North Korea: ಉತ್ತರ ಕೊರಿಯಾದಲ್ಲಿ ಇರುವ ರೂಲ್ಸ್​ಗಳನ್ನು ಕೇಳಿದ್ರೆ ಬೆಚ್ಚಿ ಬೀಳ್ತೀರಾ!

ಒಂದೊಂದು ದೇಶದಲ್ಲಿ ಒಂದೊಂದು ರೀತಿಯ ನೀತಿ ನಿಯಮಗಳು ಇರುತ್ತದೆ. ಪರಿಪಾಲಿಸದಿದ್ದಲ್ಲಿ ದಂಡ ಅಥವಾ ಶಿಕ್ಷೆ ಕಟ್ಟಿಟ್ಟ ಬುತ್ತಿ. ಇದೀಗ ಉತ್ತರ ಕೊರಿಯಾದಲ್ಲಿ ಒಂದಷ್ಟು ಸ್ಪೆಷಲ್​ ರೂಲ್ಸ್​ಗಳು ಇದ್ಯಂತೆ. ಏನೆಲ್ಲಾ ತಿಳಿದುಕೊಳ್ಳೋಣ ಬನ್ನಿ.

ಉತ್ತರ ಕೊರಿಯಾದಲ್ಲಿ ಕಿಮ್‌ ಜಾಂಗ್‌ ಉನ್‌ ಅವರ ಮಗಳಿಗೆ ಒಂದು ಮುದ್ದಾಗಿ “ಜು-ಎ” ಎಂದು ಹೆಸರಿಟ್ಟಿದ್ದಾರೆ. ಆ ಹೆಸರು ಯಾವುದೇ ಕಾರಣಕ್ಕೂ ದೇಶದಲ್ಲಿ ವಾಸಿಸುವ ಸಾರ್ವಜನಿಕರು ಇಟ್ಟು ಕೊಳ್ಳುವಂತಿಲ್ಲ. ಹಾಗೇನಾದರೂ ಆ ಹೆಸರು ಇಟ್ಟುಕೊಂಡಿದ್ದರೆ ತಮ್ಮ ಹೆಸರನ್ನು ಬದಲಾಯಿಸಿಕೊಳ್ಳಬೇಕು ಎಂದು ಕಿಮ್‌ ಜಾಂಗ್‌ ಉನ್‌ ಹೇಳಿದ್ದಾರೆ. ಒಂದು ವೇಳೆ ನಿಯಮ ಮೀರಿದರೆ ಜೈಲು ಪಾಲಾಗುವ ಸ್ಥಿತಿ ಬರಬಹುದು. ಈ ಹಿಂದೆ ಯಾರಾದ್ರೂ ಈ ಹೆಸರನ್ನು ಇಟ್ಟುಕೊಂಡಿದ್ರೆ ಬದಲಾಯಿಸಿಕೊಳ್ಳಲೇಬೇಕಂತೆ.

ಕಿಮ್‌ ಜಾಂಗ್‌ ಉನ್‌ ಭಾಷಣ ಮಾಡುವ ಸಮಯದಲ್ಲಿ ನಿದ್ರೆ ಮಾಡಲೇಬಾರದು. ಹಾಗೇನಾದರೂ ನಿದ್ರೆ ಮಾಡಿದ್ದು ಕಂಡಿದ್ದೇ ಬಂದರೆ ಶಿಕ್ಷೆ ಅಂತು ಪಕ್ಕಾ ಬಿಡಿ. ಒಮ್ಮೆ ರಕ್ಷಣಾ ಸಚಿವರೊಬ್ಬರು ಕಾರ್ಯಕ್ರಮವೊಂದರಲ್ಲಿ ನಿದ್ರಿಸಿದ ನಂತರ ವಿಮಾನ ವಿರೋಧಿ ಬಂದೂಕಿನಿಂದ ಕೊಲ್ಲಲ್ಪಟ್ಟರು ಇದೊಂದು ಉದಾಹರಣೆ ಈ ಹಿಂದೆ ನಡೆದಿದೆ.

ಉತ್ತರ ಕೊರಿಯಾದಲ್ಲಿ ಬಟ್ಟೆಗಳನ್ನು ಹಾಕುವಾಗ ಯೋಚಿಸಿ ತೊಡಬೇಕು. ಮಹಿಳೆಯರು ಇಲ್ಲಿ ಸ್ಕರ್ಟ್‌ಗಳನ್ನು ಹಾಗು ಜೀನ್ಸ್‌ಗಳನ್ನು ಧರಿಸುವಂತಿಲ್ಲ. ಹಾಗೆಯೆ ಬಿಕಿನಿಗಳನ್ನು ಹಾಕುವ ಹಾಗೆಯೇ ಇಲ್ಲ. ಇದರ ಜೊತೆಗೆ ಇಲ್ಲಿನ ಜನರು ವಿದೇಶಕ್ಕೆ ಹೋಗುವಂತಿಲ್ಲ. ಒಂದು ವೇಳೆ ವಿದೇಶಗಳಿಗೆ ಹೋದರೆ ದೇಶದಿಂದ ಬಹಿಷ್ಕರಿಸಲಾಗುತ್ತದೆ.

ಪುರುಷರು ಹಾಗು ಮಹಿಳೆಯರಿಗೆ ಕೂದಲು ಕತ್ತರಿಸುವುದರ ಬಗ್ಗೆ ಉತ್ತರ ಕೊರಿಯಾ 2013 ರಲ್ಲಿ ನಿಯಮಗಳನ್ನು ತಂದಿದೆ. ಅದರ ಪ್ರಕಾರ, ಪುರುಷರು ಮತ್ತು ಮಹಿಳೆಯರಿಗೆ ಹೇರ್ ಕಟ್‌ ಪಟ್ಟಿಯನ್ನು ಒಟ್ಟುಗೂಡಿಸಿದ್ದಾರೆ. ಮಹಿಳೆಯರು 18 ವಿಧಗಳಲ್ಲಿ ಮತ್ತು ಪುರುಷರು 10 ರೀತಿಯಲ್ಲಿ ತಮ್ಮ ಕೂದಲನ್ನು ಕತ್ತರಿಸಬಹುದು. ಒಂದು ವೇಳೆ ವಿಭಿನ್ನವಾದ ಹೇರ್ ಕಟ್‌ಗಳನ್ನು ಇಲ್ಲಿ ಮಾಡಿಕೊಂಡರೆ ಶಿಕ್ಷೆಯಂತು ಪಕ್ಕಾ ಬಿಡಿ.

ಉತ್ತರ ಕೊರಿಯಾದ ಜನರು ಅಂತರಾಷ್ಟ್ರೀಯ ಕರೆಗಳನ್ನು ಮಾಡಲು ಹಾಗು ಸ್ವೀಕರಿಸಲು ಅವಕಾಶವಿಲ್ಲ. ಹೀಗೆ ಮಾಡಿದ ವ್ಯಕ್ತಿಯನ್ನು 2007 ರಲ್ಲಿ ಗಲ್ಲಿಗೇರಿಸಲಾಗಿತ್ತು. ಈ ದೇಶದ ಟಿವಿಗಳಲ್ಲಿ ಕೇವಲ ಮೂರು ಚಾನೆಲ್‌ಗಳನ್ನು ಮಾತ್ರ ನೋಡಬಹುದು. ಇವುಗಳನ್ನು ಸರ್ಕಾರ ನಿಯಂತ್ರಿಸುತ್ತದೆ. ಇಲ್ಲಿನ ಜನರು ಈ ಚಾನಲ್‌ಗಳನ್ನು ಮಾತ್ರ ವೀಕ್ಷಿಸಬಹುದು. ಮನರಂಜನೆಗೆ ಆದ್ಯತೆಯಿಲ್ಲ.

ಸದ್ಯಕ್ಕೆ ಭಾರತೀಯರಾದ ನಾವೇ ಪುಣ್ಯವಂತರು. ಎಷ್ಟು ಆರಾಮದಾಯಕವಾಗಿ ಜೀವನ ನಡೆಸುತ್ತಿದ್ದೀವಿ ಅಲ್ವಾ? ಇಂತಹ ರೂಲ್ಸ್​ಗಳು ಇಲ್ಲ, ಮುಂದೆ ಬರೋದು ಇಲ್ಲ.