February: ಈ ತಿಂಗಳಲ್ಲಿ ಕೇವಲ 28 ದಿನಗಳು ಇರೋದು ಯಾಕೆ? ಇತಿಹಾಸ ಹೀಗೆ ಹೇಳುತ್ತೆ!

ಫೆಬ್ರವರಿ ತಿಂಗಳು ಅಂತ ಅಂದ್ರೆ ಕೆಲವೇ ದಿನಗಳು ಇರೋದು ಅಂತ ಎಲ್ರಿಗೂ ಗೊತ್ತು. ಒಂದು ವರ್ಷದಲ್ಲಿ 28 ಇದ್ರೆ ಇನ್ನೊಂದು ವರ್ಷದಲ್ಲಿ 29 ಇರುತ್ತದೆ. ಹಾಗಾದ್ರೆ ಯಾತಕ್ಕಾಗಿ ಕೇವಲ 28/ 29 ದಿನಗಳು ಇರುತ್ತೆ ಅಂತ ತಿಳಿಯೋಣ ಬನ್ನಿ.

ನಾವೆಲ್ಲರೂ ಗ್ರೆಗೋರಿಯನ್ ಕ್ಯಾಲೆಂಡರ್ ಬಳಸುತ್ತೇವೆ. ಗ್ರೆಗೋರಿಯನ್ ಕ್ಯಾಲೆಂಡರ್​ಗೂ ಮೊದಲು ಜೂಲಿಯನ್ ಕ್ಯಾಲೆಂಡರ್ ಬಳಸಲಾಗುತ್ತಿತ್ತು. ಇದನ್ನ 1927ರ ಮೊದಲು ಟರ್ಕಿಯಲ್ಲಿಯೂ ಬಳಸಲಾಗುತ್ತಿತ್ತು. ಈ ಮೊದಲು ರೋಮನ್ ಕ್ಯಾಲೆಂಡರ್ ಬಳಕೆಯಲ್ಲಿತ್ತು. ಆದ್ರೆ, ಆರಂಭದಲ್ಲಿ ವರ್ಷವನ್ನು ಚಂದ್ರನ ಚಕ್ರದ ಆಧಾರದ ಮೇಲೆ ಮಾರ್ಚ್’ನಿಂದ ಡಿಸೆಂಬರ್’ವರೆಗೆ 29 ಅಥವಾ 31 ದಿನಗಳ 10 ತಿಂಗಳುಗಳಾಗಿ ವಿಭಾಗ ಮಾಡಲಾಗಿತ್ತು.

ರೋಮನ್ ರಾಜ ನುಮಾ ಪೊಂಪಿಲಿಯಸ್ ಪೂರ್ಣ ವರ್ಷವನ್ನ (365 ದಿನಗಳು) ಒಳಗೊಳ್ಳಲು ಎರಡು ತಿಂಗಳುಗಳನ್ನ ಸೇರಿಸಿದನು. ಅವು ಜನವರಿ ಮತ್ತು ಫೆಬ್ರವರಿ ತಿಂಗಳುಗಳು. ಆದ್ರೆ, ರೋಮನ್ನರು ಸಮ ಸಂಖ್ಯೆಗಳನ್ನ ಕೆಟ್ಟ ದಿನಗಳು ಎಂದು ಪರಿಗಣಿಸ್ತಾ ಇದ್ರಂತೆ. ಹಾಗಾಗಿ ಅದ್ರಲ್ಲಿ ಹೆಚ್ಚಾಗಿ ತಿಂಗಳಲ್ಲಿ 29 ಅಥವಾ 31 ದಿನಗಳನ್ನ ಮಾಡಿದ್ರು.

12 ತಿಂಗಳುಗಳು ಸಮ ಸಂಖ್ಯೆ. ಆದ್ರೆ, ವರ್ಷದಲ್ಲಿ 365 ದಿನಗಳನ್ನ ಪೂರೈಸಲು ಹನ್ನೆರಡು ತಿಂಗಳುಗಳು ಬೇಕು. ಆದ್ದರಿಂದಲೇ ಫೆಬ್ರವರಿ ತಿಂಗಳನ್ನ 28 ದಿನಗಳ ತಿಂಗಳು ಎಂದು ಯೋಚಿಸಲಾಗಿತ್ತು. ರೋಮನ್ನರು ಫೆಬ್ರವರಿಯನ್ನ ಸತ್ತವರನ್ನು ಗೌರವಿಸುವ ತಿಂಗಳು ಎಂದು ಭಾವಿಸಿದ್ದರು.

ಆದ್ರೆ, ನಂತರದ ಜೂಲಿಯಸ್ ಸೀಸರ್ ಸೂರ್ಯನ ಚಲನೆಯನ್ನ ಆಧರಿಸಿ ಕ್ಯಾಲೆಂಡರ್ ತಯಾರಿಸಿದರಂತೆ. ಇವೆಲ್ಲಾ ಬದಲಾವಣೆಯ ನಂತರ, ಫೆಬ್ರವರಿ ತಿಂಗಳನ್ನ ಕೇವಲ 28 ದಿನಗಳಿಂದ ಮಾಡಲ್ಪಡಲಾಯಿತು.

ಜೂಲಿಯಸ್ ಆಳ್ವಿಕೆಯಲ್ಲಿ ರೋಮನ್ ಕ್ಯಾಲೆಂಡರ್ ಪರಿಷ್ಕರಿಸಿದ್ದು, ಹೊಸ ಕ್ಯಾಲೆಂಡರ್ ಪರಿಚಯಿಸಿದರು. ರೋಮನ್ ಕ್ಯಾಲೆಂಡರ್ನಲ್ಲಿ, ದಿನಗಳು ಜನವರಿ 30, ಫೆಬ್ರವರಿ 29, ಮಾರ್ಚ್ 30, ಏಪ್ರಿಲ್ 29, ಮೇ 30, ಜೂನ್ 29, ಜುಲೈ 30, ಆಗಸ್ಟ್ 29, ಸೆಪ್ಟೆಂಬರ್ 30, ಅಕ್ಟೋಬರ್ 29, ನವೆಂಬರ್ 30 ಮತ್ತು ಡಿಸೆಂಬರ್ 29. ಅಂದರೆ ರೋಮನ್ ಕ್ಯಾಲೆಂಡರ್ ಪ್ರಕಾರ, ನಮಗೆ ವರ್ಷದಲ್ಲಿ 354 ದಿನಗಳಿವೆ. ಆದ್ರೆ, ಜೂಲಿಯಸ್ ಸೀಸರ್ ಅದನ್ನ ಬದಲಾಯಿಸಿ, ವರ್ಷಕ್ಕೆ 11 ದಿನಗಳನ್ನ ಅಂದರೆ ಪ್ರತಿ ತಿಂಗಳಿಗೆ ಒಂದು ದಿನವನ್ನ ಸೇರಿಸಿದರು.

ಜೂಲಿಯಸ್ ಸೀಸರ್ ನಂತರ ಅಗಸ್ಟಸ್ ರೋಮನ್ ಆಡಳಿತಕ್ಕೆ ಬಂದ್ರು ಅಂತ ನಮಗೆಲ್ಲಾ ತಿಳಿದಿದೆ. ಈ ರಾಜನ ಆಳ್ವಿಕೆಯಲ್ಲಿ ಮತ್ತೆ ಜೂಲಿಯನ್ ಕ್ಯಾಲೆಂಡರ್ನಲ್ಲಿ ಬದಲಾವಣೆಗಳು ಸಂಭವಿಸಿದವು. ಜೂಲಿಯಸ್ ಹೆಸರಿನ ಜುಲೈ ತಿಂಗಳಿಗೆ 31 ದಿನಗಳು ಇರುವುದನ್ನ ಅಗಸ್ಟಸ್ ಇಷ್ಟಪಡುತ್ತಾ ಇರಲಿಲ್ಲ. ಯಾಕಂದ್ರೆ, ತನ್ನ ಹೆಸರಿನ ಆಗಸ್ಟ್ ತಿಂಗಳಿಗೆ ಕೇವಲ 30 ದಿನಗಳು ಮಾತ್ರ ಇದ್ದವು. ಹೀಗಾಗಿ ಅಗಸ್ಟಸ್ ಫೆಬ್ರವರಿಯಲ್ಲಿ 29 ದಿನಗಳಿಂದ ಒಂದು ದಿನವನ್ನ ತೆಗೆದು ಆಗಸ್ಟ್ಗೆ ಸೇರಿಸಿದ.

ಭೂಮಿಯು ಸೂರ್ಯನ ಸುತ್ತ ಸುತ್ತಲು ಸುಮಾರು 365 ದಿನಗಳು ಮತ್ತು 6 ಗಂಟೆಗಳನ್ನ ತೆಗೆದುಕೊಳ್ಳುತ್ತದೆ. ಅಂದರೆ ದಿನದ ಕಾಲುಭಾಗವನ್ನ ತಿನ್ನುವುದು. ಒಂದು ದಿನವನ್ನ ನಿಗದಿಪಡಿಸಲಾಗದ ಕಾರಣ ಇದನ್ನ ಅಧಿಕ ವರ್ಷ ಎಂದು ಕರೆಯಲಾಗುತ್ತದೆ.

ಪ್ರತಿ ನಾಲ್ಕು ವರ್ಷಗಳಿಗೊಮ್ಮೆ ನಾಲ್ಕು ತ್ರೈಮಾಸಿಕಗಳನ್ನ ಒಂದು ದಿನದಲ್ಲಿ ಯೋಜಿಸಲಾಯಿತು. ಇದನ್ನ ಫೆಬ್ರವರಿ ತಿಂಗಳಲ್ಲಿ ಸೇರಿಸಲಾಗಿದೆ. ಅದಕ್ಕಾಗಿಯೇ ಅತಿ ಕಡಿಮೆ ದಿನಗಳನ್ನ ಹೊಂದಿರುವ ಫೆಬ್ರವರಿಯಲ್ಲಿ ಅಧಿಕ ವರ್ಷ ಬಿದ್ದರೆ 29 ದಿನಗಳು. ಹೀಗಾಗಿ ಫೆಬ್ರವರಿ ತಿಂಗಳು ವಿಶೇಷ.