Viral Photo: ಹಿಮ ಕರಡಿ ಬೆಂಕಿಯನ್ನು ಉಗುಳುತ್ತೆ ಗೊತ್ತಾ? ಈ ಫೋಟೋ ನೋಡಿ ಶಾಕ್​ ಆಗ್ಬೇಡಿ!

ಹಿಮ ಕರಡಿಗಳು ನೋಡಲು ಎಷ್ಟು ಕ್ಯೂಟ್​ ಅಲ್ವಾ? ಇವು ತುಂಬಾ ನಿದ್ರೆ ಮಾಡುತ್ತವೆ. ಹಾಗೆಯೇ ಇದರ ಬಗ್ಗೆ ಇನ್ನಷ್ಟು ಕುತೂಹಲಕಾರಿಯಾದ ಮಾಹಿತಿಗಳನ್ನು ನಾವಿಂದು ತಿಳಿಸಿಕೊಡ್ತೀವಿ ನೋಡಿ.

ಹಿಮಕರಡಿಯು ಬೆಂಕಿಯನ್ನು ಉಗುಳುತ್ತದೆಯೇ? ಅದು ಡೈನೋಸಾರೆಸ್​ ಮಾತ್ರ ಅಂತ ನಿಮ್ಮಿಂದ ಉತ್ತರ ಬಂದ್ರೆ, ಅದು ಸರಿನೇ. ಯಾಕಂದ್ರೆ ಒಂದು ಹಿಮ ಕರಡಿಯ ಫೋಟೋ ಸಖತ್​ ವೈರಲ್​ ಆಗ್ತಾ ಇದೆ.

ಈ ಫೋಟೋದಲ್ಲಿ ಹಿಮ ಕರಡಿಯು ಹಾಕಳಿಸುತ್ತಾ ಇದೆ. ಸೂರ್ಯೋದಯದ ಸಮಯದಲ್ಲಿ ಹಿಂಬೆಳಕನ್ನು ಹೀಗೆ ಮಾಂತ್ರಿಕವಾಗಿ ಸೆರೆಹಿಡಿದಿದ್ದಾರೆ ಫೋಟೋಗ್ರಾಫರ್​. ಆಗ ಅದು ಹಿಮಮಕರಡಿಯು ಬಾಯಿಯಿಂದ ಬೆಂಕಿ ಉಗಳುವಂತೆ ಕಾಣಿಸುತ್ತದೆ.

ಈ ಫೋಟೋ ಅನ್ನು ಜೋಶ್ ಆ್ಯನನ್​ ಎಂಬುವವರು ಸೆರೆಹಿಡಿದಿದ್ದಾರೆ. ಇದೀಗ ಈ ಫೋಟೋ ಅನ್ನು ಮ್ಯಾಸಿಮೋ ಎಂಬ ಟ್ವಿಟರ್​ ಖಾತೆದಾರರು ಹಂಚಿಕೊಂಡಿದ್ದಾರೆ. ಸಖತ್​ ವೈರಲ್​ ಆಗ್ತಾ ಇದೆ.

ಹಿಮದಿಂದ ಆವೃತವಾದ ಪ್ರದೇಶದಲ್ಲಿ ಹಿಮಕರಡಿ ನಿಂತಿದೆ. ತಿಳಿಕಿತ್ತಳೆ ಬಣ್ಣದ ಬೆಂಕಿಯನ್ನು ಇದು ಉಗಳುತ್ತಿದೆಯೆಂಬಂತೆ ಭಾಸವಾಗುತ್ತದೆ. ಈ ಫೋಟೋಗ್ರಾಫರ್​ನ ತಾಳ್ಮೆ ನಿಜಕ್ಕೂ ಅದ್ಭುತ. ಅವರು ಅದೆಷ್ಟು ಗಂಟೆಗಳ ಕಾಲ ಕಾಯ್ದಿರಬಹುದು ಇಂಥ ಅಪರೂಪದ ಚಿತ್ರವನ್ನು ಸೆರೆಹಿಡಿಯಲು ಎಂದು ಒಬ್ಬರು ಕಮೆಂಟ್​ ಮಾಡಿದ್ದಾರೆ.

ಓಹ್​ ಹಿಮಕರಡಿ ರೂಪದ ಡ್ರ್ಯಾಗನ್​ ಇದು? ಎಂದು ಅನೇಕರು ಕೇಳಿದ್ದಾರೆ. ಸಾಮಾನ್ಯವಾಗಿ ಹಿಮರಕಡಿಗಳು ರಷ್ಯಾ, ನಾರ್ವೆ, ಕೆನಡಾ, ಅಲಾಸ್ಕಾ, ಗ್ರೀನ್​ಲ್ಯಾಂಡ್​ನ ಕಾಡುಗಳ ಹಿಮಪ್ರದೇಶಗಳಲ್ಲಿ ವಾಸವಾಗಿರುತ್ತವೆ.

ಈತನಕ ಈ ಫೋಟೋ ಅನ್ನು 1.1 ಮಿಲಿಯನ್​ ಜನರು ನೋಡಿದ್ದಾರೆ. 28,000 ಜನರು ಇದನ್ನು ಇಷ್ಟಪಟ್ಟಿದ್ದಾರೆ. 3,000 ಕ್ಕೂ ಹೆಚ್ಚು ಜನರು ರೀಟ್ವೀಟ್ ಮಾಡಿದ್ದಾರೆ.