Condom: ಲಾಕ್​ಡೌನ್​ನಿಂದ ವಿಶ್ವದ ಅತಿ ದೊಡ್ಡ ಕಾಂಡೋಮ್ ಕಂಪನಿಗೆ ನಷ್ಟ! ಮಾರಾಟದಲ್ಲಿ ಶೇ40 ರಷ್ಟು ಕುಸಿತ

ಕೊರೊನಾ ಸಾಂಕ್ರಾಮಿಕ ಸಮಯದಲ್ಲಿ ಲಾಕ್​ಡೌನ್​ನಿಂದಾಗಿ ಗಂಡ ಮತ್ತು ಹೆಂಡತಿಯ ನಡುವಿನ ನಿಕಟತೆ ಹೆಚ್ಚಾಗಿದೆ. ಈ ಕಾರಣದಿಂದಾಗಿ ಲೈಂಗಿಕ ಜೀವನವು ಮೊದಲಿಗಿಂತ ಉತ್ತಮವಾಗಿದೆ ಎಂದು ತಿಳಿದುಬಂದಿದೆ. ಅದರೆ ಇದೇ ಸಮಯದಲ್ಲಿ ಕಾಂಡೋಮ್ ಉದ್ಯಮವು ಭಾರೀ ನಷ್ಟವನ್ನು ಅನುಭವಿಸುತ್ತಿದೆ ಎಂಬ ಮಾಹಿತಿ ಹೊರಬಿದ್ದಿದೆ.

ವಾಸ್ತವವಾಗಿ, ಸಾಂಕ್ರಾಮಿಕ ಸಮಯದಲ್ಲಿ ಹೆಚ್ಚಿನ ಜನರು ಲೈಂಗಿಕತೆಯನ್ನು ಹೊಂದಿದ್ದರು ಕಾಂಡೋಮ್​​ಗಳನ್ನು ಬಳಸುತ್ತಿಲ್ಲ. ಇದರಿಂದಾಗಿ ಕಾಂಡೋಮ್ ತಯಾರಕರ ಮಾರಾಟದಲ್ಲಿ ಕುಸಿತ ಕಂಡುಬಂದಿದೆ ಎಂದು ಹೇಳಲಾಗುತ್ತಿದೆ.

ಕಳೆದ ಎರಡು ವರ್ಷಗಳಿಂದ ನಷ್ಟದಲ್ಲಿರುವ ಕಾಂಡೋಮ್ ಕಂಪನಿ: ಕೊರೊನಾ ಸಾಂಕ್ರಾಮಿಕ ಸಮಯದಲ್ಲಿ ಜನರು ಕಾಂಡೋಮ್​​ಗಳ ಬಳಕೆಯನ್ನು ಗಣನೀಯವಾಗಿ ಕಡಿಮೆ ಮಾಡಿದ್ದಾರೆ. ಇದರಿಂದಾಗಿ ವಿಶ್ವದ ಅತಿದೊಡ್ಡ ಕಾಂಡೋಮ್ ತಯಾರಕರಾದ Karex Bhd ನ ಮಾರಾಟವು ಕಳೆದ ಎರಡು ವರ್ಷಗಳಲ್ಲಿ ಸುಮಾರು 40 ಪ್ರತಿಶತದಷ್ಟು ಕುಸಿದಿದೆ.

ಸಾಂಕ್ರಾಮಿಕ ಸಮಯದಲ್ಲಿ ಕಾಂಡೋಮ್ ಮಾರಾಟವು ಕೆಟ್ಟದಾಗಿ ಪರಿಣಾಮ ಬೀರಿದೆ ಎಂದು Karex Bhd ಸಿಇಒ ಗೋ ಮಿಯಾ ಕೈಟ್ ಹೇಳಿದ್ದಾರೆ. ಲಾಕ್​ಡೌನ್ ಇತ್ಯಾದಿಗಳಿಂದಾಗಿ ಲೈಂಗಿಕ ಸ್ವಾಸ್ಥ್ಯ ಕೇಂದ್ರಗಳಂತಹ ಅನಿವಾರ್ಯವಲ್ಲದ ಕ್ಲಿನಿಕ್​​ಗಳು ಹೆಚ್ಚಿನ ಸಮಯ ಮುಚ್ಚಿರುವುದು ಇದಕ್ಕೆ ಒಂದು ಕಾರಣವಾಗಿದೆ ಎಂದಿದ್ದಾರೆ.

ಈ ಮಲೇಷಿಯಾದ ಕಂಪನಿಯು ಈಗ ವೈದ್ಯಕೀಯ ಕೈಗವಸುಗಳನ್ನು ತಯಾರಿಸುವ ವ್ಯವಹಾರವನ್ನು ಪ್ರಾರಂಭಿಸಲು ಮುಂದಾಗಿದೆ. ಇದರ ಉತ್ಪಾದನೆಯು ಈ ವರ್ಷದ ಮಧ್ಯದಲ್ಲಿ ಥೈಲ್ಯಾಂಡ್​​ನಲ್ಲಿ ಪ್ರಾರಂಭವಾಗಲಿದೆ. ಸಾಂಕ್ರಾಮಿಕ ರೋಗದ ಮೊದಲು, ಕಂಪನಿಯು ಪ್ರಪಂಚದಾದ್ಯಂತ ಮಾರಾಟವಾದ ಪ್ರತಿ ಐದು ಕಾಂಡೋಮ್​ಗಳಲ್ಲಿ ಒಂದನ್ನು ತಯಾರಿಸಿತು ಮತ್ತು ಅದರ ಬೆಳವಣಿಗೆಯು ಎರಡು ಅಂಕೆಗಳನ್ನು ತಲುಪಿತ್ತು. 140 ದೇಶಗಳಿಗೆ ಕಾಂಡೋಮ್ ರಫ್ತು ಮಾಡುವ ಕಂಪನಿಯ ಷೇರುಗಳು ಕಳೆದ ಎರಡು ವರ್ಷಗಳಲ್ಲಿ ಶೇಕಡಾ 18 ರಷ್ಟು ಕುಸಿದಿದೆ.

ಕಾಂಡೋಮ್ಗಳಿಂದ ದೂರ ಸರಿಯುವ ಜನರು: ಅಭಿವೃದ್ಧಿಶೀಲ ರಾಷ್ಟ್ರಗಳಲ್ಲಿನ ಯುವತಿಯರಿಗೆ ಕಾಂಡೋಮ್ಗಳಂತಹ ವಿಶ್ವಾಸಾರ್ಹ ಗರ್ಭನಿರೋಧಕವನ್ನು ಪಡೆಯಲು ಸಹಾಯ ಮಾಡಿದರೆ ಪ್ರತಿ ವರ್ಷ ಆರು ಮಿಲಿಯನ್ ಅನಗತ್ಯ ಗರ್ಭಧಾರಣೆಗಳು ಮತ್ತು ಎರಡು ಮಿಲಿಯನ್ ಅಸುರಕ್ಷಿತ ಗರ್ಭಪಾತಗಳನ್ನು ತಪ್ಪಿಸಬಹುದು ಎಂದು ಸಂಶೋಧನೆ ಸೂಚಿಸುತ್ತದೆ.

ಗಮನಾರ್ಹವಾಗಿ, ಅಸುರಕ್ಷಿತ ಲೈಂಗಿಕತೆಯಿಂದ ಏಡ್ಸ್ನಂತಹ ಗಂಭೀರ ಕಾಯಿಲೆಗಳ ಅಪಾಯವಿದೆ. ಇದರ ಹೊರತಾಗಿಯೂ, ಹೆಚ್ಚಿನ ಸಂಖ್ಯೆಯ ಜನರು ಇನ್ನೂ ಕಾಂಡೋಮ್ಗಳನ್ನು ಬಳಸುವುದರಿಂದ ದೂರ ಸರಿಯುತ್ತಾರೆ.