Expensive Coffee: ವಿಶ್ವದ ಅತ್ಯಂತ ದುಬಾರಿ ಕಾಫಿಯ ಮೂಲ ಈ ಪ್ರಾಣಿಯ ಮಲ! ಇದರ ರೇಟ್​ ಕೇಳಿದ್ರೆ ತಲೆ ತಿರುಗುತ್ತೆ!

ಅದೆಷ್ಟೋ ಜನರಿಗೆ ಕಾಫಿ ಕುಡಿಯದೇ ದಿನವೇ ಆರಂಭವಾಗೋದಿಲ್ಲ. ಈ ಕಾಫಿ ಅಥವಾ ಚಹಾವನ್ನು ಕುಡಿಯೋದ್ರಿಂದ ಮೂಡ್​ ರಿಫ್ರೆಶ್​​ ಆಗುತ್ತೆ.

ಈ ಕಾಫಿ ಬೀಜ, ಪುಡಿಯಲ್ಲಿಯೂ ಕೂಡ ಅನೇಕ ರೀತಿಯ ವೆರೈಟಿಗಳು ಇವೆ. ಒಂದೊಂದು ಅತೀ ಅಗ್ಗದ ಬೆಲೆ ಮತ್ತು ಇನ್ನೋ ಅತೀ ಕಾಸ್ಟ್ಲಿ ಇರುವಂತಹ ಕಾಫಿ ಪೌಡರ್​ ಕೂಡ ಸಿಗುತ್ತೆ. ಆದರೆ ಇವತ್ತು ಹೇಳ್ತಾ ಇರುವಂತಹ ಕಾಫಿ ಬಗ್ಗೆ ಕೇಳಿದ್ರೆ ನಿಜಕ್ಕೂ ಶಾಕ್​ ಆಗ್ತಾ ಆಗ್ತೀರ.

ಛತ್ತೀಸ್‌ಗಢದ ಕೊರ್ಬಾ ಜಿಲ್ಲೆಯ ಸುತಾರಾ ಗ್ರಾಮದಲ್ಲಿ ವಿಚಿತ್ರ ಪ್ರಾಣಿಯೊಂದು ಕಾಣಿಸಿಕೊಂಡಿದೆ. ಈ ಅಪರೂಪದ ಪ್ರಾಣಿಯ ಹೆಸರು ಉದ್ಮಂಜರ್ (ಪಾಮ್ ಸಿವೇಟ್) ಮತ್ತು ಅದು ಮನೆಯಲ್ಲಿ ಅಡಗಿಕೊಂಡಿತ್ತು. ಈ ಪ್ರಾಣಿಯ ಮಲದಿಂದ ಹೊರಬರುವ ಕಾಫಿ ಬೀಜಗಳಿಂದ ವಿಶ್ವದ ಅತ್ಯಂತ ದುಬಾರಿ ಕಾಫಿ ತಯಾರಿಸಲಾಗುತ್ತದೆ.

ಒಂದು ಮನೆಗೆ  ಈ ಪ್ರಾಣಿ  ಬರುತ್ತಿರುವುದನ್ನು ಕಂಡ ತಕ್ಷಣ ಮನೆಯ ಮಾಲೀಕರು ಉರಗ ತಜ್ಞ ಜಿತೇಂದ್ರ ಸಾರಥಿ ಅವರಿಗೆ ಈ ಬಗ್ಗೆ ಮಾಹಿತಿ ನೀಡಿದ್ದಾರೆ. ಕೂಡಲೇ ಅರಣ್ಯ ಇಲಾಖೆ ತಂಡ ಮನೆಯೊಳಗೆ ನುಗ್ಗಿ ಈ ಪ್ರಾಣಿಯನ್ನು ಹೊರತೆಗೆದು ಅರಣ್ಯದಲ್ಲಿ ಸುರಕ್ಷಿತ ಸ್ಥಳಕ್ಕೆ ಬಿಡಲಾಗಿದೆ.

ಏಷ್ಯನ್ ಪಾಮ್ ಸಿವೆಟ್ ಅನ್ನು ಉದ್ಮಂಜರ್ ಎಂದೂ ಕರೆಯುತ್ತಾರೆ. ಇದರ ಮಲದಿಂದ ತಯಾರಿಸಿದ ಕಾಫಿ ಕಪ್ ಬೆಲೆ ಸುಮಾರು 6 ಸಾವಿರ ರೂಪಾಯಿ. ತಜ್ಞರ ಪ್ರಕಾರ, ಈ ಬೆಕ್ಕಿನಂತಹ ಪ್ರಾಣಿಯ ಕರುಳಿನ ಮೂಲಕ ಹಾದುಹೋದ ನಂತರ ಕಾಫಿ ಬೀಜಗಳು ಇನ್ನಷ್ಟು ರುಚಿಯಾಗುತ್ತವೆ. ಈ ಕಾಫಿಯನ್ನು ಕಾಪಿ ಲುವಾಕ್ ಎಂದೂ ಕರೆಯುತ್ತಾರೆ.

ಏಷ್ಯನ್ ಪಾಮ್ ಸಿವೆಟ್ ಉದ್ದ ಮತ್ತು ದೇಹದ ಮೇಲೆ ಕೂದಲುಗಳಿವೆ. ಇದು ಸಾಮಾನ್ಯವಾಗಿ ಬೂದು ಬಣ್ಣವನ್ನು ಹೊಂದಿರುತ್ತದೆ. ಅದರ ತಲೆಯ ಮೇಲೆ ಬಿಳಿ ಮುಖವಾಡವಿದೆ, ಕಣ್ಣುಗಳ ಕೆಳಗೆ, ಮೂಗಿನ ಬಳಿ ಬಿಳಿ ಮಾರ್ಕ್​   ಇದೆ. ಕಣ್ಣುಗಳ ನಡುವೆ ಕಪ್ಪು ರೇಖೆಯೂ ಇದೆ.

ಕಾಡು ಬೆಕ್ಕಿನ ದೇಹದ ಉದ್ದವು 21 ಇಂಚುಗಳವರೆಗೆ ಇರುತ್ತದೆ. ಇದರಲ್ಲಿ ಇದರ ಬಾಲದ ಗಾತ್ರ ದೊಡ್ಡದಿದೆ. ಇದರ ತೂಕ 2 ರಿಂದ 5 ಕೆ.ಜಿ. ಹಾಗೆಯೇ ಕೊಡಗು ಮತ್ತು ಚಾಮರಾಜನಗರ ಜಿಲ್ಲೆಗಳಲ್ಲಿ ಸಿವೆಟ್ ಕ್ಯಾಟ್ ಕಾಫಿಯನ್ನು ಕಡಿಮೆ ಪ್ರಮಾಣದಲ್ಲಿ ಉತ್ಪಾದಿಸಲಾಗುತ್ತಿದೆ ಎಂದು ಕಾಫಿ ಮಂಡಳಿಯ ಹಿರಿಯ ಅಧಿಕಾರಿಯೊಬ್ಬರು ಖಚಿತಪಡಿಸಿದ್ದಾರೆ.

ಸಿವೆಟ್ ಬೆಕ್ಕು ಊರಿನಲ್ಲಿ ಬೆಳೆಯು ಚೆರ್ರಿಗಳನ್ನು ಮತ್ತು ಹುರುಳಿಗಳನ್ನು ತಿನ್ನುತ್ತವೆ. ಸಿವೆಟ್‌ನ ಹೊಟ್ಟೆಯಲ್ಲಿರುವ ನೈಸರ್ಗಿಕ ಕಿಣ್ವಗಳು  ಕಾಫಿಯ ಪರಿಮಳವನ್ನು ಹೆಚ್ಚಿಸುತ್ತದೆ ಮತ್ತು ಈ ಪ್ರಾಣಿಯ ದೇಹದ ಒಳಗೆ ವಿಶೇಷವಾದ ಡೈಜೇಷನ್​ ಪವರ್​ ಹೊಂದಿದೆ. ಹೀಗಾಗಿ ಇದರ ಮಲದಿಂದ ಕಾಫಿಯನ್ನು ತಯಾರಿಸಬಹುದು ಎಂದು ಸಂಶೋಧಕರು ಯೋಚಿಸಿದರು.

ಕೆಜಿಗೆ 8 ಸಾವಿರ ರೂ.ಗೆ ಮಾರಾಟವಾಗುತ್ತಿದ್ದು, ವಿದೇಶದಲ್ಲಿ 20ರಿಂದ 25 ಸಾವಿರ ರೂ.ಗೆ ದೊರೆಯುತ್ತಿದೆ .  'ಕೂರ್ಗ್ ಲುವಾರ್ಕ್ ಕಾಫಿ' ಜೊತೆಗೆ ಕ್ಯಾಪಿಚಿನೊ ಮತ್ತು ಎಕ್ಸ್‌ಪ್ರೆಸ್ಸೊದಂತಹ ಇತರ ತಳಿಗಳೊಂದಿಗೆ ಮಾರಾಟ ಮಾಡುತ್ತೇವೆ, ”ಎಂದು   ಇಲ್ಲಿನ ಮಾರಾಟಗಾರರು ಹೇಳುತ್ತಾರೆ.