Transman Pregnancy: ದೇಶದಲ್ಲಿ ಇದೇ ಮೊದಲು; ಮಗುವಿಗೆ ಜನ್ಮ ನೀಡಿದ ತೃತೀಯಲಿಂಗಿ ದಂಪತಿ!

ದೇಶದಾದ್ಯಂತ ಭಾರೀ ಸುದ್ದಿಯಾಗಿದ್ದ ತೃತೀಯಲಿಂಗಿ ಗರ್ಭಿಣಿ ವಿಚಾರವನ್ನು ಎಲ್ಲರೂ ಕೇಳಿರುತ್ತೀರಿ. ಇದೀಗ ಕೇರಳದ ಈ ತೃತೀಯಲಿಂಗಿ ದಂಪತಿಗೆ ಮಗು ಹುಟ್ಟಿದೆ. ಇಂದು ಕೇರಳದ ಸರ್ಕಾರಿ ಆಸ್ಪತ್ರೆಯಲ್ಲಿ ಮಗುವಿನ ಜನನವಾಗಿದೆ ಎಂದು ವರದಿಯಾಗಿದೆ.

ಇದು ದೇಶದ ಮೊದಲ ಪ್ರಕರಣವಾಗಿದೆ ಸರ್ಕಾರಿ ವೈದ್ಯಕೀಯ ಕಾಲೇಜು ಆಸ್ಪತ್ರೆಯಲ್ಲಿ ಸಿಸೇರಿಯನ್ ಮೂಲಕ ಬೆಳಿಗ್ಗೆ 9.30 ರ ಸುಮಾರಿಗೆ ಮಗು ಜನಿಸಿದೆ ಎಂದು ಜಿಯಾ ಪಾವಲ್ ತಿಳಿಸಿದ್ದಾರೆ ಎಂದು ಹೇಳಲಾಗಿದೆ.

ಈಗಾಗಲೇ ಮುಗುವಿಗೆ ಜನ್ಮ ನೀಡಿದವರು ಹಾಗೂ ಮಗು ಇಬ್ಬರೂ ಆರೋಗ್ಯವಾಗಿದ್ದಾರೆ ಎಂದು ಆಸ್ಪತ್ರೆಯವರು ತಿಳಿಸಿದ್ದಾರೆ. ಆದರೆ ತೃತೀಯಲಿಂಗಿ ವ್ಯಕ್ತಿಯವರು ಮಗುವಿನ ಲಿಂಗ ಯಾವುದೆಂದು ಈವರೆಗೂ ಬಹಿರಂಗಪಡಿಸಿಲ್ಲ.ಅಲ್ಲದೇ ಈ ವಿಚಾರವನ್ನು ಸಾರ್ವಜನಿಕವಾಗಿ ತಿಳಿಸಲು ಬಯಸುವುದಿಲ್ಲ ಎಂದು ಹೇಳಿದ್ದಾರೆ.

ಇನ್ನು, ಕಳೆದ ಕೆಲ ದಿಗಳ ಹಿಂದೆ ಜಿಯಾ ಪಾವಲ್ ತನ್ನ ಸಂಗಾತಿ ಜಹ್ಹಾದ್ 8 ತಿಂಗಳ ಗರ್ಭಿಣಿ ಎಂದು ಪೋಸ್ಟ್‌ ಮಾಡಿದ್ದರು. ನಾವು ನನ್ನ ತಾಯಿಯಾಗುವ ನನ್ನ ಕನಸು ಮತ್ತು ತಂದೆಯಾಗುವ ಅವನ ಕನಸು ನನಸಾಗಲಿದೆ ಎಂದು ಸಾಮಾಜಿಕ ಜಾಲತಾಣದಲ್ಲಿ ಬರೆದುಕೊಂಡಿದ್ದರು.

ನಾನು ಒಂದು ಹೆಣ್ಣು ಅಲ್ಲ, ಆದರೂ ಹೆಣ್ತನ, ತಾಯ್ತನವನ್ನು ಅರಿತಿದ್ದೇನೆ. ನನ್ನೊಳಗೆ ಸದಾ ಇದ್ದ ಕನಸೆಂದರೆ ಅದು ಅಮ್ಮ. ಸಮಯವು ನನ್ನ ಆಸೆಗಳನ್ನು ಅರಿತಿತ್ತು. ಹೊಟ್ಟೆಯೊಳಗೆ ಗಂಡಾಗಲೀ, ಹೆಣ್ಣಾಗಲೀ ನಾನು 9 ತಿಂಗಳಗಳ ಕಾಲ ಕಾಯಲೇ ಬೇಕು ಎಂದು ಹೇಳಿಕೊಂಡಿದ್ದರು.

ಜಿಯಾ ಪೊವೆಲ್​ ಒಬ್ಬ ಖ್ಯಾತ ಡ್ಯಾನ್ಸರ್​. ಕೇರಳದಲ್ಲಿ ಪ್ರಖ್ಯಾತರಾಗಿದ್ದಾರೆ. ಒಟ್ಟಿನಲ್ಲಿ ನಮ್ಮ ದೇಶದಲ್ಲಿಯೇ ಮೊಟ್ಟ ಮೊದಲ ಬಾರಿ ತೃತೀಯಲಿಂಗಿ ದಂಪತಿ ತಂದೆ ತಾಯಿ ಆಗಿದ್ದಾರೆ. ಸಾಮಾಜಿಕ ಜಾಲತಾಣದಲ್ಲಿ ಇವರಿಗೆ ನೆಟ್ಟಿಗರು ಶುಭಕೋರುತ್ತಿದ್ದಾರೆ.

ಮಗು ಮತ್ತು ತಾಯಿ ಸಧ್ಯಕ್ಕೆ ಆರೋಗ್ಯವಾಗಿದ್ದಾರೆ ಎಂದು ತಿಳಿಸಲಾಗಿದೆ. ಇವರ ಜೀವನ ಹೀಗೆ ಚೆನ್ನಾಗಿ ಇರಲಿ ಎಂಬುದೇ ಎಲ್ಲರ ಆಶಯ ಅಷ್ಟೇ.