ್ನು ಓಡಿಸಿ ಸಂತೋಷ, ನೆಮ್ಮದಿ ಮತ್ತು ಸಂಪತ್ತನ್ನು ಹೆಚ್ಚು ಮಾಡುತ್ತೆ ಅಂತ ಜನರ ನಂಬಿಕೆ. ಕ್ರಿಸ್ಮಸ್ ಮರಗಳ ಜಾಗದಲ್ಲಿ ಉತ್ತರ ಯುರೋಪಿನ ಅನೇಕ ಭಾಗಗಳಲ್ಲಿ ಜರ್ರಿ ಅಥವಾ ಹಾಥಾನ್ರ್ ಎಂಬ ಮರವನ್ನ ಬಳಕೆ ಮಾಡಲಾಗುತ್ತೆ. ಹೀಗೆ ಒಂದೊಂದು ಕಡೆಯಲ್ಲಿ ಒಂದೊಂದು ರೀತಿಯಾಗಿ ಕ್ರಿಸ್ಮಸ್ ಆಚರಣೆಯನ್ನು ಮಾಡಲಾಗುತ್ತೆ.