Humming Song: ಒಂದೇ ಹಾಡನ್ನು ಪದೇ ಪದೇ ಗುನುಗುತ್ತೀರಾ? ಅದಕ್ಕೂ ಇದೆ ಒಂದು ಕಾರಣ

ನಿಮ್ಮ ತಲೆಯಲ್ಲಿ ಕೆಲವೊಮ್ಮೆ ಹಾಡು ಹಾಡುತ್ತಿರಬೇಕು ಎಂದೆನಿಸುತ್ತಿರುತ್ತದೆ. ಅದರಲ್ಲೂ ಎಷ್ಟೋ ಸಮಯ ಒಂದೇ ಹಾಡು ಹಾಡುತ್ತಿರುತ್ತೀರಿ. ಈ ಹಾಡು ನಿಮ್ಮ ಮನಸ್ಸಿನಲ್ಲಿ ಎಷ್ಟು ಅಂಟಿಕೊಂಡಿದೆ ಎಂದರೆ ನೀವು ಅದನ್ನು ಮತ್ತೆ ಮತ್ತೆ ಗುನುಗಬೇಕು ಎಂದೆನಿಸುತ್ತದೆ. ಅನೇಕ ಬಾರಿ ನೀವು ಬಯಸದೆಯೇ ಆ ಹಾಡನ್ನು ಗುನುಗಲು ಪ್ರಾರಂಭಿಸುತ್ತೀರಿ. ವಿಜ್ಞಾನಿಗಳು ಹೇಳುವಂತೆ ಜಗತ್ತಿನ 98 ಪ್ರತಿಶತ ಜನರು ತಮ್ಮ ಜೀವನದಲ್ಲಿ ಒಮ್ಮೆಯಾದರೂ ಇದನ್ನು ಅನುಭವಿಸಿರುತ್ತಾರೆ. ಹಾಗಿದ್ರೆ ಇದಕ್ಕೆ ಕಾರಣಗಳೇನು ಎಂಬುದನ್ನು ಈ ಲೇಖನದಲ್ಲಿ ತಿಳಿಯಿರಿ.

ಸಂಗೀತಗಾರರು ಬಹಳ ಹಿಂದಿನಿಂದಲೂ ಈ ರೀತಿಯ ಸಂಗತಿಯನ್ನು ಅನುಭವಿಸಿರುತ್ತಾರೆ. ಈ ಸಂಗೀತ ಪ್ರಪಂಚದಲ್ಲಿ, ಒಂದೇ ಹಾಡನ್ನು ಮತ್ತೆ ಮತ್ತೆ ಗುನುಗುವ ಪ್ರವೃತ್ತಿಯನ್ನು ಅನೈಚ್ಛಿಕ ಸಂಗೀತ ಚಿತ್ರಣ ಎಂದು ಕರೆಯಲಾಗುತ್ತದೆ. ಕೆಲವರು ಅದನ್ನು ಆನಂದಿಸುತ್ತಿದ್ದರೆ, ಮತ್ತೆ ಕೆಲವರು ಪದೇ ಪದೇ ಗುನುಗುತ್ತಾ ತಲೆಕೆಡಿಸಿಕೊಳ್ಳಲು ಪ್ರಾರಂಭಿಸುತ್ತಾರೆ.

ಆಸ್ಟ್ರೇಲಿಯಾದ ನ್ಯೂ ಸೌತ್ ವೇಲ್ಸ್ ವಿಶ್ವವಿದ್ಯಾನಿಲಯದ ಸ್ಕೂಲ್ ಆಫ್ ಆರ್ಟ್ಸ್ ಅಂಡ್ ಮೀಡಿಯಾದಲ್ಲಿ ಹಾಡನ್ನು ಮತ್ತೆ ಮತ್ತೆ ಗುನುಗುವ ಬಗ್ಗೆ ಅಧ್ಯಯನ ನಡೆಸಲಾಗಿದೆ. ಲೀಡ್ ಸ್ಟಡಿ ಪ್ರೊಫೆಸರ್ ಎಮೆರಿ ಶುಬರ್ಟ್ ಪ್ರಕಾರ, ಒಂದೇ ರಾಗವನ್ನು ಸಂಗೀತದಲ್ಲಿ ಹಲವು ಬಾರಿ ಪುನರಾವರ್ತಿಸಲಾಗುತ್ತದೆ. ಆದಾಗ್ಯೂ, ಒಂದು ಹಾಡು ಜನರ ಮನಸ್ಸಿನಲ್ಲಿ ಉಳಿಯಲು ಅದು ಆಕರ್ಷಕವಾಗಿರಬೇಕು ಎಂದು ಫಲಿತಾಂಶಗಳು ತೋರಿಸುತ್ತವೆ. ಇದಕ್ಕಾಗಿ ಹಲವಾರು ರೀತಿಯಲ್ಲಿ ಸಂಶೋಧನೆಯನ್ನೂ ಮಾಡಲಾಗಿದೆ.

ಪ್ರೊಫೆಸರ್ ಎಮೆರಿ ಶುಬರ್ಟ್ ಪ್ರಕಾರ, ಇಯರ್ ವರ್ಮ್ ಎನ್ನುವುದು ಹಾಡಿನ ಟ್ಯೂನ್ ಅಥವಾ ಹಾಡಿನ ಸಾಲುಗಳಾಗಿದ್ದು, ಅದು ಹಾಡಿನಲ್ಲಿ ಗರಿಷ್ಠ ಸಂಖ್ಯೆಯ ಪುನರಾವರ್ತನೆಗಳಿಂದಾಗಿ ಜನರ ಮನಸ್ಸಿನಲ್ಲಿ ಅಂಟಿಕೊಳ್ಳುತ್ತದೆ. ಇನ್ನು ಈ ಇಯರ್ ವರ್ಮ್ ಬಗ್ಗೆ ಸಂಶೋಧನೆಯು ಹಾಡಿನ ಯಾವ ಸಾಲು ಜನರ ಗಮನವನ್ನು ಸೆಳೆಯುವ ಸಾಧ್ಯತೆಯಿದೆ ಎಂಬುದನ್ನು ಕಂಡುಹಿಡಿಯಲು ಪ್ರಯತ್ನಿಸಿದೆ.

ಒಂದು ಹಾಡನ್ನು ಪದೇ ಪದೇ ಪುನರಾವರ್ತಿಸುವುದು ಆ ಹಾಡು ಮನಸ್ಸಿನಲ್ಲಿ ಉಳಿಯಲು ಒಂದು ಕಾರಣವಾಗಿದೆ ಎಂದು ಶುಬರ್ಟ್ ಹೇಳಿದರು. ಇದರ ಹೊರತಾಗಿ, ಹಾಡಿನ ಅನೇಕ ವೈಶಿಷ್ಟ್ಯಗಳಿವೆ, ಇದರಿಂದಾಗಿ ಜನರು ಹಾಡನ್ನು ಮತ್ತೆ ಮತ್ತೆ ಪುನರಾವರ್ತಿಸುತ್ತಾರೆ. ಒಂದು ಹಾಡಿನಲ್ಲಿನ ಒಂದು ಸಾಲು ಪದೇ ಪದೇ ಪುನರಾವರ್ತನೆಯಾಗುತ್ತಿದೆ ಎಂದರೆ ಆ ಹಾಡಿನ ಮ್ಯೂಸಿಕ್​ ಉತ್ತಮವಾಗಿರಬೇಕು. 

ಇನ್ನು ಯಾವುದೇ ಹಾಡನ್ನು ರಚಿಸುವಾಗ ಅದರ ಮ್ಯೂಸಿಕ್​ ಮತ್ತು ಭಾಷೆಯ ಬಗ್ಗೆ ಜನರಿಗೆ ಮೊದಲು ಗೊತ್ತಿರಬೇಕು.ಇದರಿಂದಲೂ ಒಬ್ಬ ವ್ಯಕ್ತಿ ಪದೇ ಪದೇ ಹಾಡನ್ನು ಹಾಡಲು ಕಾರಣವಾಗುತ್ತದೆ ಎಂದು ವರದಿ ಹೇಳಿದೆ. ಇನ್ನು ಕೆಲವೊಂದು ಕೆಲಸಗಳು ಸಹ ಪದೇ ಪದೇ ಹಾಡನ್ನು ಗುನುಗಲು ಕಾರಣವಾಗಿದೆ.

ಸಂಶೋಧನಾ ವರದಿಯ ಪ್ರಕಾರ, ನೀವು ಅಂತಹ ಸೂಕ್ಷ್ಮ ಕೆಲಸವನ್ನು ಮಾಡುತ್ತಿದ್ದರೆ ಮತ್ತು ನಿಮ್ಮ ಸಂಪೂರ್ಣ ಗಮನವು ಅದರ ಮೇಲೆ ಇದ್ದರೆ, ನೀವು ಯಾವುದೇ ಹಾಡನ್ನು ಪದೇ ಪದೇ ಪುನರಾವರ್ತಿಸುವುದಿಲ್ಲ. ಜೊತೆಗೆ ನಿಮ್ಮ ಕೆಲಸವನ್ನು ಬಹಳ ಗಮನದಿಂದ ಮಾಡಲು ನೀವು ಬಯಸುತ್ತೀರಿ. ಆದರೆ ಅಂತಹ ಸಂದರ್ಭದಲ್ಲೂ ಕೆಲವೊಂದು ಹಾಡುಗಳು ನಿಮ್ಮ ಮನಸ್ಸಿಗೆ ಬಂದ್ರೆ ಮತ್ತೆ ಗುನುಗಳು ಆರಂಭಿಸುತ್ತೀರಿ.