Friendship: ಬೌ ಬೌ ನಾಯಿ ಕಂಡ್ರೆ ಭಯನಾ? ಈ ಟಿಪ್ಸ್ ಫಾಲೋ ಮಾಡಿದ್ರೆ ಹೆದರಿಕೆ ಓಡಿಹೋಗುತ್ತೆ

ನಾಯಿಗಳು ಕಚ್ಚುತ್ತವೆ ಅಥವಾ ಅಟ್ಯಾಕ್​ ಮಾಡುತ್ತವೆ ಎಂಬ ಭಯದಿಂದಾಗಿ ಜನರು ನಾಯಿಗಳಿಗೆ ಹೆದರುತ್ತಾರೆ. ರಾತ್ರಿಯಲ್ಲಿ ಪ್ರಯಾಣಿಸುವಾಗ ಹೆಚ್ಚಾಗಿ ನಾಯಿಗಳು ಅಟ್ಯಾಕ್​​ ಮಾಡುತ್ತೆ. ಇದಕ್ಕೆ ಅರ್ಧಕ್ಕರ್ದ ಜನರು ನಾಯಿಗಳಿಗೆ ಹೆದರುತ್ತಾರೆ.

ಆದರೆ ಈ ವಿಷಯಕ್ಕೆ ಭಯ ಆಗಬೇಡಿ. ನಾವು ನಿಮಗೆ ಕೆಲವು ಸಲಹೆಗಳನ್ನು ಹೇಳಲಿದ್ದೇವೆ. ಆದ್ದರಿಂದ ನಾಯಿಗಳು ನಿಮ್ಮನ್ನು ನೋಡಿದಾಗ ಬೊಗಳುವುದಿಲ್ಲ ಮತ್ತು ಅವುಗಳು ನಿಮ್ಮ ಸ್ನೇಹಿತರಾಗುತ್ತವೆ. ನಾಯಿಯನ್ನು ಹೇಗೆ ಸಂಪರ್ಕಿಸುವುದು ಅಥವಾ ಸ್ನೇಹ ಮಾಡುವುದು ಹೇಗೆ ಎಂದು ತಿಳಿಯಲು ಪ್ರಮುಖ ಅಂಶಗಳು ಇಲ್ಲಿವೆ ನೋಡಿ.

ಅವುಗಳಿಗೆ ತಿನ್ನಲು ಏನಾದರೂ ಕೊಡಿ. ಆಗ ನಾಯಿಗಳು ನಿಮ್ಮ ಸ್ನೇಹಿತರಾಗುತ್ತವೆ. ಅಲ್ಲದೇ ಅವು ನಿಮ್ಮ ಮೇಲೆ ಆಕ್ರಮಣ ಮಾಡೋದು ಕಡಿಮೆಯಾಗುತ್ತೆ.

ನೀವು ಎಂದಾದರೂ ನಿಮ್ಮ ಸ್ಕೂಟಿ ಅಥವಾ ಬೈಕ್‌ನಲ್ಲಿ ಹೋಗುತ್ತಿದ್ದರೆ, ನೀವು ಹೆಚ್ಚು ವೇಗವಾಗಿ ಓಡಿಸಬಾರದು. ಇಲ್ಲದಿದ್ದರೆ ನಾಯಿ ಭಯದಿಂದ ನಿಮ್ಮ ಮೇಲೆ ದಾಳಿ ಮಾಡಬಹುದು.

ನಾಯಿಯನ್ನು ನೀವು ಕೆರಳಿಸಬಾರದು. ನಾಯಿಯು ನಿಮಗೆ ಕಣ್ಣಿನ ಸಂಪರ್ಕವನ್ನು ನೀಡಿದರೆ, ನಾಯಿಯು ನಿಮಗೆ ಹತ್ತಿರವಾಗಲು ಬಯಸುತ್ತದೆ ಮತ್ತು ಅದಕ್ಕೆ ನಿಮ್ಮಿಂದ ಪ್ರೀತಿ ಬೇಕು ಎಂದು ಅನೇಕ ಅಧ್ಯಯನಗಳು ತೋರಿಸಿವೆ. ನಾಯಿಗಳನ್ನು ಹೊಡೆಯುವ ಅಥವಾ ಓಡಿಸುವ ಬದಲು, ನೀವು ಚೆನ್ನಾಗಿ ವರ್ತಿಸಿದರೆ ಅವು ನಿಮ್ಮೊಂದಿಗೆ ಬೆರೆಯುತ್ತವೆ.

ನೀವು ನಾಯಿಯನ್ನು ಕೂಗಿದರೆ ಅಥವಾ ಅವುಗಳನ್ನು ಓಡಿಸಿದರೆ, ನೀವು ಅದರೊಂದಿಗೆ ಸ್ನೇಹ ಬೆಳೆಸಲು ಸಾಧ್ಯವಾಗುವುದಿಲ್ಲ. ಇದರಿಂದ ಅವು ಭಯಭೀತರಾಗುತ್ತವೆ ಮತ್ತು ದಾಳಿ ಮಾಡಲು ಪ್ರಯತ್ನಿಸುತ್ತವೆರ. ಬದಲಾಗಿ, ಅವುಗಳನ್ನು ಸಂಪರ್ಕಿಸಿ ಹಾಗೆಯೇ ಸರಿಯಾಗಿ ಮಾತನಾಡಿಸಿ .

ಪ್ರಾಣಿಗಳನ್ನು ಕೆಟ್ಟದಾಗಿ ನಡೆಸಿಕೊಳ್ಳುವ ಬದಲು, ಪ್ರೀತಿಯಿಂದ ಕರೆಯಿರಿ. ಇದು ಅವುಗಳನ್ನು ನಿಮ್ಮ ಸ್ನೇಹಿತರನ್ನಾಗಿ ಮಾಡಿಕೊಳ್ಳುತ್ತವೆ. ಹೀಗಾಗಿ ಆದಷ್ಟು ನಾಯಿಗಳನ್ನು ಕೆಣಕಬೇಡಿ.

ನಾಯಿಗಳಿಗೆ ವಾಸನೆಯ ಶಕ್ತಿ ಇದೆ. ಅದು ಮೊದಲು ನಾಯಿಯನ್ನು ಸರಿಯಾಗಿ ನೋಡಬೇಕು. ಅದರ ಹಾವ ಭಾವ ಯಾವ ರೀತಿಯಾಗಿದೆ ಅಂತ ನೋಡಿಕೊಳ್ಳಿ. ನಂತರ ನೀವು ಧೈರ್ಯವಾಗಿ ಮಾತನಾಡಿಸಿ. ಮಾರನೆಯ ದಿನದಿಂದ ಆ ನಾಯಿ ನಿಮ್ಮನ್ನು ದೂರದಿಂದಲೇ ಕಂಡುಹಿಡಿಯುತ್ತದೆ ಮತ್ತು ಪ್ರೀತಿ ಮಾಡುತ್ತೆ.

ನಾಯಿಗಳು ನಿಮ್ಮನ್ನು ಇಷ್ಟ ಪಡ್ತಾ ಇದ್ರೆ ಬಾಲ ಅಲ್ಲಾಡಿಸುತ್ತದೆ ಹಾಗೆಯೇ ಕಾಲಿನ ಸುತ್ತ ಸುತ್ತು ಹಾಕುತ್ತೆ. ಅವುಗಳಿಗೂ ಭಾವನೆ ಇರುತ್ತೆ ಅಲ್ವಾ? ಹಾಗಾಗಿ ಒಂದು ಬಾರಿ ಆಹಾರ ಹಾಕಿದ್ರೆ ಸಾಕು ಅವುಗಳು ಎಂದಿಗೂ ನೆನಪಿಟ್ಟುಕೊಳ್ಳುತ್ತದೆ.

ನಾಯಿಗಳಿಗೆ ತುಂಬಾ ನಿಯತ್ತು. ನೀವು ಒಂದು ಬಾರಿ ಯಾವುದಾದ್ರು ಕ್ರೂರ ನಾಯಿಗಾದ್ರೂ ಸಣ್ಣ ಬಿಸ್ಕತ್ತು ಹಾಕಿದ್ರೂ ಸಾಕು, ಅದನ್ನು ಯಾವತ್ತೂ ಮರೆಯೋದಿಲ್ಲ. ಹಾಗಾಗಿ ನೀವು ನಾಯಿಗೆ ಹೆದರುವ ಅವಶ್ಯಕತೆ ಇಲ್ಲ. ಅದು ಒಂದು ಪಾಪದ ಮತ್ತು ನಿಯತ್ತಿನ ಪ್ರಾಣಿ. ಹೀಗಾಗಿ ನಾಯಿಯನ್ನು ನೋಡಿ ತುಂಬಾ ಹೆದರುತ್ತಾ ಇರುವವರು ಈ ಮೇಲಿನ ಕೆಲವೊಂದಷ್ಟು ಟಿಪ್ಸ್​ಗಳನ್ನು ಫಾಲೋ ಮಾಡಿ.