Hindu Temple: ದುಬೈನಲ್ಲಿ ಹಿಂದೂ ದೇವಾಲಯದ, ದೇವಸ್ಥಾನಕ್ಕೆ ಭೇಟಿ ನೀಡುವ ಭಕ್ತರಿಗೆ ಮಂತ್ರಘೋಷದಲ್ಲಿ ಭಾಗವಹಿಸಲು ಅವಕಾಶ!

ನಮ್ಮ ಭೂಮಿಯಲ್ಲಿ ನಾನಾ ರೀತಿಯ ಸಮುದಾಯಗಳು, ಜಾತಿ, ಧರ್ಮಗಳು ಇವೆ. ಪ್ರತಿಯೊಂದು ಧರ್ಮಗಳನ್ನು ನಾವು ಗೌರವಿಸಬೇಕು. ಹಾಗೆಯೇ ನಂಬಬೇಕು. ಜೊತೆಗೆ ಅವರವರವರ ಆಲೋಚನೆಗಳಿಗೆ ಬಿಟ್ಟಿದ್ದು. ಇದೀಗ ಇಸ್ಲಾಮ್​ ದೇಶವಾದ ದುಬೈನಲ್ಲಿ ಹಿಂದೂ ದೇವಸ್ಥಾನ ನಿರ್ಮಾಣವಾಗಿದ್ಯಂತೆ!

ದುಬೈನಲ್ಲಿರುವ ಹೊಸ ಹಿಂದೂ ದೇವಾಲಯವನ್ನು ವೀಕ್ಷಿಸಲು ದೊಡ್ಡ ಗುಂಪು ಸೇರುತ್ತಿದೆ. ಯುಎಇಯ ಸಾವಿರಾರು ನಿವಾಸಿಗಳು ಈ ತಿಂಗಳ ಆರಂಭದಲ್ಲಿ ದುಬೈನಲ್ಲಿರುವ ಹೊಸ ಹಿಂದೂ ದೇವಾಲಯಕ್ಕೆ ಭೇಟಿ ನೀಡುತ್ತಿದ್ದಾರೆ.

ಮೊದಲ ದಿನವೇ ವಿಶೇಷವಾಗಿ ವಾರಾಂತ್ಯದಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿ ಭಕ್ತರು ದೇವಸ್ಥಾನಕ್ಕೆ ಆಗಮಿಸಿದ್ದರು. ಗಲ್ಫ್ ನ್ಯೂಸ್‌ನ ವರದಿಯ ಪ್ರಕಾರ, ಈ ದೇವಾಲಯವನ್ನು ಅಕ್ಟೋಬರ್ 5 ರಿಂದ ಸಾರ್ವಜನಿಕರಿಗೆ ಔಪಚಾರಿಕವಾಗಿ ತೆರೆಯಲಾಗುವುದು,  ಅಂದರೆ, ಎಲ್ಲಾ ಧರ್ಮದ ನಾಗರಿಕರು ಈ ದೇವಾಲಯದಲ್ಲಿ ಪ್ರವೇಶ ಪಡೆಯುತ್ತಾರೆ

ದುಬೈನ ಈ ದೇವಾಲಯದಲ್ಲಿ ಸುಮಾರು 16 ಹಿಂದೂ ದೇವರು ಮತ್ತು ದೇವತೆಗಳ ವಿಗ್ರಹಗಳಿವೆ. ದೇವಾಲಯದ ಆಡಳಿತವು ಸೆಪ್ಟೆಂಬರ್ 1 ರಿಂದ ತಮ್ಮ ವೆಬ್‌ಸೈಟ್‌ನಲ್ಲಿ ಕ್ಯೂಆರ್-ಕೋಡ್ ಮೂಲಕ ಬುಕ್ಕಿಂಗ್ ಪ್ರಾರಂಭಿಸಿತು.

ದುಬೈನ ದೇವಾಲಯವು ಶ್ರೀರಾಮ, ಸೀತೆ, ಲಕ್ಷ್ಮಣನ ಸುಂದರವಾದ ವಿಗ್ರಹಗಳನ್ನು ಹೊಂದಿದೆ. ಈ ವಿಗ್ರಹವನ್ನು ಕೆಂಪು ಹೂವುಗಳಿಂದ ಅಲಂಕರಿಸಲಾಗಿದೆ. ವಿಗ್ರಹದ ಒಂದು ಬದಿಯಲ್ಲಿ ಹನುಮಂತನು ಶ್ರೀರಾಮ-ಲಕ್ಷ್ಮಣ ಮತ್ತು ಸೀತೆಗೆ ನಮನ ಸಲ್ಲಿಸುತ್ತಿರುವುದನ್ನು ಕಾಣಬಹುದು.

ಅದಲ್ಲದೆ, ದೇವಾಲಯದಿಂದ ಹೊರಬಂದ ಫೋಟೋಗಳಲ್ಲಿ ಶಂಕರನ ವಾಹನದ ದ್ವಾರಪಾಲಕ ನಂದಿಯ ವಿಗ್ರಹವೂ ಕಂಡುಬರುತ್ತದೆ. ಅನೇಕ ಭಕ್ತರು ನಂದಿಯ ಕಿವಿಯಲ್ಲಿ ತಮ್ಮ ಇಷ್ಟಾರ್ಥಗಳನ್ನು ಹೇಳುತ್ತಿದ್ದಾರೆ.

ದುಬೈನ ಈ ದೇವಾಲಯವು ಬೆಳಿಗ್ಗೆ 6:30 ಕ್ಕೆ ತೆರೆಯುತ್ತದೆ ಮತ್ತು ರಾತ್ರಿ 8:30 ರವರೆಗೆ ದರ್ಶನಕ್ಕಾಗಿ ತೆರೆದಿರುತ್ತದೆ. ಜನವರಿ ಅಂತ್ಯದವರೆಗಿನ ಬಹುತೇಕ ಬುಕ್ಕಿಂಗ್‌ಗಳು ಈಗಾಗಲೇ ಮುಗಿದಿವೆ. ಜನವರಿ ತಿಂಗಳವರೆಗೆ ಮಾತ್ರ ಬುಕ್ಕಿಂಗ್ ಮಾಡುವ ಮೂಲಕ ದೇವಾಲಯಕ್ಕೆ ಪ್ರವೇಶವನ್ನು ಅನುಮತಿಸಲಾಗುವುದು. ಜನವರಿ ನಂತರ, ದೇವಾಲಯ ತೆರೆದ ನಂತರ ಭಕ್ತರು ಯಾವುದೇ ಸಮಯದಲ್ಲಿ ದರ್ಶನದ ಪ್ರಯೋಜನವನ್ನು ಪಡೆಯಬಹುದು.