Goa Rules: ಜಾಲಿ ಮಾಡೋಕೆ ಅಂತ ಗೋವಾಕ್ಕೆ ಹೋಗ್ತಿದ್ದೀರಾ? ಹಾಗಾದ್ರೆ ಎಲ್ಲೆಂದರಲ್ಲಿ, ಹೆಂಗ್ ಹೆಂಗೋ ವರ್ತಿಸಿದ್ರೆ ಹುಷಾರ್!

ಗೋವಾಕ್ಕೆ ಟ್ರಿಪ್​ ಹೋಗೋದು ಅಂದ್ರೆ ಅದೆಷ್ಟೋ ಜನರಿಗೆ ಕನಸು ಇರತ್ತೆ. ಕ್ರೇಜಿ ಜನರು ಇರುವಂತಹ ಜಾಗ ಇದಾಗಿದೆ. ಇಲ್ಲಿ ಕೇವಲ ಭಾರತೀಯರು ಮಾತ್ರವಲ್ಲದೆ ಫಾರಿನ್​ ಕಂಟ್ರಿಯಿಂದ ಕೂಡ ಅನೇಕ ಟೂರಿಸ್ಟ್​ ಆಗಮಿಸುತ್ತಾರೆ ಇಲ್ಲಿಗೆ.

ಇಲ್ಲಿ ಸಿಗುವ ಅದೆಷ್ಟೋ ವಸ್ತುಗಳು ದುಬಾರಿ ಇರುತ್ತೆ. ಇನ್ನೂ ಕೆಲವು ವಸ್ತುಗಳು ಅಗ್ಗವಾಗಿರುತ್ತದೆ. ಆದರು ಇಲ್ಲಿಗೆ ಬರುವ ಜನರು ಅವರ ಸಖತ್​ ಎಂಜಾಯ್​ ಮಾಡೋದಂತು ಪಕ್ಕಾ ಬಿಡಿ. ಇದೀಗ ಇದಕ್ಕೆ ಸಂಬಂಧಪಟ್ಟ ಒಂದು ಹೊಸ ಸುದ್ಧಿ ಹೊರಗೆ ಬಂದಿದೆ.

ಬೀಚ್​ಗಳಲ್ಲಿ ಮಲಗಿರುವ ಅಥವಾ ಸಮುದ್ರದಲ್ಲಿ ಆಟವಾಡುವಾಗ ಅದೆಷ್ಟೋ ಜನರು ಅವರ ಅನುಮತಿ ಇಲ್ಲದೇ ಫೋಟೋಗಳನ್ನು ತೆಗೆಯುತ್ತಾರೆ. ಆದರೆ ಇನ್ನು ಮುಂದೆ ಇದನ್ನು ನಿಷೇಧಿಸಲಾಗಿದೆ. ಇದು ಗೋವಾದ ಸರ್ಕಾರ ಜಾರಿ ಮಾಡಿದ ನೂತನ ನಿಯಮ. ಟೂರಿಸ್ಟ್​ಗಳ ಸುರಕ್ಷತಾ ದೃಷ್ಟಿಯಿಂದ ಈ ನಿರ್ಧಾರ ಜಾರಿಗೊಳಿಸಲಾಗಿದೆ.

ಹಾಗೆಯೇ ಬೀಜ್​ಗಳ ಬಳಿಯಲ್ಲಿ ಅಡುಗೆ ಮಾಡುವುದನ್ನೂ ಕೂಡ ಕಡ್ಡಾಯವಾಗಿ ನಿಷೇಧಿಸಲಾಗಿದೆ. ಇದರಿಂದ ಇಲ್ಲಿಯ ತನಕ ಅದೆಷ್ಟೋ ಅಪಘಾತಗಳು ಆಗಿರುವ ಕಾರಣದಿಂದಾಗಿ ಅಡುಗೆ ಮಾಡಬಾರದು ಎಂಬ ನಿಯಮ ಬಂದಿದೆ.

ಇನ್ನು ಸಮುದ್ರಗಳ ಬಳಿ ಕುಳಿತು ಮಧ್ಯಪಾನ ಮಾಡುವುದನ್ನು ಕೂಡ ಬ್ಯಾನ್​ ಮಾಡಲಾಗಿದೆ. ಕ್ರೇಜಿ ಐಡಿಯಾಗಳು ಅತಿರೇಕವಾಗುತ್ತಿರುವುದರಿಂದ ಜಲಜೀವಿಗಳಿಗೆ ಸಂಕಷ್ಟವಾಗುತ್ತಿದೆ ಮತ್ತು ಕ್ಷೀಣಿಸುತ್ತಿದೆ. ಇದರ ಮುಂದಾಲೋಚನೆಯಿಂದ ಈ ನಿಯಮವನ್ನು ತೆಗೆದುಕೊಳ್ಳಲಾಗಿದೆ.

ಇನ್ನು ಬೀಚ್​ ಹತ್ತಿರದಲ್ಲಿ ಅಡುಗೆ ಮಾಡುವುದು, ಕಸ ಎಸೆಯುವುದು ಮಾಡಿದರೆ 50 ಸಾವಿರಗಳಷ್ಟು ದಂಡವನ್ನು ವಿಧಿಸಲಾಗುತ್ತದೆ. ಇದರಿಂದ ಕೊಂಚ ಟೂರಿಸ್ಟ್​ಗಳು ಹೆದರಿದ್ದರೂ ಇನ್ನು ಮುಂದೆ ಮುಂಜಾಗ್ರತೆಯಿಂದ ಇರುತ್ತಾರೆ.

ಗೋವಾದ ಮೊಪಾದಲ್ಲಿ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣವನ್ನು ಪ್ರಧಾನಿ ನರೇಂದ್ರ ಮೋದಿ ಕಳೆದ ತಿಂಗಳು ಉದ್ಘಾಟಿಸಿದ್ದಾರೆ. ದಾಬೋಲಿಮ್​ ನಂತರ ಗೋವಾದ ಎರಡನೇ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣ ಇದಾಗಿದೆ.

ಉತ್ತರ ಗೋವಾಕ್ಕೆ ಬರಲು ಬಯಸುವ ಪ್ರವಾಸಿಗರು ಈಗ ಈ ವಿಮಾನ ನಿಲ್ದಾಣದಿಂದ ನೇರವಾಗಿ ತಲುಪಲು ಸಾಧ್ಯವಾಗುತ್ತದೆ. A380 ನಂತಹ ಜಂಬೋ ವಿಮಾನಗಳು ಮೋಪಾ ವಿಮಾನ ನಿಲ್ದಾಣದಿಂದ ಟೇಕ್ ಆಫ್ ಮತ್ತು ಲ್ಯಾಂಡ್ ಆಗಬಹುದು. ಈ ವಿಮಾನ ನಿಲ್ದಾಣದಲ್ಲಿ ರಾತ್ರಿ ಪಾರ್ಕಿಂಗ್ ಸೌಲಭ್ಯವೂ ಲಭ್ಯವಿರುತ್ತದೆ. ಅದೇ ಸಮಯದಲ್ಲಿ, ಕ್ಯಾಸಿನೊ, ಇಕೋ ರೆಸಾರ್ಟ್ ಮತ್ತು ಶಾಪಿಂಗ್ ಪ್ಲಾಜಾವನ್ನು ಇಲ್ಲಿ ನಿರ್ಮಿಸಲಾಗಿದೆ ಎಂದು ತಿಳಿಸಲಾಗಿದೆ.

ಪ್ರವಾಸಿಗರ ಗೌಪ್ಯತೆ, ಅವರ ಸುರಕ್ಷತೆ ಮತ್ತು ವಂಚನೆಯನ್ನು ತಪ್ಪಿಸುವುದು ಈ ಮೇಲಿನ ಮಾರ್ಗಸೂಚಿಯ ಉದ್ದೇಶ ಆಗಿದೆ. ಬರುವ ಪ್ರತಿಯೊಬ್ಬರ ಪ್ರವಾಸಿಗರ ಹಿತದೃಷ್ಟಿಯಿಂದ ಈ ಮೇಲಿನ ಕ್ರಮಗಳನ್ನು ಜಾರಿಗೊಳಿಸಲಾಗಿದೆ.