Indian Railway: ರೈಲಿನ ಇಂಜಿನ್‌ನಲ್ಲಿ ವಿವಿಧ ಬಣ್ಣದ ಹೆಡ್​​ಲೈಟ್​ಗಳು ಏಕಿರುತ್ತವೆ? ಇವುಗಳು ಏನನ್ನು ಸೂಚಿಸುತ್ತವೆ?

ದೇಶದೆಲ್ಲೆಡೆ ಇತ್ತೀಚೆಗೆ ರೈಲ್ವೇ ಜಾಲ ಹಬ್ಬಿದೆ. ಅದರಲ್ಲಿ ಭಾರತೀಯ ರೈಲುಗಳು ಸಹ ಸೇರಿದೆ. ರೈಲು ಪ್ರಯಾಣ ಶ್ರೀಮಂತರಿಂದ ಹಿಡಿದು ಸಾಮಾನ್ಯ ಜನರವರೆಗೂ ಕೈಗೆಟಕು ದರದಲ್ಲಿ ಲಭ್ಯವಿದೆ. ಇತ್ತೀಚೆಗೆ ಹೆಚ್ಚಿನವರು ರೈಲಿನಲ್ಲಿ ಪ್ರಯಾಣಿಸುತ್ತಾರೆ. ಆದ್ರೆ ರೈಲುಗಳ ಬಗ್ಗೆ ಗೊತ್ತಿಲ್ಲದ ಹಲವಾರು ವಿಚಾರಗಳಿವೆ.

ಇಂದು ನಾವು ನಿಮಗೆ ರೈಲುಗಳಲ್ಲಿರುವ ಹೆಡ್​​ಲೈಟ್​​ಗಳ ಬಗ್ಗೆ ಹೇಳಲಿದ್ದೇವೆ. ಹಾಗಿದ್ರೆ ರೈಲುಗಳಲ್ಲಿ ಎಷ್ಟು ಹೆಡ್​​ಲೈಟ್​ಗಳಿವೆ, ಇದರ ಅರ್ಥವೇನು ಎಂಬುದನ್ನೆಲ್ಲಾ ಈ ಲೇಖನದಲ್ಲಿದೆ ಓದಿ.

ರೈಲಿನ ಲೋಕೋಮೋಟಿವ್‌ನಲ್ಲಿ ಮೂರು ವಿಧದ ಲೈಟ್​ಗಳಿವೆ. ಈ ದೀಪಗಳಲ್ಲಿ ಮೊದಲ  ಬಲ್ಬ್ ರೈಲಿನ ಹೆಡ್‌ಲೈಟ್ ಆಗಿದ್ದರೆ, ಉಳಿದ ಎರಡು ದೀಪಗಳು ಬಿಳಿ ಮತ್ತು ಇನ್ನೊಂದು ಕೆಂಪು ಬಣ್ಣದಲ್ಲಿದೆ. ಈ ಲೈಟ್​ಗಳನ್ನು ಲೋಕೋಮೋಟಿವ್ ಸೂಚಕಗಳು ಎಂದು ಸಹ ಕರೆಯಲಾಗುತ್ತದೆ.

ಇನ್ನು ಹಿಂದಿನ ರೈಲುಗಳ ಲೋಕೋಮೋಟಿವ್‌ಗಳಲ್ಲಿ, ಹೆಡ್‌ಲೈಟ್‌ಗಳನ್ನು ಮೇಲಕ್ಕೆ ಜೋಡಿಸಲಾಗುತ್ತಿತ್ತು. ಆದರೆ ಈಗಿನ ಹೊಸ ಲೋಕೋಮೋಟಿವ್‌ಗಳಲ್ಲಿ, ಈ ಹೆಡ್‌ಲೈಟ್‌ಗಳನ್ನು ಮಧ್ಯದಲ್ಲಿ ಬದಲಾಯಿಸಲಾಗಿದೆ.

ಲೋಕೋಮೋಟಿವ್‌ನ ಹೆಡ್‌ಲೈಟ್‌ಗಳು 24 V DC ಕರೆಂಟ್‌ನಿಂದ ಕಾರ್ಯನಿರ್ವಹಿಸುತ್ತದೆ. ಇನ್ನು ಈ  ಲೈಟ್​ಗಳು 350 ಮೀಟರ್ ವರೆಗೆ ಫೋಕಸ್​ ಅನ್ನು ನೀಡುತ್ತದೆ. ಆದ್ದರಿಂದ ಲೊಕೊ ಪೈಲಟ್ ರಾತ್ರಿಯಲ್ಲಿ ನಿರ್ದಿಷ್ಟ ದೂರದವರೆಗೆ ರೈಲ್ವೆ ಹಳಿಯನ್ನು ನೋಡಬಹುದು. ಅಂದರೆ ಈ ಹೆಡ್‌ಲೈಟ್‌ಗಳು ಲೊಕೊ ಪೈಲಟ್‌ಗೆ ರೈಲ್ವೆ ಹಳಿಗಳ ಮೇಲೆ ಗಮನಿಸಲು ಬಹಳಷ್ಟು ಸಹಕಾರಿಯಾಗುತ್ತದೆ.

ಕೆಂಪು ಮತ್ತು ಬಿಳಿ ಬಲ್ಬ್​ನ ಅರ್ಥವೇನು?: ರೈಲಿನ ಲೊಕೋಮೋಟಿವ್ ಮುಂದಕ್ಕೆ ಚಲಿಸುವ ಬದಲು ವಿರುದ್ಧ ದಿಕ್ಕಿನಲ್ಲಿ ಚಲಿಸಿದರೆ ಆಗ ರೈಲ್ವೆ ಸಿಬ್ಬಂದಿಗೆ ತಿಳಿಸಲು ಕೆಂಪು ದೀಪವನ್ನು ಆನ್ ಮಾಡಲಾಗುತ್ತದೆ. ಅದೇ ರೀತಿ ಲೊಕೋಮೋಟಿವ್ ಮುಂದಕ್ಕೆ ಚಲಿಸಿದಾಗ ಬಿಳಿ ಲೈಟ್​ ಅನ್ನು ಆನ್ ಮಾಡುತ್ತಾರೆ. 

ಸಾರ್ವಜನಿಕ ವಾಹನಗಳಲ್ಲಿ ಹೋಗ್ಬೇಕಾದ್ರೆ ಸಾಕುಪ್ರಾಣಿಗಳನ್ನು ಕೊಂಡೊಯ್ಯಲು ಕೆಲವೊಂದು ನಿಯಮಗಳಿವೆ. ಅದನ್ನು ತಿಳಿದುಕೊಳ್ಳೋದು ಮುಖ್ಯ. ವಿಮಾನಯಾನದ ನಿಯಮಗಳ ಪ್ರಕಾರ, ಪ್ರಯಾಣಿಕರಿಗೆ ಕ್ಯಾಬಿನ್‌ನಲ್ಲಿ ನಿರ್ದಿಷ್ಟ ಗಾತ್ರದವರೆಗೆ ಸಾಕುಪ್ರಾಣಿಗಳನ್ನು ಸುರಕ್ಷಿತವಾಗಿ ಸಾಗಿಸಲು ಅನುವು ಮಾಡಿಕೊಡುತ್ತದೆ. ಅವುಗಳನ್ನು ಆಸನಗಳ ಹತ್ತಿರ ಇಡುವ ಸೌಲಭ್ಯವೂ ಇದೆ.

ಹೊಸ ನಿಯಮಗಳ ಪ್ರಕಾರ ನಾಯಿಗಳನ್ನು ರೈಲಿನಲ್ಲಿ ಪ್ರಥಮ ದರ್ಜೆ ಹೊರತುಪಡಿಸಿ ಬೇರೆ ಯಾವುದೇ ವರ್ಗದಲ್ಲಿ ಸಾಗಿಸುವಂತಿಲ್ಲ. ವಿಶೇಷವಾಗಿ ಪ್ರಯಾಣಿಕರು ಪ್ರಥಮ ದರ್ಜೆಯಲ್ಲಿ ನಾಲ್ಕು ಬರ್ತ್‌ಗಳು ಅಥವಾ ಒಂದು ಕಂಪಾರ್ಟ್‌ಮೆಂಟ್ ಅನ್ನು ಬುಕ್ ಮಾಡಿದರೆ, ಈ ಕೊಡುಗೆ ಮಾತ್ರ ಲಭ್ಯವಿರುತ್ತದೆ.ಒಂದು ನಾಯಿಗೆ ಅದರ PNR ಸಂಖ್ಯೆಯೊಂದಿಗೆ ಅದನ್ನು ಸಾಗಿಸಲು ಅನುಮತಿಸಲಾಗುತ್ತದೆ.