Royal Wedding: ಒಂದು ಆಮಂತ್ರಣ ಪತ್ರಿಕೆ 4 ಕೆಜಿ, ಬೆಲೆ 7 ಸಾವಿರ.. ಮದುವೆ ಯಾರದ್ದು ಹೇಳಿ?

ಅದ್ಧೂರಿ, ಆಡಂಬರದಿಂದ ಮದುವೆಯಾಗುವ ಆಸೆ ಪ್ರತಿಯೊಬ್ಬರಿಗೆ ಇರುತ್ತೆ. ಅವರವರ ಹಣಕಾಸಿನ ಸ್ಥಿತಿ ಆಧಾರದ ಮೇಲೆ ಮದುವೆ ಸಮಾರಂಭಗಳನ್ನು ಮಾಡಲಾಗುತ್ತೆ. ಆದರೆ ಶ್ರೀಮಂತರ ಮಕ್ಕಳ ಮದುವೆಯನ್ನು ಅದ್ಧೂರಿಯಾಗಿ ನೇರವೇರಿಸಲಾಗುತ್ತೆ. ಅದೇ ಸಾಲಿಗೆ ಈಗ ರಾಜ್‌ಕೋಟ್-ಸೌರಾಷ್ಟ್ರದ ಖ್ಯಾತ ಉದ್ಯಮಿ ಮೌಲೇಶಭಾಯ್ ಉಕಾನಿ ಅವರ ಮಗನ ಮದುವೆ ಸೇಪರ್ಡೆಯಾಗಿದೆ.

ಖ್ಯಾತ ಉದ್ಯಮಿ ಮೌಲೇಶಭಾಯ್ ಉಕಾನಿ ಮತ್ತು ಸೋನಾಲ್‌ಬೆನ್ ಉಕಾನಿ ಅವರ ಪುತ್ರ ಜಯ್ ಉಕಾನಿ ಅವರ ವಿವಾಹ ನವೆಂಬರ್ 14-15-16 ರಂದು ರಾಜಸ್ಥಾನದ ಜೋಧ್‌ಪುರದ ಉಮೇದ್ ಭವನ ಅರಮನೆಯಲ್ಲಿ ನಡೆಯಲಿದೆ. ಈ ರಾಯಲ್ ವೆಡ್ಡಿಂಗ್ ಆಮಂತ್ರಣವನ್ನು ಸಹ ರಾಯಲ್ ಶೈಲಿಯಲ್ಲಿ ಮಾಡಲಾಗಿದೆ. ಒಂದು ಆಮಂತ್ರಣ ಪತ್ರಿಕೆಯೇ 4 ಕೆಜಿ 280 ಗ್ರಾಂ ತೂಕವಿದೆ.

ಒಂದು ಆಮಂತ್ರಣಕ್ಕೆ 7 ಸಾವಿರ ರೂಪಾಯಿ ಖರ್ಚು ಮಾಡಲಾಗಿದೆ. ಆಮಂತ್ರಣದಲ್ಲಿ 7 ಪುಟಗಳಿವೆ. ಅದರಲ್ಲಿ ಮೂರು ದಿನಗಳ ವಿವಾಹ ಕಾರ್ಯಕ್ರಮಗಳ  ಮಾಹಿತಿಯನ್ನು ನೀಡಲಾಗಿದೆ.

ಈ ಆಮಂತ್ರಣ ಬಾಕ್ಸ್​ನಲ್ಲಿ ಆಹ್ವಾನ ಪತ್ರಿಕೆ ಜೊತೆ ಗೋಡಂಬಿ, ಬಾದಾಮಿ, ಒಣದ್ರಾಕ್ಷಿ ಮತ್ತು ಚಾಕೊಲೇಟ್‌ಗಳನ್ನು ಸಹ ನೀಡಲಾಗಿದೆ.

ಮೌಲೇಶ್ ಭಾಯ್ ಮತ್ತು ಅವರ ಕುಟುಂಬವು ಶ್ರೀಕೃಷ್ಣ, ದ್ವಾರಕಾಧೀಶನಲ್ಲಿ ಅಪಾರ ನಂಬಿಕೆಯನ್ನು ಹೊಂದಿದೆ . ಅವರು ದ್ವಾರಕಾ ದೇವಸ್ಥಾನದ ಟ್ರಸ್ಟಿ ಕೂಡ. ಹೀಗಾಗಿ ಆಮಂತ್ರಣದ ಬಾಕ್ಸ್​ ಮೇಲೆ ಶ್ರೀಕೃಷ್ಣನ ಫೋಟೋ ಇದೆ.

ಜೋಧ್‌ಪುರದ ಉಮೈದ್ ಭವನ ಅರಮನೆಯಲ್ಲಿ ವಿವಾಹ ನಡೆಯಲಿದೆ. ಮದುವೆಯ ಮುಖ್ಯ ಔತಣಕೂಟದಲ್ಲಿ ಅತಿಥಿಗಳಿಗೆ ಊಟ ಬಡಿಸುವ ಒಂದು ತಟ್ಟೆಯ ಬೆಲೆಯೇ 18 ಸಾವಿರ ರೂ.

ಉಮೈದ್ ಭವನ್ ಅರಮನೆಯನ್ನು ಭಾರತದ ಅತ್ಯಂತ ದುಬಾರಿ ಹೋಟೆಲ್‌ಗಳಲ್ಲಿ ಒಂದೆಂದು ಪರಿಗಣಿಸಲಾಗಿದೆ. ಇಲ್ಲಿ ಒಂದು ರಾತ್ರಿ ತಂಗಲು ಒಂದು ರೂಮಿನ ಬೇಲೆ   50 ಸಾವಿರ ರೂ. ಇದೆ.

ಇನ್ನೂ ಉಮೈದ್ ಭವನ ಅರಮನೆಯಲ್ಲಿ ಕೊಠಡಿ ಸಿಗುವುದು ಬಹಳ ಕಷ್ಟ. ಅಲ್ಲದೆ ಕೆಲವು ವಿಭಾಗಗಳಲ್ಲಿ ಕೊಠಡಿ ಬಾಡಿಗೆ ಎರಡರಿಂದ ಮೂರು ಲಕ್ಷ ರೂ. ಇದೆ. ಹನಿಮೂನ್ ಸೂಟ್‌ನ ಬಾಡಿಗೆ ರಾತ್ರಿಗೆ ಏಳೂವರೆ ಲಕ್ಷ ರೂಪಾಯಿ.