Taj Mahal: ಈ 3 ದಿನ ತಾಜ್​ ಮಹಲ್​​ಗೆ ಫ್ರೀ ಎಂಟ್ರಿ, ಡೋಂಟ್​ ಮಿಸ್​!

ಅದೆಷ್ಟೋ ಜನರಿಗೆ ಟ್ರಿಪ್​ ಹೋಗೋ ಆಸೆ ಇರುತ್ತೆ. ಕೆಲವೊಬ್ಬರಿಗೆ ಕರ್ನಾಟಕವನ್ನು ಚೆನ್ನಾಗಿ ಸುತ್ತಬೇಕು ಅಂತ ಆಸೆ ಇದ್ರೆ ಇನ್ನೂ ಕೆಲವೊಬ್ಬರಿಗೆ ಕರ್ನಾಟಕದಿಂದ ಹೊರಗೆ ಹೋಗಿ ಸುತ್ತಾಡಬೇಕು ಅಂತ ಇರುತ್ತೆ.

ಒಟ್ಟಿನಲ್ಲಿ ದೊಡ್ಡವರ ಮಾತಿನಂತೆ ದೇಶ ಸುತ್ತು ಕೋಶ ಓದು ಎಂಬಂತೆ ಚೆನ್ನಾಗಿ ಪ್ರತಿಯೊಂದು ಓದಬೇಕು ಹಾಗೆಯೇ ಎಲ್ಲವನ್ನು ತಿಳಿದುಕೊಳ್ಳಬೇಕು.

ಹಲವರಿಗೆ ತಾಜ್​ ಮಹಲ್​ಗೆ ಹೋಗಬೇಕು ಅಂತ ಬಹುದೊಡ್ಡ ಕನಸು ಇರುತ್ತೆ. ಅದೆಷ್ಟೋ ದೂರದ ಊರಿನಿಂದ ಇಲ್ಲಿಗೆ ಆಗಮಿಸುತ್ತಾರೆ. ಈ ತಾಜ್​ ಮಹಲ್​ ಮುಂದೆ ಪ್ರಪೋಸ್​ ಮಾಡೋದು, ತಮ್ಮ ಭಾವನೆಗಳನ್ನು ವ್ಯಕ್ತಪಡಿಸಿಕೊಳ್ಳುತ್ತಾರೆ. ಹೀಗೆ ಅನೇಕ ಜನರು ಇರುತ್ತಾರೆ.

ತಾಜ್​ ಮಹಲ್​ಗೆ ಹೋಗುವವರಿಗೆ ಒಂದು ಗುಡ್​ ನ್ಯೂಸ್​. ಮೊಘಲ್​ ಚಕ್ರವರ್ತಿ ಷಹಜಹಾನ್​ ರವರ 368ನೆಯ ಪುಣ್ಯತಿಥಿಯ ಸ್ಮರಣಾರ್ಥ ಫೆಬ್ರವರಿ 17ರಿಂದ 3 ದಿನಗಳವರೆಗೆ ಆಗ್ರಾದಲ್ಲಿರುವ ತಾಜ್​ ಮಹಲ್​ಗೆ ಉಚಿತ ಪ್ರವೇಶವನ್ನು ನೀಡಲಾಗುತ್ತದೆ ಎಂದು ಅಧಿಕೃತವಾಗಿ ಅಧಿಕಾರಿಗಳು ಘೋಷಣೆ ಮಾಡಿದ್ದಾರೆ.

ಷಹಜಹಾನ್​ರವರ ವಾರ್ಷಿಕ  ಉರುಸ್​​ ಸಂದರ್ಭದಲ್ಲಿ ಫೆಬ್ರವರಿ 17,18 ಹಾಗೆಯೇ 19 ರಿಂದ ತಾಜ್​ ಮಹಲ್​ನಲ್ಲಿ ಪ್ರವಾಸಿಗರಿಗೆ ಫ್ರೀಯಾಗಿಯೇ ಎಂಟ್ರಿ ಎಂದು ಭಾರತೀಯ ಪುರಾತತ್ವ ಸರ್ವೇಕ್ಷಣಾ ಇಲಾಖೆ ಹಾಗೂ ಆಗ್ರಾ ಸರ್ಕಲ್ನ ಅಧೀಕ್ಷಕ ಪುರಾತತ್ವ ಶಾಸ್ರ್ತಜ್ಞ ಕುಮಾರ್​ ಪಟೇಲ್​ ತಿಳಿಸಿದ್ದಾರೆ.

ಫೆಬ್ರವರಿ 17 ಮತ್ತು 18 ಮಧ್ಯಾಹ್ನ 2 ಗಂಟೆಯ ನಂತರ ಸನ್​ಸೆಟ್​ ತನಕ ಫ್ರೀ ಯಾಗಿ ಪ್ರವಾಸಿಗರಿಗೆ ಪ್ರವೇಶವನ್ನು ಒದಗಿಸಲಾಗಿದೆ. ಫೆಬ್ರವರಿ 19 ರಂದು ಸೂರ್ಯೋದಯದಿಂದ ಸೂರ್ಯಾಸ್ತದವರೆಗೆ ಉಚಿತ ಪ್ರವೇಶವಿದೆ.

ಚಾದರ್​ ಪೋಶಿ,ಸಂದಲ್​, ಗುಸುಲ್​ ಹಾಗೇಯೇ ಕುಲ್​ ಜೊತೆಗೆ ನಾನಾರೀತಿಯ ಧಾರ್ಮಿಕ ವಿಧಿ ವಿಧಾನಗಳನ್ನು ಇಲ್ಲಿ ಆಚರಿಸಲಾಗುತ್ತೆ. ಹೀಗೆ ಹಲವಾರು ಆಚರಣೆಗಳನ್ನು ಪ್ರವಾಸಿಗರು ಇಲ್ಲಿ  ಕಾಣಬಹುದಾಗಿದೆ.

ಸಾಮಾನ್ಯ ದಿನಗಳಲ್ಲಿ ತಾಜ್​ ಮಹಲ್​ಗೆ ಪ್ರವೇಶ ಶುಲ್ಕ 1,100 ರೂಪರಾಯಿಗಳು ಇರುತ್ತೆ. ಆದರೆ ಈ 3 ದಿನಗಳಲ್ಲಿ ಮಾತ್ರ ಉಚಿತ ಪ್ರವೇಶವಿರುತ್ತದೆ. ಇದೊಂದು ಪ್ರವಾಸಿಗರಿಗೆ ಸಂತೋಷದ ಸುದ್ಧಿ ಅಂತಲೇ ಹೇಳಬಹುದು.