Holi Festival: ಭಾರತದ ಈ ಸ್ಥಳಗಳಲ್ಲಿ ಯಾವುದೇ ಕಾರಣಕ್ಕೂ ಹೋಳಿ ಆಚರಿಸೋದಿಲ್ವಂತೆ!

ಬಣ್ಣಗಳ ಹಬ್ಬ ಅದುವೇ ಹೋಳಿ ಹಬ್ಬ. ಈ ದಿನದಂದ ಒಬ್ಬರಿಗೊಬ್ಬರು ಬಣ್ಣವನ್ನು ಎರೆಚಿ ಕುಣಿದು ಕುಪ್ಪಳಿಸುತ್ತಾರೆ. ಹಾಗಾದ್ರೆ ಯಾವ್ದೆಲ್ಲಾ ಪ್ರದೇಶಗಳಲ್ಲಿ ಈ ಹೋಳಿ ಹಬ್ಬವನ್ನು ಆಚರಿಸಲಾಗುವುದಿಲ್ಲ ಅಂತ ಗೊತ್ತಾ? ತಿಳಿಯೋಣ ಬನ್ನಿ.

ಈ ಬಾರಿ ಮಾರ್ಚ್​ 8 ರಂದು ಈ ಹೋಳಿ ಹಬ್ಬವನ್ನು ಆಚರಿಸಲಾಗುತ್ತದೆ. ಆದರೆ, ಉತ್ತರಾಖಂಡದಲ್ಲಿರುವ ರುದ್ರಪ್ರಯಾಗದಲ್ಲಿ ಈ ಹಬ್ಬವನ್ನು ಆಚರಿಸೋದಿಲ್ಲ. ಇಲ್ಲಿ 2 ಹಳ್ಳಿಗಳು ಇವೆ. ಅವು ಸುಮಾರು 150 ವರ್ಷಗಳಿಂದ ಹೋಳಿ ಆಚರಿಸುತ್ತಿಲ್ಲ. ಗ್ರಾಮದ ಸ್ಥಳೀಯ ದೇವತೆಯಾದ ತ್ರಿಪುರ ಸುಂದರಿ ಶಬ್ದವನ್ನು ಇಷ್ಟಪಡುವುದಿಲ್ಲ ಎಂದು ನಂಬುತ್ತಾರೆ. ಈ ಕಾರಣದಿಂದಲೇ ಗ್ರಾಮಸ್ಥರು ಗದ್ದಲದ ಹಬ್ಬಗಳನ್ನು ಆಚರಿಸುವುದನ್ನು ನಿಷೇಧಿಸಿದ್ದಾರೆ. ಅಲಕನಂದಾ ಮತ್ತು ಮಂದಾಕಿನಿ ನದಿಗಳು ಸಂಗಮಿಸುವ ಸ್ಥಳ ರುದ್ರಪ್ರಯಾಗ.

ತಮಿಳುನಾಡು: ಹುಣ್ಣಿಮೆಯಂದು ಹೋಳಿ ಬಂದರೆ ಇಲ್ಲಿನ ಜನರು ಮಾಸಿ ಮಾಘಂ ಎಂದು ಆಹ್ವಾನ ಮಾಡುತ್ತಾರೆ. ತಮಿಳು ಧರ್ಮದ ಪ್ರಕಾರ ಇದು ಪವಿತ್ರವಾದ ದಿನವಾಗಿದೆ. ಈ ದಿನವನ್ನು ತಮ್ಮದೇ ಆದ ಶೈಲಿಯಲ್ಲಿ ಸಂಭ್ರಮಿಸುತ್ತಾರೆ.

ರಾಮ್ಸಾನ್ ಗ್ರಾಮ, ಗುಜರಾತ್: ಗುಜರಾತ್‌ ವರ್ಣರಂಜಿತವಾದ ರಾಜ್ಯ. ಈ ಸೊಗಸಾದ ರಾಜ್ಯದಲ್ಲಿ ಒಂದು ರಾಮ್ಸಾನ್‌ ಎಂಬ ಹೆಸರಿನ ಒಂದು ಗ್ರಾಮವಿದೆ. ಗುಜರಾತ್‌ನ ಬನಸ್ಕಾಂತ ಜಿಲ್ಲೆಯಲ್ಲಿರುವ ಈ ಗ್ರಾಮದಲ್ಲಿ ಕಳೆದ 200 ವರ್ಷಗಳಿಂದ ಹೋಳಿ ಆಚರಿಸುತ್ತಿಲ್ಲ. ಸ್ಥಳೀಯರು ಹೋಳಿ ಹಬ್ಬ ಆಚರಿಸದೇ ಇರುವುದಕ್ಕೆ ಶಾಪದ ದಂತಕಥೆ ಇದ್ಯಂತೆ.

ದುರ್ಗಾಪುರ, ಜಾರ್ಖಂಡ್: ಗುಜರಾತ್‌ ರಾಜ್ಯದ ರಾಮ್ಸಾನ್‌ ಎಂಬ ಗ್ರಾಮದಂತೆ ಜಾರ್ಖಂಡ್‌ ರಾಜ್ಯದ ಒಂದು ಗ್ರಾಮವು ಕೂಡ ಬಣ್ಣದ ಹಬ್ಬವನ್ನು ಆಚರಿಸುವುದಿಲ್ಲ. ಆ ವಿಲಕ್ಷಣವಾದ ಗ್ರಾಮವು ಜಾರ್ಖಂಡ್‌ ರಾಜ್ಯದ ಬೊಕಾರೊದ ದುರ್ಗಾಪುರ ಗ್ರಾಮವಾಗಿದೆ. ಇಲ್ಲಿ ಕಳೆದ 100 ವರ್ಷಗಳಿಂದ ಜನರು ಹೋಳಿ ಆಚರಿಸಿಲ್ಲ.

ಈ ಗ್ರಾಮದ ಪ್ರದೇಶವನ್ನು ಆಳ್ವಿಕೆ ನಡೆಸುತ್ತಿದ್ದ ರಾಜನ ಮಗ ಹೋಳಿ ಹಬ್ಬದ ದಿನದಂದು ಮೃತನಾದ ಕಾರಣ, ರಾಜನ ಆದೇಶದ ಮೇರೆ ಹೋಳಿ ಹಬ್ಬವನ್ನು ಆಚರಿಸುತ್ತಿಲ್ಲ. ಒಂದು ವೇಳೆ ಹೋಳಿ ಆಚರಿಸಬೇಕು ಎಂದಾದರೆ ಪಕ್ಕದ ಬೇರೊಂದು ಗ್ರಾಮಕ್ಕೆ ಹೋಗಿ ಆನಂದಿಸಬಹುದು.

ಇಷ್ಟು ರಾಜ್ಯಗಳಲ್ಲಿ ಇರುವ ಗ್ರಾಮಗಳು ಹೋಳಿ ಹಬ್ಬವನ್ನು ಆಚರಿಸುವುದಿಲ್ಲ. ಕಾರಣಗಳು ಕೇಳಿದ್ರೆ ನಿಜಕ್ಕು ಶಾಕ್​ ಆಗುತ್ತೆ ಅಲ್ವಾ?