Parrot Marriage: ವಂಶ ಬೆಳೆಯಬೇಕು ಅಂತ ಗಿಳಿಗಳ ಮದುವೆ ಮಾಡಿಸಿದ ಕುಟುಂಬ! ಇನ್ನೂ ಏನೇನ್ ವಿಚಿತ್ರ ಸಂಪ್ರದಾಯವಿದ್ಯಪ್ಪಾ?

ಮಧ್ಯಪ್ರದೇಶದ ನರಸಿಂಗ್‌ಪುರ ಜಿಲ್ಲೆಯ ಪಿಪಾರಿಯಾ ರಂಕೈ ಗ್ರಾಮದಲ್ಲಿ ಗಿಳಿಗಳ ಮದುವೆಯನ್ನು ಮಾಡಿದ್ದಾರೆ. ಪರಿಹಾರ್ ಎಂಬ ಕುಟುಂಬದ ಮೈನಾ ರಿಂಕಾ ಎಂಬ ಹೆಸರಿನ ಗಿಳಿ ಮತ್ತು ವಿಶ್ವಕರ್ಮ ಎಂಬ ಕುಟುಂಬಕ್ಕೆ ಸೇರಿದ ಗಿಳಿಗಳಿಗೆ ವಿವಾಹವನ್ನು ಮಾಡಿಸಿದ್ದಾರೆ.

ಪರಿಹಾರ್ ಕುಟುಂಬದಲ್ಲಿ ಹಲವಾರು ಗಿಳಿಗಳಿವೆ. ಆದರೆ ಹೆಣ್ಣು ಗಿಳಿಗಳು ಇಲ್ಲ. ಹಾಗಾಗಿ ಈ ಎರಡು ಕುಟುಂಬ ಸೇರಿ ಗಿಳಿಗಳಿಗೆ ಮದುವೆ ಮಾಡಿಸಿದ್ದಾರೆ. ಗ್ರಾಮದ ವೃದ್ಧೆಯೊಬ್ಬರು ಎರಡೂ ಗಿಳಿಗಳ ಕುಟುಂಬಗಳ ನಡುವೆ ಮದುವೆಯ ವಿಚಾರವನ್ನು ತಿಳಿಸಿದರು. ಹಾಗೇಯೇ ಇದರ ವಂಶ ವೃದ್ಧಿಸಬೇಕೆಂದರೆ ಮದುವೆಯೇ ಆಗಬೇಕು ಎಂದು ಹೇಳಿ ಗಿಳಿಗಳಿಗೆ ಮದುವೆ ಮಾಡಿಸಿದ್ದಾರೆ.

ಎರಡೂ ಕುಟುಂಬದ ಗಿಳಿಗಳಿಗೆ ಶಾಸ್ತ್ರೋಕ್ತವಾಗಿ ಮದುವೆ ಮಾಡಿಸಿದ್ದಾರೆ. ಇವುಗಳ ಭವಿಷ್ಯವನ್ನು ಕೂಡ ಜ್ಯೋತಿಷ್ಯರಲ್ಲಿ ತೋರಿಸಲಾಗಿತ್ತು. ಎರಡೂ ಗಿಳಿಗಳ ಜಾತಕ ಹೊಂದಾಣಿಕೆಯ ನಂತರ ಮದುವೆಯನ್ನು ನಿರ್ಧರಿಸಲಾಯಿತು.

ಈ ಮದುವೆಯನ್ನು ಅತ್ಯಂತ ಸಾಂಪ್ರದಾಯಿಕ ರೀತಿಯಲ್ಲಿ ಮಾಡಲಾಯಿತು. ಮದುವೆಯ ಎಲ್ಲಾ ವಿಧಿವಿಧಾನಗಳನ್ನು ನೆರವೇರಿಸಲಾಯಿತು. ಮದುವೆ ಮಂಟಪವನ್ನು ಅಲಂಕರಿಸಲಾಗಿತ್ತು. ಮದುವೆಯಲ್ಲಿ ಡೋಲು ಬಾರಿಸುತ್ತಾ ಕುಣಿದಾಡಿದರು.

ಮನುಷ್ಯರಲ್ಲಿ ಯಾವ ರೀತಿಯಾಗಿ ಮದುವೆಯನ್ನು ಮಾಡುತ್ತಾರೆಯೋ ಹಾಗೆಯೆ ಈ ಗಿಳಿಗಳಿಗೆ ಮಾಡಿದ್ದಾರೆ. ಮಕ್ಕಳ ಕಾರ್​ನಲ್ಲಿ ಎರಡೂ ಗಿಳಿಗಳನ್ನು ಕುಳಿಸಿ, ಗಂಡು ಗಿಳಿಯ ಮನೆಗೆ ಹೆಣ್ಣು ಗಿಳಿಯನ್ನು ಕರೆದುಕೊಂಡು ಹೋಗಿದ್ದಾರೆ.

ಈ ಮದುವೆಗೆ ಯಾರನ್ನೂ ಆಹ್ವಾನಿಸಿಲ್ಲ, ಆದರೆ ಇದು ಗೊತ್ತಾದ ತಕ್ಷಣ ಅನೇಕ ಜನರು ಈ ವಿಶಿಷ್ಟ ವಿವಾಹ ಸಮಾರಂಭದಲ್ಲಿ ಭಾಗವಹಿಸಿದರು. ಇಡೀ ಗ್ರಾಮ ವಧು-ವರರನ್ನು ಆಶೀರ್ವದಿಸಿದೆ ಎಂದು ಕುಟುಂಬದವರು ತಿಳಿಸಿದ್ದಾರೆ.

ಈ ಮದುವೆಗೆ ಯಾರನ್ನೂ ಆಹ್ವಾನಿಸಿಲ್ಲ, ಆದರೆ ಇದು ಗೊತ್ತಾದ ತಕ್ಷಣ ಅನೇಕ ಜನರು ಈ ವಿಶಿಷ್ಟ ವಿವಾಹ ಸಮಾರಂಭದಲ್ಲಿ ಭಾಗವಹಿಸಿದರು. ಇಡೀ ಗ್ರಾಮ ವಧು-ವರರನ್ನು ಆಶೀರ್ವದಿಸಿದೆ ಎಂದು ಕುಟುಂಬದವರು ತಿಳಿಸಿದ್ದಾರೆ.