Hotels: ಈ ಪ್ಲೇಸ್‌ಗಳಿಗೆ ಭಾರತೀಯರು ಹೋಗೋ ಹಾಗೇ ಇಲ್ಲ! ಯಾಕೆ ಎಂಟ್ರಿ ಇಲ್ಲ ಅಂತ ಗೊತ್ತಾ?

ಭಾರತೀಯರಿಗೆ ಒಂದಷ್ಟು ಹೊಟೇಲ್ ಗಳಿಗೆ ಪ್ರವೇಶ ಇಲ್ವಂತೆ. ಯಾಕೆ ಗೊತ್ತಾ? ಅದು ಯಾವೆಲ್ಲ ಪ್ಲೇಸ್ ಗಳು ಅಂತ ಕೇಳಿದ್ರೆ ಶಾಕ್ ಆಗ್ತೀರಾ!

ಯುನೊ ಇನ್ ಹೋಟೆಲ್:- ಭಾರತೀಯರಿಗೆ ಅಲೋ ಇಲ್ಲದ ಜಾಗ ಎನ್ನಲಾಗುವ ಸ್ಥಳದಲ್ಲಿ ಕರ್ನಾಟಕ ರಾಜ್ಯದ ರಾಜಧಾನಿ ಬೆಂಗಳೂರಿನಲ್ಲಿಯೇ ಒಂದು ಹೋಟೆಲ್‌ ಇದೆಯಂತೆ. ಆ ಹೋಟೆಲ್‌ ಹೆಸರು ಯುನೊ ಇನ್ ಹೋಟೆಲ್‌. ಈ ಹೋಟೆಲ್ ಜಪಾನಿಯರಿಗಾಗಿ ಮಾತ್ರ ಅವಕಾಶ.

ಶಾಂತಿನಗರದ ಲ್ಯಾಂಗ್‌ಫೋರ್ಡ್ ಕ್ರಾಸ್ ರೋಡ್‌ನಲ್ಲಿರುವ ಹೋಟೆಲ್ ಯುನೊ-ಇನ್, ಟೆಪ್ಪೆನ್ ಎಂಬ ಜಪಾನೀಸ್ ಮೇಲ್ಛಾವಣಿ ರೆಸ್ಟೋರೆಂಟ್ ಅನ್ನು ಸಹ ಹೊಂದಿದೆ. ಇದು ಭಾರತೀಯರಿಗೆ ಮತ್ತು ಜಪಾನೀಸ್ ಅಲ್ಲದ ಪ್ರಜೆಗಳಿಗೆ ಪ್ರವೇಶವನ್ನು ಅನುಮತಿಸದಿರುವ ನೀತಿಯನ್ನು ಹೊಂದಿದೆ.

ಫ್ರೀ ಕಸೋಲ್ ಕೆಫೆ, ಹಿಮಾಚಲ ಪ್ರದೇಶ:- ಈ ಕೆಫೆಯ ನಿಯಮವೇ ಒಂಥರಾ ವಿಚಿತ್ರ. 2015 ರಲ್ಲಿ ಇಸ್ರೇಲಿಗರನ್ನು ಮಾತ್ರ ಸ್ವಾಗತಿಸುತ್ತ ಇತ್ತಂತೆ ಈ ಹೋಟೇಲ್. ಕೆಫೆ ಮಾಲೀಕರ ಪ್ರಕಾರ, ಭೇಟಿ ನೀಡುವ ಹೆಚ್ಚಿನ ಭಾರತೀಯ ಪುರುಷ ಪ್ರವಾಸಿಗರು ಇತರ ವಿದೇಶಿ ಪ್ರವಾಸಿಗರೊಂದಿಗೆ ಅನುಚಿತವಾಗಿ ವರ್ತಿಸುತ್ತಾರೆ. ಈ ಕಾರಣದಿಂದಲೇ ಭಾರತೀಯರಿಗೆ ಈ ಫ್ರೀ ಕಸೋಲ್ ಕೆಫೆಗೆ ಅಲೋ ಇಲ್ಲ.

ಬ್ರಾಡ್‌ಲ್ಯಾಂಡ್ ಲಾಡ್ಜ್, ತಮಿಳುನಾಡು:- ವಿಚಿತ್ರವಾದ ಲಾಡ್ಜ್‌ ಇದೆ. ಭಾರತೀಯರು ಇಲ್ಲಿ ಉಳಿಯುವ ಅವಕಾಶವಿಲ್ಲ. ವಿದೇಶಿ ಪಾಸ್‌ಪೋರ್ಟ್ ಹೊಂದಿರುವ ಜನರಿಗೆ ಮಾತ್ರ ರೂಮ್ಗಳನ್ನು ನೀಡಲಾಗುತ್ತದೆ. ಈ ಹೋಟೆಲ್ ಕಟ್ಟುನಿಟ್ಟಾಗಿ 'ನೋ ಇಂಡಿಯನ್ ಪಾಲಿಸಿ' ಯನ್ನು ಹೊಂದಿದೆ. ವಿದೇಶಿ ಪಾಸ್‌ಪೋರ್ಟ್ ಹೊಂದಿರುವವರು ಮಾತ್ರ ಅಲ್ಲಿ ಇರಬಹುದಂತೆ.

ಗೋವಾ:- ಗೋವಾದ ಕೆಲ್ವೊಂದಷ್ಟು ಸಮುದ್ರ ತೀರಗಳಲ್ಲಿ ಭಾರತೀಯರಿಗೆ ಅಲೋ ಇಲ್ಲ.ಕೇವಲ ಫಾರಿನರ್ಸ್ ಗಳಿಗೆ ಮಾತ್ರ ಅವಕಾಶವಂತೆ. ಗೋವಾದಲ್ಲಿರುವ ಅನೇಕ ಬೀಚ್ ಶಾಕ್‌ಗಳು ಹಾಗು ರೆಸ್ಟೋರೆಂಟ್ ಮಾಲೀಕರು ಭಾರತೀಯರಿಗಿಂತ ವಿದೇಶಿ ಪ್ರವಾಸಿಗರಿಗೆ ಪ್ರಾಮುಖ್ಯತೆ ನೀಡುತ್ತಾರೆ. ಬೀಚ್ ಗಳಲ್ಲಿ ಚಿಕ್ಕದಾದ ಡ್ರೆಸ್ ಗಳನ್ನು ಹಾಕಿರುತ್ತಾರೆ. ಆಗ ಕೆಲವೊಂದಷ್ಟು ಪುರುಷರು ಅವರನ್ನ ದಿಟ್ಟಿಸಿ ನೋಡುತ್ತಾರೆ ಹಾಗೆ ತೊಂದರೆಯನ್ನು ಕೊಡುತ್ತಾರೆ. ಈ ಕಾರಣದಿಂದಲೇ ಭಾರತೀಯರಿಗೆ ಅಲೋ ಇಲ್ಲ.

ಪುದುಚೇರಿಯಲ್ಲಿಯು ಫಾರಿನರ್ಸ್ ಗಳಿಗೆ ಮಾತ್ರ ಪ್ರವೇಶವಿರುವ ಕಡಲತೀರವಿದೆ. ಅಲ್ಲಿ ಕೆಲವು ಬೀಚ್‌ಗಳು, ರೆಸ್ಟೋರೆಂಟ್‌ಗಳು ವಿದೇಶಿಯರಿಗೆ ಪ್ರತ್ಯೇಕವಾಗಿ ಇದ್ಯಂತೆ. ಭಾರತೀಯರಿಗೆ ಇಂತಹ ವಿಚಿತ್ರ ಸ್ಥಳಗಳಿಗೆ ಅಲೋ ಇಲ್ಲ.