Puducherry Santa Claus: ನೀರಿನೊಳಗೆ ಕ್ರಿಸ್​ಮಸ್​ ತಾತ! ಎಲ್ಲರಿಗೂ ವಿಶೇಷವಾಗಿ ವಿಷ್​ ಮಾಡಿ, ಗಿಫ್ಟ್​ ಕೊಟ್ಟೇ ಬಿಟ್ರು!

ಕ್ರಿಸ್​ಮಸ್​ಗಾಗಿ ಯಾವ ಯಾವ ರೀತಿಯಾಗಿ ಎಲ್ಲ ವಿಷ್​ಗಳನ್ನು ಮಾಡಬಹುದು ಅಂತ ನಿಮಗೆ ಗೊತ್ತಾ? ಅದ್ರಲ್ಲೂ ಕ್ರಿಸ್​ಮಸ್​ ತಾತ ಯಾವ ರೀತಿಯಾಗಿ ಸೀಕ್ರೇಟ್​ ಆಗಿ ಗಿಫ್ಟ್​ಗಳನ್ನು ಕೊಡುತ್ತಾರೆ ಎಂದು ಹೇಳಲು ಆಗೋಲ್ಲ. ಹೀಗಾಗಿ ಮನೆಮಂದಿಯೆಲ್ಲಾ ಕಾಯುತ್ತಾ ಇರುತ್ತಾರೆ. ಗಿಫ್ಟ್​ ಅಂತೂ ಸಖತ್​ ಸೃಜನಾತ್ಮಕವಾಗಿ ಇರುತ್ತದೆ ಬಿಡಿ.

ಸ್ಕೂಬಾ ಡೈವಿಂಗ್​ ಮೂಲಕ ಇದೀಗ ಎಲ್ರಿಗೂ ವಿಷ್​ ಮಾಡಿದ್ದಾರೆ ಇಲ್ಲೊಂದು ಕ್ರಿಸ್​ಮಸ್​ ತಾತ. ಅರವಿಂದ್ ಎಂಬುವವರು ಪುದುಚೇರಿ ಮತ್ತು ತಮಿಳುನಾಡಿನಲ್ಲಿ ಆಳ ಸಮುದ್ರದ ಈಜು ತರಬೇತಿ ನೀಡುತ್ತಿದ್ದಾರೆ.

ಟೆಂಪಲ್ ಅಡ್ವೆಂಚರ್ಸ್ ಎಂಬ ಆಳವಾದ ಸಮುದ್ರ ಈಜು ತರಬೇತಿಯನ್ನು ಸುಮಾರು ವರ್ಷಗಳಿಂದ ಶಾಲೆಯನ್ನು ನಡೆಸುತ್ತಿದ್ದಾರೆ. ಆಳ ಸಮುದ್ರದಡಿಯಲ್ಲಿ ಆಗಾಗ ಹಲವಾರು ಜಾಗೃತಿ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳುತ್ತಾ ಬಂದಿದ್ದಾರೆ.

ಆಳ ಸಮುದ್ರದಡಿಯಲ್ಲಿ ಕಾಲಕಾಲಕ್ಕೆ ಹಲವಾರು ಜಾಗೃತಿ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳುತ್ತಾ ಬಂದಿದ್ದಾರೆ. ಈ ಬಾರಿ ಕ್ರಿಸ್​ ಮಸ್​ ಹಬ್ಬಕ್ಕೆ ಏನಾದ್ರೂ ವಿಭಿನ್ನವಾಗಿ ಇರಬೇಕು, ಇಲ್ಲಿಗೆ ಬರುವ ತರಬೇತುದಾರರನ್ನು ರಂಜಿಸಬೇಕು ಎಂಬ ನಿಟ್ಟಿನಲ್ಲಿ ಅವೃಎ ಕ್ರಿಸ್​ಮಸ್​ ತಾತನ ವೇಷವನ್ನು ಧರಿಸಿದ್ದಾರೆ.

ಈ ವೇಳೆ ಕ್ರಿಸ್ ಮಸ್ ಹಬ್ಬದಂದು ಅರವಿಂದ್ ಸೇರಿದಂತೆ 4 ಮಂದಿ ಆಳ ಸಮುದ್ರದ ಈಜು ಪಟುಗಳು ಸಾಂತಾಕ್ಲಾಸ್ ವೇಷ ಧರಿಸಿದ್ದರು. ನಂತರ ಪುದುಚೇರಿ ಗಾಂಧಿ ಪ್ರತಿಮೆಯಿಂದ ಸಮುದ್ರದಲ್ಲಿ 6 ಕಿ.ಮೀ ಸಾಗಿ 60 ಅಡಿ ಸಮುದ್ರದ ಕೆಳಗೆ ಹೋದರು.

ಕ್ರಿಸ್​ಮಸ್​ ತಾತನ ವೇಷವನ್ನು ಇವರು ಧರಿಸಿ ಆಳ ಸಮುದ್ರಕ್ಕೆ ಇಳಿದರು, ಅಲ್ಲಿಗೆ ಬಂದಂತಹ ಸ್ಕೂಬಾ ಡೈವಿಂಗ್​ ರವರಿಗೆ ನೀರಿನೊಳಗೆ ವಿಷ್​ ಮಾಡಿದ್ದಾರೆ. ಹಾಗೆಯೇ ಚಾಕಲೇಟ್ಸ್​ಗಳನ್ನು​ ಹಂಚಿದ್ದಾರೆ.

ಬಂದವರಿಗೆಲ್ಲರಿಗೂ ಚಾಕಲೇಟ್​ಗಳನ್ನು ಹಂಚುತ್ತಾ, ತನ್ನ ಸ್ಕೂಬಾ ಡೈವಿಂಗ್​ಗೆ ಬರುವವರಿಗೆ ಕ್ರಿಸ್​ಮಸ್​ ಪರವಾಗಿ ಕಡಿಮೆ ರಿಯಾಯಿತಿಯಲ್ಲಿ ಸ್ಕೂಬಾ ಡೈವಿಂಗ್​ಗೆ ಅವಕಾಶ ಮಾಡಿಕೊಟ್ರು.

ಪೋಟೋದಲ್ಲಿ ನೀವು ಕಾಣಬಹುದು. ಅರವಿಂದ್​ರವರು ಎಷ್ಟು ಹುಮ್ಮಸ್ಸಿನಿಂದ ಎಲ್ಲರನ್ನೂ ರಂಜಿಸಿದ್ದಾರೆ ಎಂದು. ನಾನಾ ರೀತಿಯ ಶೈಲಿಯಲ್ಲಿ ಸ್ವಿಮ್ಮಿಂಗ್​ಗಳನ್ನು ಮಾಡಿದ್ದಾರೆ ವಿಶೇಷ ಕ್ರಿಸ್​ಮಸ್​ ತಾತ.