Viral Photo: ನಾಗರ ಹಾವಿನ ತಲೆಯ ಮೇಲೆ ನಾಗಮಣಿ! ಇದು ಕಂಡಿದ್ದೆಲ್ಲಿ?

ನಾಗರ ಹಾವಿನ ತಲೆಯ ಮೇಲೆ ವಜ್ರವಿದೆ ಎಂದು ಕೆಲವರು ನಂಬುತ್ತಾರೆ. ಅದು ನಾಗಮಣಿ. ಇದು ಕಥೆ, ಪುರಾಣಗಳಲ್ಲಿ ಕೇಳಿದ ವಿಚಾರ. ಸಿನಿಮಾಗಳಲ್ಲಿ ನೋಡಿರಬಹುದು. ಈ ಬಗ್ಗೆ ಸೀರಿಯಲ್​ಗಳ ಸರಮಾಲೆಯೇ ಇದೆ. ಆದರೆ ಅಂತಹ ನಾಗಮಣಿಯ ರಿಯಲ್ ಫೋಟೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿವೆ.

ನಾಗಮಣಿಯ ಕೆಲವು ಫೋಟೋಗಳು ರಾಜಸ್ಥಾನದ ಕೋಟಾ ಮತ್ತು ಮಧ್ಯಪ್ರದೇಶದ ಕೆಲವು ಹಳ್ಳಿಗಳಲ್ಲಿ ಚರ್ಚೆಯ ವಿಷಯವಾಗಿದೆ. ಹಾವಿನ ನೆತ್ತಿ ಮೇಲೆ ಹೊಳೆಯುವ ವಜ್ರದ ಫೋಟೋಗಳು ವೈರಲ್ ಆಗಿವೆ.

ಈ ದೃಶ್ಯ ಮಧ್ಯಪ್ರದೇಶದ ಹಳ್ಳಿಯೊಂದರಲ್ಲಿ ಕಂಡುಬಂದಿದೆ ಎಂದು ಸ್ಥಳೀಯರು ಚರ್ಚಿಸುತ್ತಿದ್ದಾರೆ. ಅಲ್ಲಿ ಶಿವಪುರಾಣ ನಡೆಯುತ್ತಿದ್ದ ಸಮಯದಲ್ಲೇ ಕಾಡಿನಿಂದ ಹಾವೊಂದು ಹೊರಬಂದಿತು. ಅದರಲ್ಲಿ ನಾಗಮಣಿ ಇದೆ ಎಂದು ಕೆಲವರು ಹೇಳುತ್ತಾರೆ.

ಕೆಲವು ಫೋಟೋಗಳಲ್ಲಿ ಹಾವಿನ ತಲೆಯ ಮೇಲೆ ವಜ್ರದ ಆಕಾರವು ಕಂಡುಬಂದಿದೆ. ಅದು ಬೆಳಗುವುದನ್ನು ಕಾಣಬಹುದು. ಇನ್ನು ಕೆಲವು ಫೋಟೋಗಳಲ್ಲಿ ಮಣಿ ನೆಲದ ಮೇಲೆ ಇರುವಾಗ ಪಕ್ಕದಲ್ಲಿ ಹಾವು ಕುಳಿತಿರುವ ದೃಶ್ಯವಿದೆ.

ಆದರೆ, ಈ ಫೋಟೋಗಳು ಯಾವ ಗ್ರಾಮದಿಂದ ಬಂದಿವೆ ಎಂಬ ವಿವರ ಹೊರಬಿದ್ದಿಲ್ಲ. ಇದು ನಿಜವಾಗಿ ನಾಗಮಣಿ ಎಂಬುದಕ್ಕೆ ವೈಜ್ಞಾನಿಕ ಪುರಾವೆಗಳಿಲ್ಲ. ಹೀಗಿದ್ದರೂ ಫೋಟೋಗಳು ಮಾತ್ರ ಜನರಲ್ಲಿ ಅಚ್ಚರಿ ಮೂಡಿಸಿದೆ.

ನಾಗಮಣಿ ಬರೀ ಕಾಲ್ಪನಿಕ ಎಂದು ವಿಚಾರವಾದಿಗಳು ಅಲ್ಲಗಳೆಯುತ್ತಾರೆ. ಅಂತಹ ಸಂಗತಿಗಳು ನಿಜ ಜೀವನದಲ್ಲಿ ಇರುವುದಿಲ್ಲ. ಯಾರೋ ಫೋಟೋಗಳನ್ನು ಮಾರ್ಫಿಂಗ್ ಮಾಡಿ ನಾಗಮಣಿ ಎಂದು ಪ್ರಚಾರ ಮಾಡುತ್ತಿದ್ದಾರೆ ಎನ್ನಲಾಗಿದೆ.

ಪೌರಾಣಿಕ ಕಥೆಗಳ ಪ್ರಕಾರ ಭೂಮಿಯಲ್ಲಿರುವ ಜನ ನಾಗಮಣಿಯನ್ನು ಹೊಂದಿದ್ದರೆ, ಅವರು ಅಲೌಕಿಕ ಶಕ್ತಿಯನ್ನು ಪಡೆಯುತ್ತಾರೆ. ಶ್ರೀಮಂತರಾಗುತ್ತಾರೆ ಎಂದು ಹೇಳುತ್ತಾರೆ. ಇದೇ ಕಾನ್ಸೆಪ್ಟ್​ ಮೇಲೆ ಹಿಂದಿಯಲ್ಲಿ ನಾಗಿನ್ ಎನ್ನುವ ಧಾರವಾಹಿಗಳ ಸಿರೀಸ್ ಸಕ್ಸಸ್​ಫುಲ್ ಆಗಿ ರನ್ ಆಗುತ್ತಲೇ ಇದೆ.

ಈ ಫೋಟೋಗಳು ನಾಗಮಣಿ ಎಂದು ನ್ಯೂಸ್ 18 ಖಚಿತಪಡಿಸಿಲ್ಲ. ಫೋಟೋ ಪತ್ತೆಯಾದಲ್ಲಿ ನಡೆಯುತ್ತಿರುವ ಪ್ರಚಾರವನ್ನು ಆಧರಿಸಿಯೇ ನಾವು ಈ ಲೇಖನವನ್ನು ಪ್ರಕಟಿಸಿದ್ದೇವೆ.