Tallest Statues: ಭಾರತದಲ್ಲಿ ಎಲ್ಲೆಲ್ಲಿ ಎತ್ತರದ ಪ್ರತಿಮೆಗಳು ಇವೆ.. ನಿಮ್ಮ ಊಹೆ ಸರಿ ಇದೆಯೇ ನೋಡಿ..

ಹನುಮಾನ್ ಪ್ರತಿಮೆ: ಆಂಧ್ರಪ್ರದೇಶದ ಶ್ರೀಕಾಕುಳಂ ಜಿಲ್ಲೆಯ ಮಡಪಂನಲ್ಲಿರುವ ಭಗವಾನ್ ಹನುಮಾನ್ ಪ್ರತಿಮೆ ವಿಶ್ವದಲ್ಲಿ ಇರುವ ಅತ್ಯಂತ ಎತ್ತರವಾದ ಹನುಮಾನ್ ಮೂರ್ತಿಗಳಲ್ಲಿ ಒಂದು ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ.

ಸಮಾನತೆಯ ಪ್ರತಿಮೆ: ಕುಳಿತುಕೊಳ್ಳುವ ರೀತಿಯಲ್ಲಿ ವಿಶ್ವದ ಅತ್ಯಂತ ಎರಡನೇ ಎತ್ತರದ ಪ್ರತಿಮೆ ಎಂದು ಹೆಗ್ಗಳಿಕೆಗೆ ಪಾತ್ರವಾದ ಸಮಾನತೆಯ ಪ್ರತಿಮೆಯನ್ನು ಮೊನ್ನೆಯಷ್ಟೇ ಪ್ರಧಾನಿ ನರೇಂದ್ರ ಮೋದಿ ಅನಾವರಣಗೊಳಿಸಿದರು. 65.8 ಮೀಟರ್ ಎತ್ತರವಿರುವ ಈ ರಾಮಾನುಜಾಚಾರ್ಯರ ಮೂರ್ತಿ ಹೈದರಾಬಾದಿನ ಮುಚ್ಚಿಂತಲ್ ಪ್ರದೇಶದಲ್ಲಿ ಇದೆ.

ಏಕತಾ ಪ್ರತಿಮೆ: ವಿಶ್ವದ ಅತ್ಯಂತ ಎತ್ತರದ ಪ್ರತಿಮೆ ಎಂದು ಹೆಗ್ಗಳಿಕೆ ಪಡೆದಿರುವ ಏಕತಾ ಪ್ರತಿಮೆ ಸರ್ದಾರ್ ವಲ್ಲಬಾಯ್ ಪಟೇಲ್ ಅವರ ಪ್ರತಿಮೆ. 182 ಮೀಟರ್ ಅಡಿ ಎತ್ತರ ಇರುವ ಈ ಪ್ರತಿಮೆಯನ್ನು ಗುಜರಾತಿನ ಕೇವಾಡಿಯಾ ಕಾಲೋನಿಯ ನರ್ಮದಾ ನದಿ ತಟದಲ್ಲಿ ನಿರ್ಮಾಣ ಮಾಡಲಾಗಿದೆ.

ತಥಾಗತ ಸ್ಟಾಲ್: ದಕ್ಷಿಣ ಸಿಕ್ಕಿಂ ಜಿಲ್ಲೆಯ ರಾವಂಗ್ಲಾ ಗ್ರಾಮದಲ್ಲಿ ಗೌತಮ ಬುದ್ಧನ 2555 ಜನ್ಮ ವಾರ್ಷಿಕೋತ್ಸವದ ನೆನಪಿಗಾಗಿ 128 ಅಡಿ ಎತ್ತರದ ಬುದ್ಧ ಪ್ರತಿಮೆಯನ್ನು ಸ್ಥಾಪನೆ ಮಾಡಲಾಗಿದೆ.

ತಿರುವಳ್ಳುವರ್ ಪ್ರತಿಮೆ: ತಮಿಳು ತತ್ವಜ್ಞಾನಿ ತಿರುಕ್ಕುರಲ್‌ನ ಲೇಖಕ ತಿರುವಳ್ಳುವರ್ ಅವರಿಗೆ ಗೌರವ ಸಲ್ಲಿಸುವ ಸಲುವಾಗಿ ತಮಿಳುನಾಡಿನ ಕನ್ಯಾಕುಮಾರಿಯಲ್ಲಿ 40.5 ಮೀಟರ್ ಎತ್ತರವಿರುವ ಈ ಪ್ರತಿಮೆಯನ್ನು ಸ್ಥಾಪಿಸಲಾಗಿದೆ.

ವೀರ ಅಭಯ ಆಂಜನೇಯ ಸ್ವಾಮಿ: ವಿಶ್ವದ 2 ನೇ ಅತಿ ಎತ್ತರದ ಹನುಮಾನ್ ಪ್ರತಿಮೆ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿರುವ ವೀರ ಅಭಯ ಆಂಜನೇಯ ಸ್ವಾಮಿ ಪ್ರತಿಮೆ 41 ಮೀಟರ್ ಎತ್ತರವಿದ್ದು ಆಂಧ್ರಪ್ರದೇಶದ ವಿಜಯವಾಡದ ಜಿಲ್ಲೆಯ ಪರಿಟಾಲ ಗ್ರಾಮದಲ್ಲಿ ಇದೆ.

ಪದ್ಮಸಂಭವ ಪ್ರತಿಮೆ: 2 ನೇ ಬುದ್ಧ ಎಂದು ನಂಬಲಾದ ಗುರು ರಿಂಪೋಚೆ ಅವರ 37.5 ಮೀಟರ್ ಪ್ರತಿಮೆಯನ್ನು ಹಿಮಾಚಲ ಪ್ರದೇಶದ ತ್ಸೋ ಪೆಮಾದ ರೆವಾಲ್ಸರ್ ನಲ್ಲಿ ಸ್ಥಾಪನೆ ಮಾಡಲಾಗಿದೆ.

ಧ್ಯಾನ ಬುದ್ಧನ ಪ್ರತಿಮೆ: ಆಂಧ್ರಪ್ರದೇಶದ ಗುಂಟೂರಿನ ಅಮರಾವತಿಯಲ್ಲಿ ಕೃಷ್ಣ ನದಿ ದಂಡೆಯಲ್ಲಿ ಭಗವಾನ್ ಬುದ್ಧ ಧ್ಯಾನ ಬಂಗಿ ಇರುವ ರೀತಿಯಲ್ಲಿ 125 ಅಡಿ ಎತ್ತರದ ಪ್ರತಿಮೆ ಯನ್ನು 4.5 ಎಕರೆ ಪ್ರದೇಶದಲ್ಲಿ ಸ್ಥಾಪನೆ ಮಾಡಲಾಗಿದೆ.

ಮುರುಡೇಶ್ವರದ ಶಿವ: ವಿಶ್ವದ ಎರಡನೇ ಅತಿ ಎತ್ತರದ ಶಿವನ ಪ್ರತಿಮೆ ಹಾಗೂ ಭಾರತದಲ್ಲಿರುವ ಏಕೈಕ ಶಿವನ ಎತ್ತರದ ಪ್ರತಿಮೆ ಎಂಬ ಖ್ಯಾತಿಗೆ ನಮ್ಮ ಕರ್ನಾಟಕದ ಉತ್ತರ ಕನ್ನಡ ಜಿಲ್ಲೆಯ ಭಟ್ಕಳದಲ್ಲಿ ಇರುವ ಮುರುಡೇಶ್ವರದ ಶಿವನ ಪ್ರತಿಮೆ ಪಾತ್ರವಾಗಿದೆ. ಒಟ್ಟು 37 ಅಡಿ ಎತ್ತರದ ಶಿವನ ಮೂರ್ತಿಯನ್ನು ಸ್ಥಾಪನೆ ಮಾಡಲಾಗಿದೆ.