Viral News: 12 ಪತ್ನಿಯರು, 102 ಮಕ್ಕಳಾದ್ಮೇಲೆ ಇವನಿಗೆ ಇನ್ನು ಮಕ್ಕಳು ಬೇಡ್ವಂತೆ!

ಒಂದು ಮದುವೆ ಆಗಿ 2 ಮಕ್ಕಳು ಇದ್ರೆ ಅವರು ಸಂಸಾರ ನಡೆಸಿಕೊಂಡು ಹೋಗೋದ್ರಲ್ಲಿ ಸಾಕಾಗಿ ಹೋಗ್ತಾರೆ. ಆದ್ರೆ ಉಗಾಂಡದ ವ್ಯಕ್ತಿಯೊಬ್ಬರು 12 ಮದುವೆ ಆಗಿದ್ದಾರೆ. 102 ಮಕ್ಕಳ ತಂದೆ ಇವರು.

ಈ ವ್ಯಕ್ತಿಯ ಹೆಸರು ಮೂಸಾ ಹಸಾಹ್ಯ 67 ವರ್ಷ. ಉಗಾಂಡಾದ ಲುಸಾಕಾದಲ್ಲಿ ರೈತರಾಗಿದ್ದಾರೆ. ಇವರೇ 12 ಮದುವೆಯಾದ ಭೂಪ. 102 ಮಕ್ಕಳಿಗೆ ಜನ್ಮದಾತ.

ಮೂಸಾ ಹಸಾಹ್ಯ ಶಾಲೆ ಬಿಟ್ಟ ಮೇಲೆ, ಅಂದ್ರೆ 16 ನೇ ವಯಸ್ಸಿನಲ್ಲಿ ಹನೀಫಾ ಎಂಬುವವರನ್ನು 1971ರಲ್ಲಿ ಮದುವೆಯಾಗಿದ್ದರು. ಹನೀಫಾಗೆ ಮದುವೆ ಆಗಿ 2 ವರ್ಷಗಳ ನಂತರ ಮೊದಲನೇ ಮಗು ಜನಿಸಿತು.

ಹನೀಫಾ ಮೊದಲ ಮಗು ಬಾಣಂತನದಲ್ಲಿ ಈತ ಬೇರೆ ಮದುವೆ ಆದ. ಹೀಗೆ ಒಟ್ಟು 12 ಮಹಿಳೆಯನ್ನು ಮದುವೆ ಆಗಿ ಸಂಸಾರ ನಡೆಸುತ್ತಿದ್ದಾರೆ.

ಮೂಸಾ ಅವರಿಗೆ 102 ಮಕ್ಕಳಿದ್ದಾರೆ. ಇವರ ಹಲವು ಮಕ್ಕಳಿಗೆ ಈಗಾಗಲೇ ಮದುವೆ ಆಗಿದ್ದು, ಮೂಸಾ ಅವರಿಗೆ ಮೊಮ್ಮಕ್ಕಳು ಸಹ ಇದ್ದಾರೆ. ಇವರಗೆ ಇವರ ಎಷ್ಟೋ ಮಕ್ಕಳ ಹೆಸರೇ ಗೊತ್ತಿಲ್ವಂತೆ.

ಉಗಾಂಡಾದಲ್ಲಿ ಬಹು  ಪತ್ನಿತ್ವ ಜಾರಿ ಇರುವ ಕಾರಣ ಇವರು 12 ಮದುವೆ ಆಗಿದ್ದಾರೆ. ಈಗ ಮನೆಯಲ್ಲಿ ಮಕ್ಕಳು, ಹೆಂಡತಿ, ಮೊಮ್ಮಕ್ಕಳನ್ನು ನೋಡಿಕೊಳ್ಳಲು ಹಣದ ಸಮಸ್ಯೆ ಎದುರಾಗಿದೆ.ಮೂಸಾ ಅವರು ಆರ್ಥಿಕ ಸಮಸ್ಯೆಗೆ ಪರಿಹಾರ ಹುಡುಕಿದ್ದಾರೆ. ಇನ್ಮುಂದೆ ಮಕ್ಕಳನ್ನು ಮಾಡಿಕೊಳ್ಳುವುದಿಲ್ಲ ಎಂದು ನಿರ್ಧಾರ ಮಾಡಿದ್ದಾರೆ. ತಮ್ಮ ಪತ್ನಿಯರಿಗೆ ಗರ್ಭ ನಿರೋಧಕ ಮಾತ್ರೆಗಳನ್ನು ಕೊಡಿಸಿದ್ದಾರಂತೆ.

568 ಮೊಮ್ಮಕ್ಕಳು, 12 ಹೆಂಡಿಯರು, 102 ಮಕ್ಕಳು ಒಂದೇ ಮನೆಯಲ್ಲಿದ್ದಾರಂತೆ. 12 ರೂಮ್ ಗಳು ಇವೆ ಇಂತೆ. ಮೂಸಾಗೆ ಈಗ ಆರೋಗ್ಯ ಸಮಸ್ಯೆಯಿಂದ ಕೆಲಸಕ್ಕೆ ಹೋಗಲು ಆಗುತ್ತಿಲ್ಲವಂತೆ. ಅಲ್ಲದೇ ಹಣದ ಸಮಸ್ಯೆಯಿಂದ ಇಬ್ಬರು ಹೆಂಡತಿಯರನ್ನು ದೂರ ಮಾಡಿಕೊಂಡಿದ್ದಾನಂತೆ.

ಮೂಸಾ ಅವರು ತನ್ನ ಎಲ್ಲಾ ಮಕ್ಕಳು ಶಿಕ್ಷಣ ಪಡೆಯಲು ಕಷ್ಟಪಡುತ್ತಿದ್ದಾರೆ. ದಯವಿಟ್ಟು ಮಕ್ಕಳು ಓದಲು ಸಹಾಯ ಮಾಡಿ ಎಂದು ಸರ್ಕಾರಕ್ಕೆ ಮನವಿ ಮಾಡಿದ್ದಾರೆ.