Pre Wedding Photoshoot: ಚರಂಡಿಯಲ್ಲಿ ಕುಳಿತು ಕಿಸ್​ ಕೊಡ್ತಾ ಪ್ರೀ ವೆಡ್ಡಿಂಗ್​ ಫೋಟೋಶೂಟ್​ ಮಾಡಿದ ಜೋಡಿ

ಇತ್ತೀಚಿನ ದಿನಗಳಲ್ಲಿ ಪ್ರೀ ವೆಡ್ಡಿಂಗ್ ಶೂಟ್ ಟ್ರೆಂಡ್ ಸಾಕಷ್ಟು ಹೆಚ್ಚಾಗಿದೆ. ಮದುವೆಗೂ ಮುನ್ನ ದಂಪತಿಗಳು ಸುಂದರ ಸ್ಥಳಕ್ಕೆ ಹೋಗಿ ಅಲ್ಲಿ ಫೋಟೋ ತೆಗೆಯುತ್ತಾರೆ. ಛಾಯಾಗ್ರಾಹಕರು ದಂಪತಿಗಳ  ಫೋಟೋಗಳನ್ನು ಸಮುದ್ರ ತೀರದಲ್ಲಿ, ಪಾರ್ಕ್​ಗಳಲ್ಲಿ ಹೋಗಿ ಪ್ರೀ ವೆಡ್ಡಿಂಗ್​ ಶೂಟ್ ಮಾಡುತ್ತಾರೆ.

ಆದರೆ ಇಲ್ಲೊಂದು ಜೋಡಿಗಳು ಚರಂಡಿಯಲ್ಲಿ ಕುಳಿತು ಪ್ರೀ ವೆಡ್ಡಿಂಗ್ ಫೋಟೋಶೂಟ್ ಮಾಡಿದ್ದಾರೆ. ಸದ್ಯ ಈ ಫೋಟೋ ಶೂಟ್‌ನ ಚಿತ್ರಗಳು ವೈರಲ್ ಆಗುತ್ತಿದ್ದು ಇದು ಸಾಕಷ್ಟು ಅದ್ಭುತವಾಗಿದೆ. ಈ ಬಗ್ಗೆ ಹೇಳುವ ಮೊದಲು, ಇವು ವೈರಲ್ ಫೋಟೋಗಳು ಎಂದು ಸ್ಪಷ್ಟಪಡಿಸೋಣ, ಈ ಸಂದರ್ಭದಲ್ಲಿ ನ್ಯೂಸ್ 18 ನಿಜವೆಂದು ಹೇಳುವುದಿಲ್ಲ.

ಇದೀಗ ಸೋಶಿಯಲ್ ಮೀಡಿಯಾದಲ್ಲಿ ಪ್ರೀ ವೆಡ್ಡಿಂಗ್​ ಫೋಟೋಶೂಟ್ ಫೋಟೋ​ ಒಂದು ಭಾರೀ ವೈರಲ್ ಆಗುತ್ತಿದೆ. ಆದರೆ ಸಾಮಾನ್ಯವಾಗಿ ಯಾರೇ ಆಗಲಿ ಫೋಟೋ ಶೂಟ್​ ಮಾಡ್ಬೇಕಾದ್ರೆ ಒಳ್ಳೆಯ ರೀತಿಯ ಬಟ್ಟೆಗಳನ್ನು ತೊಟ್ಟು ಎಲ್ಲೋ ಪಾರ್ಕ್​ನಲ್ಲಿ ಅಥವಾ ಕಡಲ ತೀರದಲ್ಲಿ ಕುಳಿತು ಫೋಟೋಶೂಟ್ ಮಾಡುತ್ತಾರೆ. ಆದರೆ ಈ ಫೋಟೋ ನೋಡಿದ್ರೆ ಇದು ನಿಜವೋ? ಸುಳ್ಳೋ ಎಂಬ ಪ್ರಶ್ನೆಗಳು ಮೂಡುತ್ತಿದೆ.

ಇನ್ನು ಈ ವೈರಲ್​ ಆಗಿರುವ ಫೋಟೋದಲ್ಲಿ ಜೋಡಿಗಳು ಚರಂಡಿಯಲ್ಲಿ ಕುಳಿತಿದ್ದಾರೆ. ಇವರ ಸುತ್ತಲೂ ಕಸಗಳು ತುಂಬಿಕೊಂಡಿದೆ. ಇಬ್ಬರೂ ಒಬ್ಬರೊನ್ನಬ್ಬರು ನೋಡಿ ನಗುವುದನ್ನು ಕಾಣಬಹುದಾಗಿದೆ.

ಅದೇ ರೀತಿಯಲ್ಲಿ ಈ ಫೋಟೋದಲ್ಲಿ ಹುಡುಗ ಮತ್ತು ಹುಡುಗಿ ಒಬ್ಬರಿಗೊಬ್ಬರು ಕಿಸ್​ ಕೊಡೋದನ್ನು ಸಹ ನೋಡಬಹುದಾಗಿದೆ. ಇನ್ನು ಚರಂಡಿಯಲ್ಲಿ ಈ ರೀತಿಯಲ್ಲೂ ಫೋಟೋಗಳನ್ನು ಜನರು ತೆಗೆಯುತ್ತಾರಾ ಎಂಬ ಪ್ರಶ್ನೆಗಳು ಮೂಡುತ್ತಿವೆ.

ಇನ್ನು ಈ ಫೋಟೋ ಸೋಶಿಯಲ್ ಮೀಡಿಯಾಗಳಲ್ಲಿ ವೈರಲ್​ ಆಗುತ್ತಿದ್ದಂತೆ ಜನರು ಈ ಫೋಟೋಶೂಟ್​ ಫೇಕ್​ ಎಂಬ ಕಾಮೆಂಟ್​ಗಳನ್ನು ಮಾಡುತ್ತಿದ್ದಾರೆ. ಹಾಗೆಯೇ ಕೆಲವರು ಇದು AI ಟೆಕ್ನಾಲಜಿ ಬಳಸಿಕೊಂಡು ಎಡಿಟ್ ಮಾಡಿದ ಫೋಟೋಗಳಾಗಿದೆ ಎಂದು ಹೇಳಿದ್ದಾರೆ.

ಇನ್ನು ಈ ಫೋಟೋ ನಿಜ ಎಂದು ಕೆಲವರು ಹೇಳಿಕೊಂಡಿದ್ದಾರೆ. ಆದರೆ ಇವರಿಗೆ ಚಿತ್ರದಲ್ಲಿ ಕಂಡುಬರುವ ಜೋಡಿಗಳು ಯಾರು ಮತ್ತು ಯಾವ ನಗರದಲ್ಲಿ ಅಂತಹ ಫೋಟೋಶೂಟ್ ಮಾಡಲಾಗುತ್ತಿದೆ ಎಂದು ತಿಳಿದಿಲ್ಲ. 

ಇನ್ನು ಇತ್ತೀಚೆಗೆ ಪ್ರೀ ವೆಡ್ಡಿಂಗ್ ಫೋಟೋಶೂಟ್ ಮಾಡೋದೆ ಒಂದು ಟ್ರೆಂಡ್​ ಆಗಿದೆ. ಕಳೆದ ಬಾರಿ ಜೋಡಿಯೊಂದು ಕೆಸರಲ್ಲಿ ಕೂತು ಫೋಟೋಶೂಟ್​ ಮಾಡಿದ್ದರು. ಹಾಗೆಯೇ ಇತ್ತೀಚೆಗೆ ಡಿವೋರ್ಸ್​​ ಪಡೆದ ಮಹಿಳೆಯೊಬ್ಬರು ಫೋಟೋಶೂಟ್​ ಮಾಡಿರುವ ಫೋಟೋ ವೈರಲ್ ಆಗಿತ್ತು. ಇದೀಗ ಈ ಜೋಡಿಗಳ ಫೋಟೋಶೂಟ್​ ಸೋಶಿಯಲ್ ಮೀಡಿಯಾದಲ್ಲಿ ಭಾರೀ ವೈರಲ್ ಆಗುತ್ತಿದೆ.