ಕಣ್ಮನ ಸೆಳೆಯುವ ದಕ್ಷಿಣ ಏಷ್ಯಾದ ಅತಿ ಎತ್ತರದ ಕಟ್ಟಡ ಇಂದು ಲೋಕಾರ್ಪಣೆ

ದಕ್ಷಿಣ ಏಷ್ಯಾದ ಅತಿ ಎತ್ತರದ ಗೋಪುರವನ್ನು ಶ್ರೀಲಂಕಾ ಅಧ್ಯಕ್ಷ ಮೈತ್ರಿಪಾಲ ಸಿರಿಸೇನಾ ಹಾಗೂ ಪ್ರಧಾನಿ ರನಿಲ್ ವಿಕ್ರಮಸಿಂಘೆ ಉದ್ಘಾಟಿಸಲಿದ್ದಾರೆ.

ಲೋಟಸ್ ಟವರ್ ಎಂದು ಕರೆಯಲ್ಪಡುವ 350 ಮೀಟರ್​ ಎತ್ತರದ ಕಟ್ಟಡವು ಸೋಮವಾರ ಸಂಜೆ 5 ಗಂಟೆಗೆ ಲೋಕಾರ್ಪಣೆಗೊಳ್ಳಲಿದೆ.

ಈ ಬೃಹತ್ ಗೋಪುರದ ನಿರ್ಮಾಣಕ್ಕಾಗಿ ಶ್ರೀಲಂಕಾ ಸರ್ಕಾರ 104 ಮಿಲಿಯನ್ ಯುಎಸ್ ಡಾಲರ್ ವೆಚ್ಚ ಮಾಡಿದ್ದು, ಇದರ ಶೇ.80 ರಷ್ಟು ಬಂಡವಾಳವನ್ನು ಎಕ್ಸಿಮ್ ಬ್ಯಾಂಕ್ ಆಫ್ ಚೀನಾ ಒದಗಿಸಿದೆ.

ಈ ಗೋಪುರದಲ್ಲಿ ದೂರಸಂಪರ್ಕ ವಸ್ತುಸಂಗ್ರಹಾಲಯ, ರೆಸ್ಟೋರೆಂಟ್, ಸೂಪರ್ ಮಾರ್ಕೆಟ್​ಗಳು, ರೆಸ್ಟೋರೆಂಟ್, 400 ಜನರು ಭಾಗವಹಿಸಬಹುದಾದ ಕಾನ್ಪೆರೆನ್ಸ್ ಹಾಲ್, 1,000 ಆಸನಗಳ ಸಭಾಂಗಣ, ಐಷಾರಾಮಿ ಹೋಟೆಲ್ ಕೊಠಡಿಗಳು, ಬಾಲ್ ರೂಂಗಳು ಮತ್ತು ವೀಕ್ಷಣಾ ಗ್ಯಾಲರಿಯನ್ನು ಒಳಗೊಂಡಿದೆ.

ದಕ್ಷಿಣ ಏಷ್ಯಾದ ನಿರ್ಮಾಣ ಪೂರೈಸಿರುವ ಅತಿ ಎತ್ತರ ಟವರ್ ಎಂಬ ಖ್ಯಾತಿ ಲೋಟಸ್ ಟವರ್ ಪಾಲಾಗಲಿದೆ.

ಹಾಗೆಯೇ ನಿರ್ಮಾಣ ಪೂರೈಸಿರುವ ಏಷ್ಯಾದ 11ನೇ ಎತ್ತರದ ಕಟ್ಟಡ ಎಂಬ ಕೀರ್ತಿ ಕೂಡ ಲಂಕಾದ ಈ ಟವರ್​ಗೆ ಸಿಗಲಿದೆ.

ಇನ್ನು ವಿಶ್ವದಲ್ಲಿನ 19ನೇ ಅತಿ ಎತ್ತರದ ಕಟ್ಟಡ ಎಂಬ ಹೆಗ್ಗಳಿಕೆ ಸಹ ಲೋಟಸ್​ ಟವರ್​ಗೆ ಲಭಿಸಲಿದೆ.

2012 ರಲ್ಲಿ ಪ್ರಾರಂಭವಾಗಿದ್ದ ಇದರ ನಿರ್ಮಾಣ ಕಾರ್ಯ ಕೆಲ ತಿಂಗಳ ಹಿಂದೆಯಷ್ಟೇ ಮುಗಿದಿತ್ತು. ಇಂದು ಸಂಜೆ ಲೋಕಾರ್ಪಣೆಗೊಳ್ಳುತ್ತಿದ್ದಂತೆ ದಕ್ಷಿಣ ಏಷ್ಯಾದ ಅತಿ ಎತ್ತರದ ಟವರ್ ಎಂಬ ಕೀರ್ತಿ ಲೋಟಸ್ ಟವರ್ ಪಾಲಾಗಲಿದೆ.

ಲೋಟಸ್ ಟವರ್

ಲೋಟಸ್ ಟವರ್

ಲೋಟಸ್ ಟವರ್

ಲೋಟಸ್ ಟವರ್

ಲೋಟಸ್ ಟವರ್

ಲೋಟಸ್ ಟವರ್

ಲೋಟಸ್ ಟವರ್

ಲೋಟಸ್ ಟವರ್

ಲೋಟಸ್ ಟವರ್ ( PC: Kushan Pathiraja & Twitter)