Valentine's Day 2023: ಈ ದಿನ ಯಾವ ಬಣ್ಣದ ಬಟ್ಟೆ ಹಾಕ್ತೀರಾ? ಕಲರ್ ಕಲರ್ ಡ್ರೆಸ್‌ಗಿದೆ ಕಲರ್ ಕಲರ್ ಮೀನಿಂಗ್!

ಅಬ್ಬಬ್ಬಾ! ಪ್ರೇಮಿಗಳ ದಿನ ಅಂತೂ ಬಂದೇ ಬಿಡ್ತು. ಅದೆಷ್ಟೋ ಜನರು ತನ್ನ ಸಂಗಾತಿಗೆ ಪ್ರಪೋಸ್​ ಮಾಡಲು ತುದಿಗಾಲಿನಲ್ಲಿ ಕಾಯ್ತಾ ಇರಬಹುದು. ಹೊಟ್ಟೆಯಲ್ಲಿ ಚಿಟ್ಟೆ ಬಿಟ್ಟ ಹಾಗೆ ಕೂಡ ಆಗ್ತಾ ಇರುತ್ತೆ ಅಲ್ವಾ? ಹಾಗಾದ್ರೆ ನಾಳೆ ಅಂದ್ರೆ ಫೆಬ್ರವರಿ 14 ರಂದು ಯಾವ್​ ಯಾವುದೋ ಬಣ್ಣದ ಬಟ್ಟೆಗಳನ್ನು ಹಾಕಿಕೊಂಡು ಹೋಗ್ಬೇಡಿ. ಒಂದೊಂದು ಬಣ್ಣಕ್ಕೂ ಒಂದೊಂದು ಅರ್ಥವಿದೆ. ಯಾವುದು ಅದೆಲ್ಲಾ ತಿಳಿಯೋಣ.

ಕೆಂಪು ಬಣ್ಣ: ನೀವು ವಾಲೆಂಟೈನ್ಸ್​ ಡೇ ದಿನದಂದು ಕೆಂಪು ಬಣ್ಣದ ಬಟ್ಟೆಯನ್ನು ಧರಿಸಿದ್ರೆ Alredy in Love ಅಂತ ಅರ್ಥ. ಅಂದ್ರೆ ನನಗೆ ಈಗಾಗಾಲೇ ಒಬ್ಬಾಕೆ / ಒಬ್ಬಾತನ ಜೊತೆಗೆ ಪ್ರೀತಿ ಇದೆ. ಯಾರ ಪ್ರೀತಿನೂ ಬೇಡ ಅಂತ ಅರ್ಥ.

ಹಸಿರು ಬಣ್ಣ: ಇಂದು ನೀವು ಈ ಬಣ್ಣದ ಬಟ್ಟೆಯನ್ನು ಧರಿಸಿದರೆ I am waiting ಎಂದು ಅರ್ಥ. ನೀವು ಯಾರಿಗಾದರೂ ಪ್ರಪೋಸ್​ ಮಾಡಲು ಹೊರಟಿದ್ದರೆ, ಅವ್ರು ಆಲ್​ರೆಡಿ ಗ್ರೀನ್​ ಬಣ್ಣದ ಬಟ್ಟೆಯನ್ನು ಹಾಕಿಕೊಂಡು ಬಂದಿದ್ದರೆ ನಿಮ್ಮ ಲವ್​ ಸಕ್ಸಸ್​ ಅಂತನೇ ಬಿಡಿ. ಪ್ರಪೋಸ್​ ಮಾಡುವವರೂ ಕೂಡ ಗ್ರೀನ್​ ಬಟ್ಟೆ ಹಾಕಬೇಕು.

ಬಿಳಿ ಬಣ್ಣ: ಬಿಳಿ ಬಣ್ಣದ ಬಟ್ಟೆ ಅಂದ್ರೆ Already booked. ಅಂದ್ರೆ ಎಂಗೇಜ್​ಮೆಂಟ್​ ಅಥವಾ ಮದುವೆ ಫಿಕ್ಸ್​ ಆಗಿದೆ ಅಂತ ಅರ್ಥ. ಬಿಳಿ ಬಣ್ಣದ ಬಟ್ಟೆ ಹಾಕಿದವರ ಹತ್ತಿರನೂ ಸುಳಿಬೇಡಿ ನೀವು.

ಪಿಂಕ್​ ಬಣ್ಣ: ಪಿಂಕ್​ ಬಣ್ಣದ ಬಟ್ಟೆಯನ್ನು ಹಾಕಿದ್ರೆ Proposal accepted. ಅಂದ್ರೆ ನಿಮ್ಮ ಪ್ರೀತಿಗೆ ಒಪ್ಪಿಗೆ ಕೊಟ್ಟ ಹಾಗೆ. ಪ್ರಪೋಸ್​ ಮಾಡುವವರು ಕೂಡ ಪಿಂಕ್​ ಬಣ್ಣದ ಬಟ್ಟೆಯನ್ನು ಹಾಕಿ. ಇದು ಹೃದಯಗಳ ವಿಷಯ ಹಾಗಾಗಿ ನಿಮ್ಮವರೊಂದಿಗೆ ಮಾತುಗಳನ್ನು ಹಂಚಿಕೊಳ್ಳಲು, ಒಪ್ಪಿಗೆ ನೀಡಲು ಪಿಂಕ್​ ಬಣ್ಣದ ಬಟ್ಟೆಯನ್ನು ಧರಿಸಬೇಕು.

ನೀಲಿ ಬಣ್ಣ: ನೀಲಿ ಬಣ್ಣದ ಅರ್ಥವೇನು ಗೊತ್ತಾ? Love Applications Invited ಅಂತ ಅರ್ಥ. ಅಂದ್ರೆ ಯಾರಾದ್ರು ಬಂದು ಪ್ರಪೋಸ್​ ಮಾಡಿ ನಾನು ಒಪ್ಪಿಕೊಳ್ಳುತ್ತೀನಿ ಅಂತ ಅರ್ಥ.

ಹಳದಿ ಬಣ್ಣ: Broke up ಅಂತ ಅರ್ಥ. ಹಳದಿ ಬಣ್ಣ ಬಟ್ಟೆ ಹಾಕಿದ್ರೆ ಲವ್​ ಕಟ್​ ಆಗಿದೆ ಅಂತ ಅರ್ಥ ಆಗಿದೆ. ಕೆಲವೊಬ್ಬರು ಇನ್ನೊಂದು ಪ್ರೀತಿಗಾಗಿ ಕಾಯುತ್ತಾ ಇರುತ್ತಾರೆ. ಇನ್ನೂ ಕೆಲವರಿಗೆ ಲವ್​ ಸಹವಾಸವೇ ಬೇಡ ಅಂತ ಹಳದಿ ಬಣ್ಣದ ಬಟ್ಟೆಯನ್ನು ಧರಿಸುತ್ತಾರೆ.

ಕಪ್ಪು ಬಣ್ಣ: ಕಪ್ಪು ಬಣ್ಣದ ಬಟ್ಟೆಯನ್ನು ಧರಿಸಿದರೆ Rejected proposal ಅಂತ ಅರ್ಥ. ಯಾರಾದ್ರು ಲೈನ್​ ಹೊಡಿತಾ ಇರೋದು ನಿಮಗೆ ಗೊತ್ತಾಗಿದ್ದು, ಅದು ನಿಮಗೆ ಇಷ್ಟ ಇಲ್ಲ ಅಂದರೆ , ನಿಮ್ಮ ಬಟ್ಟೆಯ ಬಣ್ಣದ ಮೂಲಕ ತಿಳಿಸಿ. ಈ ಲವ್​ ನನಗೆ ಇಷ್ಟ ಇಲ್ಲ ಅಂತ.

ಕೇಸರಿ ಬಣ್ಣ: Going to Propose ಹೌದು, ಧೈರ್ಯವಾಗಿ ಕೇಸರಿ ಬಣ್ಣದ ಬಟ್ಟೆಯನ್ನು ಧರಿಸಿ ಪ್ರಪೋಸ್​ ಮಾಡಲು ಹೋಗಿ. ಈ ಕೇಸರಿ ಬಣ್ಣದ ಅರ್ಥ ವಿಭಿನ್ನವಾಗಿದೆ. ಈ ದಿನದಿಂದ ನಿಮ್ಮ ಪ್ರೀತಿಯನ್ನು ಸಕ್ಸಸ್​ ಮಾಡಿಕೊಂಡು ಜೀವನದಲ್ಲಿ ಖುಷಿಯಾಗಿರಿ.