Unnatural Beaches: ಜಗತ್ತಿನಲ್ಲೇ ವಿಚಿತ್ರವಾಗಿರುವ ಮರುಳು ಹೊಂದಿರುವ ಬೀಚ್​ಗಳಿವು

ಜಗತ್ತಿನಲ್ಲಿ ಕೆಲವು ಅಸ್ವಾಭಾವಿಕ ಕಡಲತೀರಗಳಿವೆ. ಇವು ನೈಸರ್ಗಿಕವಾಗಿ  ಕುತೂಹಲಕಾರಿಯಾದ ವಾತಾವರಣ ನಿರ್ಮಿಸಿವೆ. ಮಾನವನಿಂದಲೇ ರಚಿಸಲಾಗಿದೆ ಎಂದು ಅನಿಸುವಷ್ಟು ಚಂದವಾಗಿದೆ. ಉದ್ದೇಶಪೂರ್ವಕವಾಗಿ ಈ ರೀತಿ ಕಡಲತೀರಗಳನ್ನು ನಿರ್ಮಾಣ ಮಾಡಿಲ್ಲಾ.

ಗ್ಲಾಸ್ ಬೀಚ್, ಕ್ಯಾಲಿಫೋರ್ನಿಯಾ : ಗ್ಲಾಸ್ ಬೀಚ್ ಕ್ಯಾಲಿಫೋರ್ನಿಯಾದ ಫೋರ್ಟ್ ಬ್ರಾಗ್‌ನಲ್ಲಿದೆ. ಗಾಜಿನ ಬಾಟಲಿಗಳು ಮತ್ತು ಇತರ ಕಸವನ್ನು ಸಮುದ್ರಕ್ಕೆ ಎಸೆಯುವ ಮೂಲಕ ಈ ಕಡಲತೀರ ಈ ರೀತಿ ನಿರ್ಮಾಣವಾಗಿದೆ. 

ಕಾಲಾನಂತರದಲ್ಲಿ ಆ ಸಮುದ್ರಕ್ಕೆ ಎಸೆದ ಗಾಜಿನ ಚೂರುಗಳು, ಅಲೆಗಳಿಂದ ನಯವಾಗಿ ಮತ್ತು ಪಾಲಿಶ್ ಮಾಡಿ, ವಿಶಿಷ್ಟವಾದ ಬಣ್ಣದ ಕಡಲತೀರ ಅದಾದದೇ ನಿರ್ಮಾಣವಾಗಿದೆ. 

ಈ ಗಾಜಿನ ಕಲ್ಲುಗಳಿಂದಾಗಿ ಈಗ ಈ ಬೀಚ್ ಪ್ರಪಂಚದಾದ್ಯಂತ ಪ್ರಸಿದ್ಧವಾಗಿದೆ. ಅವುಗಳನ್ನು ನೋಡಲು ಅನೇಕ ಪ್ರವಾಸಿಗರು ಇಲ್ಲಿಗೆ ಬರುತ್ತಾರೆ. ಎಷ್ಟೋ ಜನ ಕಲ್ಲುಗಳನ್ನು ಇಲ್ಲಿಂದ ತೆಗೆದುಕೊಂಡು ಹೋಗುತ್ತಾರೆ. 

Pink Sand Beach, Bahamas ಕೆರಿಬಿಯನ್ ದ್ವೀಪಗಳ ಭಾಗವಾಗಿರುವ ಬಹಾಮಾಸ್‌ನಲ್ಲಿರುವ ಹಾರ್ಬರ್ ಐಲ್ಯಾಂಡ್ ಬೀಚ್ ಗುಲಾಬಿ ಮರಳನ್ನು ಹೊಂದಿದೆ. ಇಲ್ಲಿನ ಹವಳದ ಬಂಡೆಗಳಲ್ಲಿ ವಾಸಿಸುವ ಗುಲಾಬಿ ಅಥವಾ ಕೆಂಪು ಚಿಪ್ಪುಗಳನ್ನು ಹೊಂದಿರುವ ಸೂಕ್ಷ್ಮ ಸಮುದ್ರ ಜೀವಿಗಳಿಂದ ಇದು ರೂಪುಗೊಳ್ಳುತ್ತದೆ ಎಂದು ಹೇಳಲಾಗಿದೆ. 

ಕಾಲಾನಂತರದಲ್ಲಿ, ಸೂಕ್ಷ್ಮಜೀವಿಯ ಚಿಪ್ಪುಗಳು ಕಡಲತೀರದ ಮೇಲೆ  ಬಂದು ಈ ರೀತಿ ಗುಲಾಬಿ ಬಣ್ಣದ ಮರಳು ಸೃಷ್ಟಿಯಾಗಿದೆ.  ಈ ಬಣ್ಣದಿಂದಾಗಿ ಪ್ರವಾಸಿಗರು ಈ ಬೀಚ್ ನೋಡಲು ಇಲ್ಲಿಗೆ ಬರುತ್ತಾರೆ. ಆಕರ್ಷಿತರಾಗುತ್ತಾರೆ. 

ಸ್ಟಾರ್ ಸ್ಯಾಂಡ್ ಬೀಚ್ ಇದು ಜಪಾನ್​ನಲ್ಲಿದೆ ಜಪಾನ್‌ನ ಇರಿಯೊಮೋಟ್ ದ್ವೀಪದಲ್ಲಿ ನಕ್ಷತ್ರ ಮರಳು ಬೀಚ್ ಇದೆ. ಈ ರೀತಿ ಮರುಳು ಹೊಂದಿರುವ ದ್ವೀಪ ಇದು ಮಾತ್ರ. 

ಈ ಮರಳು ನಕ್ಷತ್ರಗಳ ಆಕಾರದಲ್ಲಿದೆ. ಇದು ಸಮುದ್ರದ ಪ್ರೊಟೊಜೋವಾದಿಂದ ಸಣ್ಣ ನಕ್ಷತ್ರಾಕಾರದ ಚಿಪ್ಪುಗಳಿಂದ ಮಾಡಲ್ಪಟ್ಟಿದೆ ಎಂದು ವಿಜ್ಞಾನಿಗಳು ಹೇಳಿದ್ದಾರೆ.