Surprising Fact: ಮನುಷ್ಯರನ್ನು ನೋಡಿ ನಾಯಿಗಳು ಆಗಾಗ ತಲೆಯನ್ನು ಒಂದು ಸೈಡ್​ ಯಾಕೆ ಬಾಗಿಸುತ್ತದೆ? ಇಲ್ಲಿದೆ ಇಂಟ್ರೆಸ್ಟಿಂಗ್ ಕಾರಣ

ಶ್ವಾನ ಪ್ರೇಮಿಗಳು ಇತ್ತೀಚಿನ ದಿನಗಳಲ್ಲಿ ಸ್ವಲ್ಪ ಹೆಚ್ಚಾಗಿದ್ದಾರೆ. ಪ್ರತಿ ಮನೆಯಲ್ಲೂ ನಾಯಿಯನ್ನು ಈಗ ಸಾಕಲಾಗುತ್ತದೆ ಮತ್ತು ಆರೈಕೆ ಮಾಡಲಾಗುತ್ತದೆ. ಎಲ್ಲಿಗೆ ಹೋದರೂ ಸಾಕು ಪ್ರಾಣಿಯನ್ನು ಕರೆದುಕೊಂಡು ಹೋಗುವುದು ಸಾಮಾನ್ಯವಾಗಿದೆ. ಕೊನೆಗೆ ಬೈಕ್ ನಲ್ಲಿ ಹೋಗುವುದಾದರೂ ನಾಯಿಯನ್ನು ಕರೆದುಕೊಂಡು ಹೋಗುತ್ತಾರೆ.

ನಾಯಿಗಳು ಮನುಷ್ಯರ ಮನಸ್ಸನ್ನು ಗೆಲ್ಲುವ ಉದ್ದೇಶದಿದಂದ ಕೆಲವೊಮ್ಮೆ ಮುಗ್ಧತೆಯ ಭಾವನೆಗಳನ್ನು ನೀಡುತ್ತದೆ. ಜನರನ್ನು ನೋಡುತ್ತಿರುವಾಗ ನಾಯಿ ತಲೆಯನ್ನು ಒಂದು ಬದಿಗೆ ತಿರುಗಿಸುವುದು ನಿಮಗೆ ಸದಾ ಸಂತೋಷವನ್ನು ತರುತ್ತದೆ. ಅದರ ಮುಗ್ಧತೆ ಆ ಸಂದರ್ಭದಲ್ಲಿ ಇನ್ನಷ್ಟು ಹೆಚ್ಚಾಗುತ್ತದೆ.

 ನಾಯಿಗಳು ತಲೆಯನ್ನು ಈ ರೀತಿ ಬಾಗಿಸುವುದು ಸಾಮಾನ್ಯವಾಗಿ ಗೊಂದಲ ಅಥವಾ ಕುತೂಹಲದ ಸಂಕೇತ ಎಂದು ಜನರು ಅರ್ಥಮಾಡಿಕೊಳ್ಳು್ತ್ತಾರೆ. ಆದರೆ ವೈಜ್ಞಾನಿಕವಾಗಿ ಸಂಶೋಧಕರು ನಾಯಿಗಳ ಈ ರೀತಿಯ ವರ್ತನೆಗೆ ಬೇರೆ ಅರ್ಥವಿದೆ ಎನ್ನುತ್ತಾರೆ.

Eötvös Loránd ವಿಶ್ವವಿದ್ಯಾನಿಲಯದ ಪೋಸ್ಟ್‌ಡಾಕ್ಟರಲ್ ಅಧ್ಯಯನಗಾರ್ತಿ ಆಂಡ್ರಿಯಾ ಸೊಮ್ಮೀಸ್ ಅವರು ನಾಯಿಗಳು ತಮ್ಮ ತಲೆಯನ್ನು ಏಕೆ ಒಂದು ಬದಿಗೆ ಕೊಂಡೊಯ್ಯುತ್ತವೆ ಎಂದು ಅಧ್ಯಯನ ನಡೆಸಿದರು. ಈ ಸಂಶೋಧನೆಯಲ್ಲಿ Science.org ಪ್ರಕಾರ, ಬಹು ಆಟಿಕೆ ಹೆಸರುಗಳನ್ನು ತ್ವರಿತವಾಗಿ ನೆನಪಿಟ್ಟುಕೊಳ್ಳುವ ಸಾಮರ್ಥ್ಯವನ್ನು ಹೊಂದಿರುವ ‘ಪ್ರತಿಭಾನ್ವಿತ ನಾಯಿಗಳ’ ಗುಂಪಿನ ಮೇಲೆ ಅಧ್ಯಯನವನ್ನು ಮಾಡಲಾಗಿದೆ.

ಇನ್ನು ಈ ಅಧ್ಯಯನದ ಪ್ರಕಾರ ನಾಯಿಗಳು ಒಂದು ಸೈಡ್​ ತಲೆಯನ್ನು ಬಾಗಿಸುವುದಕ್ಕೆ ನಾಯಿಗಳಿಗೆ ಏಕಾಗ್ರತೆ ಮತ್ತು ನೆನಪಿಸಿಕೊಳ್ಳುವ ಸಂಕೇತವಾಗಿರಬಹುದು ಎಂದು ಸಂಶೋಧಕರು ಸೂಚಿಸಿದ್ದಾರೆ.

ಸಾಮಾನ್ಯವಾಗಿ ನಾಯಿಗು ಹೆಚ್ಚೆಂದರೆ 2 ಆಟಿಕೆಗಳ ಹೆಸರನ್ನು ನೆನಪಿನಲ್ಲಿಟ್ಟುಕೊಳ್ಳುತ್ತದೆ. ಆದರೆ ಪ್ರತಿಭಾವಂತ ಬಾರ್ಡರ್ ಕೋಲಿಗಳ (Border Collie) ಗುಂಪು ವಿವಿಧ ಆಟಿಕೆಗಳ ಹೆಸರನ್ನು ಕಲಿಸದ ಬಳಿಕ, ಕನಿಷ್ಠ 10 ಆಟಿಕೆಗಳನ್ನು ನೆನಪಿಟ್ಟುಕೊಂಡು, ಗುರುತಿಸಿದರು.

ಇನ್ನು ಕೆಲವು ಅಧ್ಯಯನಗಳು ಮುಂದೆ ಇರುವುದನ್ನು ನೋಡಲು ನಾಯಿಗಳು ಹೀಗೆ ತಲೆಯನ್ನು ಬಾಗಿಸುತ್ತದೆ ಎಂದಿದ್ದಾರೆ.

ಇನ್ನು ತಲೆಯನ್ನು ಒಂದು ಬದಿಗೆ ಬಗ್ಗಿಸಿದ ನಾಯಿಗಳಲ್ಲಿ ಹೆಚ್ಚಿನ ಗಮನ ಅಥವಾ ಏಕಾಗ್ರತೆಯ ಕಾರಣ ಇರಬಹುದು ಎಂದು ಸಂಶೋಧಕರ ತಂಡವು ತೀರ್ಮಾನಿಸಿದೆ. ಇನ್ನು ಈ ಬಗ್ಗೆ ಒರೆಗಾನ್ ಸ್ಟೇಟ್ ಯೂನಿವರ್ಸಿಟಿಯ ಮಾನವ-ಪ್ರಾಣಿ ಸಂವಾದದ ಸಂಶೋಧಕ ಮೊನಿಕ್ ಉಡೆಲ್ ಅವರು ಈ ಸಂಶೋಧನೆ ಕೇವಲ ಪ್ರಾಥಮಿಕವಾಗಿವೆ ಎಂದು ಹೇಳಿದರು. ಆದರೆ ಮುಂದಿನ ಹಂತದಲ್ಲಿ ಇನ್ನಷ್ಟು ಅಧ್ಯನ ನಡೆಸಲಿದ್ದೇವೆ ಎಂದಿದ್ದಾರೆ.