Shocking News: 92ನೇ ವಯಸ್ಸಿಗೆ 5ನೇ ಮದುವೆಯಾದ ಖ್ಯಾತ ಉದ್ಯಮಿ! ಇದು ಲಾಸ್ಟ್​ ಮ್ಯಾರೇಜ್​ ಅಂತೆ!

ಮಾಧ್ಯಮ ಉದ್ಯಮಿ ರೂಪರ್ಟ್ ಮುರ್ಡೋಕ್ ಅವರು 92 ನೇ ವಯಸ್ಸಿನಲ್ಲಿ ಮತ್ತೆ ಮದುವೆಯಾಗಲು ಸಿದ್ಧರಾಗಿದ್ದಾರೆ. ಐದನೇ ಬಾರಿಗೆ ಪ್ರೀತಿಯಲ್ಲಿ ಬಿದ್ದಿರುವ ಮುರ್ಡೋಕ್, 66 ವರ್ಷದ ಆನ್ ಲೆಸ್ಲಿ ಸ್ಮಿತ್ ಅವರನ್ನು ಮದುವೆಯಾಗಲು ನಿರ್ಧರಿಸಿದ್ದಾರೆ. ಈ ಬಗ್ಗೆ ಇಬ್ಬರೂ ಅಧಿಕೃತ ಘೋಷಣೆ ಮಾಡಿದ್ದಾರೆ.

ಕಳೆದ ವರ್ಷ ಸೆಪ್ಟೆಂಬರ್‌ನಲ್ಲಿ ಕ್ಯಾಲಿಫೋರ್ನಿಯಾದಲ್ಲಿ ನಡೆದ ಕಾರ್ಯಕ್ರಮವೊಂದರಲ್ಲಿ ಇಬ್ಬರೂ ಭೇಟಿಯಾದರು ಎಂದು ಮುರ್ಡೋಕ್ ಬಹಿರಂಗಪಡಿಸಿದರು. ಆನ್ ಲೆಸ್ಲಿ ಸ್ಮಿತ್  (Ann Lesley Smith) ಅವರ ಪತಿ 14 ವರ್ಷಗಳ ಹಿಂದೆ ನಿಧನರಾದರು. ಮುರ್ಡೋಕ್ ತನ್ನ ಹಿಂದಿನ ಹೆಂಡತಿಯರಿಂದ ಆರು ಮಕ್ಕಳನ್ನು ಹೊಂದಿದ್ದಾರೆ.

ರೂಪರ್ಟ್ ಮುರ್ಡೋಕ್ ನ್ಯೂಯಾರ್ಕ್ ಪೋಸ್ಟ್‌ಗೆ ಮಾತನಾಡುತ್ತಾ, ಮೊದಲಿಗೆ ಲೆಸ್ಲಿ ಸ್ಮಿತ್ ನನ್ನ ಪ್ರಸ್ತಾಪವನ್ನು ತಿರಸ್ಕರಿಸುತ್ತಾರೆ ಎಂದು ಹೆದರುತ್ತಿದ್ದರು. ಕೊನೆಗೆ ಮದುವೆ ಬಗ್ಗೆ ಧೈರ್ಯವಾಗಿ ಕೇಳಿದ್ರಂತೆ. ಮುರ್ಡೋಕ್ ಅವರ ನಾಲ್ಕನೇ ಪತ್ನಿ ಜೆರಿ ಹಾಲ್  (Jerry Hall) ಅವರಿಗೆ ಆಗಸ್ಟ್ 2022ರಲ್ಲಿ ವಿಚ್ಛೇದನ ನೀಡಿದರು.

"ಕಳೆದ ವರ್ಷ ಕ್ಯಾಲಿಫೋರ್ನಿಯಾದಲ್ಲಿ ನಾನು ಲೆಸ್ಲಿಯನ್ನು ನೋಡಿದಾಗ ಲವ್​ ಆಯ್ತು, ಅಲಲ್ಲಿಂದ ನಾನು ಅವಳನ್ನು ಪ್ರೀತಿಸುತ್ತಿದ್ದೆ" ಎಂದು ಮುರ್ಡೋಕ್ ಹೇಳಿದ್ದಾರೆ.

ಆ ಸಮಾರಂಭದಲ್ಲಿ 200 ಜನರಿದ್ದರು ಮತ್ತು ನಾನು ಅವಳೊಂದಿಗೆ ಸ್ವಲ್ಪ ಮಾತನಾಡಿದೆ. ಎರಡು ವಾರಗಳ ನಂತರ, ನಾನು ಕರೆ ಮಾಡಿ ನನ್ನ ಆಲೋಚನೆಗಳನ್ನು ಹೇಳಿದೆ ಎಂದಿದ್ದಾರೆ.

ರೂಪರ್ಟ್ ಮುರ್ಡೋಕ್ ಮತ್ತು ನಾನು ಒಟ್ಟಿಗೆ ಸಂತೋಷವಾಗಿದ್ದೇವೆ. ಮುರ್ಡೋಕ್ ಜೊತೆಗಿನ ಸಂಬಂಧ ಉತ್ತಮವಾಗಿರುತ್ತೆ ಎಂದು ನಂಗೆ ಗೊತ್ತು ಎಂದು ಲೆಸ್ಲಿ ಸ್ಮಿತ್ ಹೇಳಿದ್ದಾರೆ.

ಮಾಡಲ್‌ ಹಾಗೂ ನಟಿ ಜೆರ್ರಿ ಹಾಲ್‌ರನ್ನು ಮುರ್ಡೋಕ್‌ ಮದುವೆಯಾಗಿ ಆರು ವರ್ಷ ಸಂಸಾರ ನಡೆಸಿ ಕಳೆದ ವರ್ಷ ಡಿವೋರ್ಸ್‌ ನೀಡಿದ್ದರು. ಹಾಲ್‌ಗೂ ಮುನ್ನ 1999 ರಿಂದ 2013ರವರೆಗೆ ವೆಂಡಿ ಡೆಂಗ್‌, 1967 ರಿಂದ 1999ರವರೆಗೆ ಅನ್ನಾ ಮರಿಯಾ ಟ್ರೋವ್‌, 1956 ರಿಂದ 1967ರವರೆಗೆ ಪ್ಯಾಟ್ರಿಕಾ ಬೂಕರ್‌ ಜೊತೆ ಮುರ್ಡೋಕ್‌ ಜೀವನ ನಡೆಸಿದ್ದರು.

ರುಪೋರ್ಟ್‌ ಮುರ್ಡೋಕ್‌ ಫಾಕ್ಸ್‌ ಕಾರ್ಪೋರೇಷನ್‌ನ ಅಧ್ಯಕ್ಷರಾಗಿದ್ದಾರೆ. ಇದು ಫಾಕ್ಸ್‌ ಬ್ರಾಡ್‌ಕಾಸ್ಟಿಂಗ್‌, ಫಾಕ್ಸ್‌ ಸ್ಪೋರ್ಟ್ಸ್‌, ಫಾಕ್ಸ್‌ ಬ್ಯುಸಿನೆಸ್‌ ಹಾಗೂ ಫಾಕ್ಸ್‌ ನ್ಯೂಸ್‌ನ ಮಾಲೀಕತ್ವವನ್ನು ಹೊಂದಿದೆ.