Sirsi Places: ಶಿರಸಿಗೆ ಬಂದ್ರೆ ಇಷ್ಟೆಲ್ಲಾ ಪ್ಲೇಸ್​ಗಳನ್ನು ನೋಡ್ಬೋದಾ? ವಾಹ್​, ಒಮ್ಮೆ ಆದ್ರೂ ಹೋಗ್ಲೇ ಬೇಕು!

ನೀವು ಶಿರಸಿಗೆ ಟ್ರಿಪ್​ ಬರುವ ಯೋಚನೆ ಏನಾದ್ರು ಇದ್ರೆ ಈ ಸ್ಥಳಗಳಿಗೆ ಮಾತ್ರ ಬರೋದನ್ನ ಮಿಸ್​ ಮಾಡ್ಬೇಡಿ ಆಯ್ತಾ? ಪ್ರಕೃತಿಯ ಮಡಿಲಿನಲ್ಲಿ ನೀವು ತೇಲಾಡಬಹುದು. ಈ ತಾಣಗಳು ನಿಜಕ್ಕೂ ಅದ್ಭುತವಾಗಿದೆ.

ಶಿವಗಂಗಾ ಜಲಪಾತ: ಉತ್ತರ ಕನ್ನಡದ ಶಾಲ್ಮಲಾ ನದಿಯದ್ದೇ ಜಲಪಾತವಿದೆ. ಸರಿಸುಮಾರು 74 ಮೀ ಎತ್ತರವಿದೆ ಈ ಜಲಪಾತ. ಶಿರಸಿಯಿಂದ 35 ಕಿ. ಮೀ ಸಾಗಿದರೆ ಸಾಕು. ಸುತ್ತಲೂ ಕಾಡಿನಿಂದ ತುಂಬಿದ್ದು ಈ ಸ್ಥಳಗಳು ಮಾತ್ರ ಮಂತ್ರಮುಗ್ಧರನ್ನಾಗಿಸುತ್ತದೆ. (ಸಾಂದರ್ಭಿಕ ಚಿತ್ರ)

ತಾರಕೇಶ್ವರ ದೇವಸ್ಥಾನ: ಶಿರಸಿಯಿಂದ 45 ಕಿ.ಮೀ ದೂರ ಸಾಗಿದರೆ ಸಾಕು ಈ ತಾರಕೇಶ್ವರ ದೇವಸ್ಥಾನ ಸಿಗುತ್ತದೆ. ಕರ್ನಾಟಕದ ಹಾನಗಲ್​ನಲ್ಲಿರುವ ದೇವಸ್ಥಾನ ಸಂಪೂರ್ಣ ಕಲ್ಲಿನಿಂದ ಕಟ್ಟಲಾಗಿದೆ. ಕ್ರಿ. ಶ. 12ನೇ ಶತಮಾನದಷ್ಟು ಹಳೆಯ ಇತಿಹಾಸವಿದೆ.

ಬನವಾಸಿ: ಕದಂಬ ರಾಜನು ಆಳಿದ ರಾಜಧಾನಿಯು ಈ ಬನವಾಸಿ ಆಗಿತ್ತು. ಕನ್ನಡ ಮತ್ತು ಕರ್ನಾಟಕವನ್ನು ಪ್ರಾಮುಖ್ಯತೆಗೆ ತಂದ ಮೊದಲ ಸ್ಥಳೀಯ ಸಾಮ್ರಾಜ್ಯ ಇದಾಗಿದೆ.

ಗುಡುವಿ ಪಕ್ಷಿಧಾಮ: ಈ ಸ್ಥಳಗಳಿಗೆ ಹೋದ್ರೆ ಪಕ್ಕಾ ನಿಮ್ಮ ಮೂಡ್​ ರಿಫ್ರೆಶ್​ ಆಗುತ್ತೆ. 0.74 ಚದರ ಕಿ.ಮೀ ವಿಸ್ತೀರ್ಣದಲ್ಲಿ ಹರಡಿದೆ. ಇದು ಶಿವಮೊಗ್ಗ ಜಿಲ್ಲೆಯ ಸೊರಬ ತಾಲ್ಲೂಕಿನ ಒಂದು ಭಾಗವಾಗಿದೆ. ಬೇರೆ ರಾಷ್ಟ್ರದ ಜೀವಿಗಳನ್ನು ನೀವಿಲ್ಲಿ ಕಾಣಬಹುದು.

ಯಾಣ: ಈ ಸ್ಥಳ ಅಂತು ಸಖತ್​ ಫೇಮಸ್​ ಬಿಡಿ. ಅದೆಷ್ಟೋ ಜನರಿಗೆ ಈ ಸ್ಥಳಕ್ಕೆ ಹೋಗಬೇಕು ಅಂತ ಆಸೆ ಇಟ್ಕೊಂಡಿರ್ತಾರೆ. ಕುಮಟಾದಿಂದ 30 ಕಿ.ಮೀ, ಶಿರಸಿಯಿಂದ 55ಕಿ.ಮೀ ಹಾಗೆಯೇ ಜೋಗ ಜಲಪಾತದಿಂದ 103 ಕಿ.ಮೀ ದೂರದಲ್ಲಿರುವ ಯಾಣವು ಕರ್ನಾಟಕದ ಉತ್ತರ ಕನ್ನಡ ಜಿಲ್ಲೆಯ ಒಂದು ಗ್ರಾಮವಾಗಿದೆ.

ಶಿರಸಿಗೆ ಹೋಗುವ ಪ್ರವಾಸಿಗರು ಸಮಯಾವಕಾಶ ದೊರೆತರೆ ಇಲ್ಲಿನ ಸಹಸ್ರಲಿಂಗಕ್ಕೆ ಒಮ್ಮೆ ಬೇಟಿಕೊಡಬಹುದು. ಇದು ಹೆಸರೆ ಸೂಚಿಸುವಂತೆ ಸಾವಿರಲಿಂಗವಿರುವ ಸ್ಥಳ. ಇದು ಶಿರಸಿಯಿಂದ 10 ಕಿ.ಮೀ ದೂರದಲ್ಲಿ ಅಸ್ತವ್ಯಸ್ತವಾಗಿರುವ ಕಾಡಿನ ಮಧ್ಯೆ ಹರಿಯುವ ಶಾಲ್ಮಲ ನದಿಯ ತೀರದಲ್ಲಿದೆ. ಈ ಸ್ಥಳಕ್ಕೆ ಮಹಾಶಿವರಾತ್ರಿಯಂತಹ ಹಬ್ಬದ ದಿನಗಳನ್ನು ಹೊರತುಪಡಿಸಿ ಬೇರೆ ದಿನಗಳಲ್ಲಿ ಬಹಳ ಜನರು ಬರುವುದಿಲ್ಲ.