ನಾಗ ಚೈತನ್ಯರ ಅತಿಯಾದ ಪೊಸೆಸಿವ್​ನೆಸ್​​ನಿಂದಲೇ ಸಮಂತಾ ಡಿವೋರ್ಸ್​​ಗೆ ಮುಂದಾದರಾ? ಅಸಲಿ ಕಾರಣವೇನು?

10 ವರ್ಷಗಳ ಪ್ರೀತಿ 4ನೇ ವರ್ಷದ ವಿವಾಹ ವಾರ್ಷಿಕೋತ್ಸವದ ಹೊಸ್ತಿಲಲ್ಲಿ ಮುರಿದು ಬಿದ್ದಿದೆ. 2 ತಿಂಗಳುಗಳ ಹಿಂದೆಯೇ ಸಮಂತಾ ಸೋಷಿಯಲ್ ಮೀಡಿಯಾದಲ್ಲಿ ತಮ್ಮ ಹೆಸರಿನೊಂದಿಗೆ ಇದ್ದ ಅಕ್ಕಿನೇನಿ ಫ್ಯಾಮಿಲಿ ಹೆಸರನ್ನು ಕೈ ಬಿಟ್ಟಿದ್ದರು.

ಅಕ್ಕಿನೇನಿ ಸರ್ ನೇಮ್ ತೆಗೆದು ಹಾಕಿದಾಗಿನಿಂದ ತಾರಾ ಜೋಡಿ ದೂರವಾಗ್ತಾರೆ ಎಂಬ ಸುದ್ದಿ ಹರಿದಾಡುತ್ತಿತ್ತು. ಟಾಲಿವುಡ್ ನ ಬಲ್ಲ ಮೂಲಗಳು ಹೌದು ದೂರವಾಗುತ್ತಿದ್ದಾರೆ ಅಂತಲೇ ಎನ್ನುತ್ತಿದ್ದವು. ಆದರೆ ಸಮಂತಾ ಆಗಲಿ, ನಾಗ ಚೈತನ್ಯ ಆಗಲಿ, ಮಾವ ನಾಗಾರ್ಜುನ ಆಗಲಿ ಈ ಬಗ್ಗೆ ತುಟಿ ಬಿಚ್ಚಿರಲಿಲ್ಲ.

ನಟ ನಾಗಾರ್ಜುನ ಬರ್ತ್ ಡೇ ಪಾರ್ಟಿಯಲ್ಲಿ ಸಮಂತಾ ಕುಟುಂಬದ ಜೊತೆ ಕಾಣಿಸಿಕೊಳ್ಳಲಿಲ್ಲ. ಆದರೆ ನಾಗ ಚೈತನ್ಯರ ಹೊಸ ಸಿನಿಮಾಗೆ ಸ್ಯಾಮ್ ವಿಷ್ ಮಾಡಿದ್ದರು.

ಈಗಾಗಲೇ ಸ್ಯಾಮ್-ಚೈಯ್ ದೂರವಾಗಿ ವಾಸಿಸುತ್ತಿದ್ದಾರೆ. ನಾಗ ಚೈತನ್ಯ ತಂದೆಯ ಮನೆಗೆ ಮರಳಿದ್ದರೆ, ಸಮಂತಾ ಮುಂಬೈನಲ್ಲಿ ನೆಲಸಲಿದ್ದಾರೆ ಎಂಬ ಸುದ್ದಿ ಹೊರ ಬಿದ್ದಿತ್ತು. ಆದರೆ ಇದಕ್ಕೆ ಸಮಂತಾ ತಲೆಯಾಡಿಸಿದ್ದರು. ಹೈದ್ರಾಬಾದ್ ನನ್ನ ಮನೆ, ಮುಂಬೈಗೆ ಹೋಗ್ತಿಲ್ಲ ಅಂತ ಇನ್ಸ್ಟಾಗ್ರಾಂನಲ್ಲಿ ಅಭಿಮಾನಿಯೊಬ್ಬರು ಕೇಳಿದ ಪ್ರಶ್ನೆಗೆ ಉತ್ತರಿಸಿದ್ದರು.

ಯಾವಾಗ ಸಮಂತಾ ಹೈದ್ರಾಬಾದ್ ನನ್ನ ಮನೆ ಅಂದರೋ ಆಗ ಅಭಿಮಾನಿಗಳು ಮದುವೆ ಮುರಿದು ಬೀಳುವ ಸುದ್ದಿ ಕೇವಲ ಪುಕಾರು ಅಂತಲೇ ಭಾವಿಸಿದ್ದರು. ಸ್ಯಾಮ್-ನಾಗ್ ಜೊತೆಯಾಗೇ ಇದ್ದಾರೆ ಅಂದುಕೊಂಡಿದ್ದರು. ಆದರೆ ಇಂದು ಅವರ ಅಭಿಮಾನಿಗಳಿಗೆ ಬ್ಯಾಡ್ ನ್ಯೂಸ್ ಸಿಕ್ಕಿದೆ.

ಇನ್ನು ಸ್ಯಾಮ್ ಹಾಗೂ ಚೈಯ್ ದೂರವಾಗಲು ಕಾರಣವೇನು ಎಂಬ ಪ್ರಶ್ನೆಗೆ ಆಪ್ತ ವಲಯದಿಂದ ಹೊರ ಬಿದ್ದಿರುವ ಸುದ್ದಿ ಎಲ್ಲರ ಹುಬ್ಬೇರಿಸಿದೆ. ನಾಗ ಚೈತನ್ಯ ಮದುವೆ ಬಳಿಕ ಸಮಂತಾರ ಬಗ್ಗೆ ಹೆಚ್ಚು ಪೊಸೆಸಿವ್ ಆಗಿದ್ದರಂತೆ.

ಸಮಂತಾ ಮದುವೆಯ ಬಳಿಕವೂ ಸಿನಿಮಾ, ಹಾಟ್ ಫೋಟೋಶೂಟ್, ಸೋಷಿಯಲ್ ಮೀಡಿಯಾದಲ್ಲಿ ಸಖತ್ ಆಕ್ಟೀವ್ ಆಗಿದ್ದರು. ಆದರೆ ಸಮಂತಾ ಅತಿಯಾದ ಸೋಷಿಯಲ್ ಮೀಡಿಯಾ ಬಳಕೆ, ಸದಾ ಫೋಟೋ ಹಾಕುವುದು ನಾಗ ಚೈತನ್ಯಗೆ ಇಷ್ಟವಾಗುತ್ತಿರಲಿಲ್ಲವಂತೆ.

ತನ್ನೊಂದಿಗೆ ಇರುವ ಫೋಟೋ ಹಾಕಿದರೂ ನಾಗ ಚೈತನ್ಯ ಸಿಡಿಮಿಡಿಕೊಳ್ಳುತ್ತಿದ್ದರಂತೆ. ಪರ್ಸನಲ್ ಲೈಫ್ ಬಗ್ಗೆ ಎಲ್ಲವನ್ನೂ ಸೋಷಿಯಲ್ ಮೀಡಿಯಾದಲ್ಲಿ ಹಾಕುವುದು ನಾಗ ಚೈತನ್ಯಗೆ ಸ್ವಲ್ಪವೂ ಇಷ್ಟವಾಗುತ್ತಿರಲಿಲ್ಲವಂತೆ.

ಆದರೆ ತನ್ನದೇ ಉಡುಪಿನ ಬ್ರ್ಯಾಂಡನ್ನು ಹೊಂದಿದ್ದ ಸಮಂತಾ ಅದರ ಪ್ರೊಮೋಷನ್ ಗಾಗಿ ಸೋಷಿಯಲ್ ಮೀಡಿಯಾದಲ್ಲಿ ಹೆಚ್ಚೆಚ್ಚು ಫೋಟೋಶೂಟ್ ಮಾಡಿ ಹಾಕಲೇಬೇಕಿತಂತೆ. ಅದರಿಂದ ದೂರವಿರಲು ಸ್ಯಾಮ್ ಗೆ ಸಾಧ್ಯವಾಗಲಿಲ್ಲ.

ಈ ವಿಚಾರವಾಗಿಯೇ ಸ್ಯಾಮ್-ನಾಗ್ ಮಧ್ಯೆ ವೈಮನಸ್ಸು ಉಂಟಾಗಿ, ಕೊನೆಗೆ ದೂರವಾಗುವ ನಿರ್ಧಾರಕ್ಕೆ ಬಂದಿದ್ದಾರೆ ಎಂದು ಆಪ್ತ ಮೂಲಗಳು ಹೇಳುತ್ತಿದೆ. ಪತಿಯ ಅತಿಯಾದ ಪೊಸೆಸಿವ್ ನೆಸ್ನಿಂದಲೇ ಸಮಂತಾ ಮನಸ್ಸು ಮುರಿಯಿತಾ ಎಂದು ಅವರೇ ಉತ್ತರಿಸಬೇಕು.