Beach in India: ದೇಶದಲ್ಲಿಯೇ ಅತ್ಯಂತ ಸ್ವಚ್ಛವಾಗಿರುವ ಸಮುದ್ರ ಇದೇಯಂತೆ, ಎಲ್ಲ ಬೀಚ್​ಗಳಂತೆ ಇದು ಹರಿಯೋಲ್ಲ!

ಒಡಿಶಾ ಉತ್ತಮ ಪ್ರವಾಸಿ ತಾಣವಾಗಿದೆ. ಪ್ರಾಕೃತಿಕ ಸೌಂದರ್ಯದಿಂದ ಕೂಡಿದ ಒಡಿಶಾದ ಬಗ್ಗೆ ಕೆಲವೇ ಜನರಿಗೆ ತಿಳಿದಿದೆ. ಅಲ್ಲಿನ ನಿಸರ್ಗದ ಸೊಬಗನ್ನು, ಆನಂದವನ್ನು ನೋಡಿದಾಗ ಒಂದು ದೊಡ್ಡ ಅನುಭೂತಿ ಬರುತ್ತದೆ.  ಇಲ್ಲಿ ಇರುವ  ಪುರಿ ಬೀಚ್ ಬಗ್ಗೆ ನಿಮಗೆಷ್ಟು ಗೊತ್ತು?

ಭಾರತದ ಕಡಲತೀರಗಳು ಕಸಕ್ಕೆ ಹೆಸರುವಾಸಿಯಾಗಿದೆ. ಪ್ರವಾಸಿಗರು ಬೀಚ್‌ನಲ್ಲಿ ಕಸ ಹಾಕುತ್ತಾರೆ. ನಮ್ಮ ಕಡಲತೀರಗಳು ಪ್ಲಾಸ್ಟಿಕ್ ಬಾಟಲಿಗಳಿಂದ ತುಂಬಿವೆ. ಆದರೆ ಒಡಿಶಾದ ಬೀಚ್ ಸಂಪೂರ್ಣ ಭಿನ್ನವಾಗಿದೆ.

ಪುರಿ ಬೀಚ್ ದೇಶದ ಅತ್ಯಂತ ಸ್ವಚ್ಛ ಬೀಚ್ ಎಂದು ಭಾರತೀಯ ಅರಣ್ಯ ಸೇವೆಗಳ (ಐಎಫ್‌ಎಸ್) ಅಧಿಕಾರಿ ಸುಶಾಂತ ನಂದಾ ಅವರು ಟ್ವಿಟರ್‌ನಲ್ಲಿ ಪೋಸ್ಟ್ ಮಾಡಿದ್ದಾರೆ. ಪುರಿ ಬೀಚ್ ಫೋಟೋಗಳನ್ನು ನೋಡಿದ ನೆಟಿಜನ್‌ಗಳು ಸಂತಸ ಮತ್ತು ಆಶ್ಚರ್ಯವನ್ನು ವ್ಯಕ್ತಪಡಿಸುತ್ತಿದ್ದಾರೆ.

ಪುರಿ ಬೀಚ್ ಬಂಗಾಳ ಕೊಲ್ಲಿಯ ತೀರದಲ್ಲಿದೆ. ಪುರಿ ರೈಲು ನಿಲ್ದಾಣದಿಂದ ಕೇವಲ 2 ಕಿಮೀ ದೂರದಲ್ಲಿದೆ. ಪುರಿ ಬೀಚ್ ನಗರದ ಜನಪ್ರಿಯ ಪ್ರವಾಸಿ ಆಕರ್ಷಣೆಯಾಗಿದೆ.

ಈ ಕಡಲತೀರವನ್ನು ಹಿಂದೂಗಳು ಪವಿತ್ರವೆಂದು ಪರಿಗಣಿಸುತ್ತಾರೆ. ಸಾಮಾನ್ಯವಾಗಿ, ಪುರಿಯ ಬೀಚ್ ಅನ್ನು ಯಾರೂ ತಪ್ಪಿಸಿಕೊಳ್ಳುವುದಿಲ್ಲ. ಅಂದ್ರೆ ನೋಡಲು ಇಚ್ಛಿಸುತ್ತಾರೆ.

ಆಹ್ಲಾದಕರವಾದ ಗಾಳಿ, ಸ್ಪಷ್ಟವಾದ ಹೊಳೆಯುವ ನೀರು, ಸೂರ್ಯೋದಯ ಮತ್ತು ಸೂರ್ಯಾಸ್ತವು ಒಂದೇ ಆಗಿರುತ್ತದೆ.  ಹಾಗೆಯೇ ಇಲ್ಲಿನ ಸ್ವಚ್ಛತೆಯ ಸಿಬ್ಬಂದಿಗೆ ಸಲಾಂ ಹೇಳಲೇಬೇಕು.

ಸಾಮಾನ್ಯವಾಗಿ, ಸಮುದ್ರ ತೀರದಲ್ಲಿ ಬೆಳಿಗ್ಗೆ ಗಾಳಿಯು ಸಮುದ್ರದಿಂದ ಭೂಮಿಯ ಕಡೆಗೆ ಮತ್ತು ಸಂಜೆ ಭೂಮಿಯಿಂದ ಸಮುದ್ರದ ಕಡೆಗೆ ಹೋಗುತ್ತದೆ. ಆದರೆ ಪುರಿ ಕರಾವಳಿಯಲ್ಲಿ ಇದು ವಿರುದ್ಧ ದಿಕ್ಕಿನಲ್ಲಿ ನಡೆಯುತ್ತದೆ. ಇದು ಏಕೆ ನಡೆಯುತ್ತಿದೆ ಎಂದು ಇಲ್ಲಿಯವರೆಗೆ ಯಾರಿಗೂ ತಿಳಿದಿಲ್ಲ. ಬೀಚ್ ಅನ್ನು ಸ್ವಚ್ಛವಾಗಿಡಲು ಅಲ್ಲಿನ ಸಿಬ್ಬಂದಿಯ ಶ್ರಮಕ್ಕೆ ನೆಟ್ಟಿಗರು ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ.