Women: ಮದುವೆ ಆಗಿದ್ರೇನಂತೆ, ಇಷ್ಟವಾದವನ ಜೊತೆ ಹೋಗೋ ಸ್ವಾತಂತ್ರ್ಯ ಇಲ್ಲಿನ ಮಹಿಳೆಯರಿಗೆ ಇದೆ!

ದೇಶ ಸುತ್ತಬೇಕು ಮತ್ತು ಕೋಶ ಓದಬೇಕು ಎಂಬ ಮಾತಿದೆ. ಪ್ರತಿಯೊಂದು ದೇಶಗಳಲ್ಲಿ ಆಚಾರ, ವಿಚಾರಗಳು ವಿಭಿನ್ನವಾಗಿರುತ್ತದೆ. ಮಾತ್ರವಲ್ಲದೆ ಭೌಗೋಳಿಕ ನೆಲೆಯಲ್ಲಿ ಗಮನಿಸುದಾದರೆ ಅಲ್ಲಿನ ಆಡುಗೆ, ಮಾತನಾಡುವ ಭಾಷೆ, ವಿವಾಹ, ಆಚರಿಸುವ ಪದ್ಧತಿಗಳಲ್ಲಿ ವ್ಯತ್ಯಾಸ ಕಾಣಬಹುದು. ವಿವಿಧ ದೇಶಗಳನ್ನು ಇಣುಕಿ ನೋಡುತ್ತಿದ್ದಂತೆ ಅಲ್ಲಿನ ಸೂಕ್ಷ್ಮ ವಿಚಾರಗಳು ಬೆಳಕಿಗೆ ಬರುತ್ತದೆ.

ಅದರಂತೆ ಇಲ್ಲೊಂದು ದೇಶದಲ್ಲಿ ವಿವಾಹೇತರ ಸಂಬಂಧದ ಬಗ್ಗೆ ಮಹಿಳೆಯರಿಗೆ ಪೂರ್ಣ ಸ್ವತಂತ್ರವಿದೆ. ಮಾತ್ರವಲ್ಲದೆ ಇದೊಂದು ಸಾಮಾನ್ಯ ಸಂಗತಿ ಎಂಬಂತಿದೆ. ಮದುವೆಯಾದ ಮಹಿಳೆಯಾರಿಗೆ ಬೇರೆ ಪುರುಷರು ಇಷ್ಟವಾದರೆ ಪತಿಯನ್ನು ತೊರೆದು ಹೋಗಬಹುದಾದ ಅವಕಾಶವಿದೆ. ಅಷ್ಟಕ್ಕೂ ಇಂತಹದೊಂದು ವಿಚಿತ್ರ ಪದ್ಧತಿ ಯಾವ ದೇಶದಲ್ಲಿದೆ ಗೊತ್ತಾ? (ಫೋಟೋ: ಆಖ್ತರ್​ ಹಸನ್​ ಖಾನ್)

ಪಾಕಿಸ್ತಾನದಲ್ಲಿ ಬುಡಕಟ್ಟು ಜನಾಂಗವೊಂದರಲ್ಲಿ ಇಂತಹದೊಂದು ವಿಚಿತ್ರ ಪದ್ಧತಿ ಕಾಣಬಹುದಾಗಿದೆ. ಈ ವಿಚಾರ ಅಚ್ಚರಿ ಎನಿಸಿದರು ಮಹಿಳೆಯರಿಗಾಗಿ ಇಂತಹ ಸ್ವಾತಂತ್ರವನ್ನು ನೀಡಿದ್ದಾರೆ. ಮಾತ್ರವಲ್ಲದೆ ಪರ ಪುರುಷನೊಂದಿಗೆ ಕೊನೆ ಕಾಲದವರೆಗೆ ಬದುಕುವ ಅವಕಾಶವಿದೆ.

ಪಾಕಿಸ್ತಾನದ ಕಲಶಾ ಬುಡಕಟ್ಟು ಜನಾಂಗದಲ್ಲಿ ವಿವಾಹಿತ ಮಹಿಳೆಗೆ ಪರಪುರುಷ ಇಷ್ಟವಾದರೆ ಆತನ ಜೊತೆಗೆ ಹೋಗಬಹುದು. ಆತನೊಂದಿಗೆ ಸಂಸಾರ ನಡೆಸಬಹುದು. ಪತಿಯನ್ನು ಬಿಟ್ಟ ಮಹಿಳೆ ಬೇರೆ ಪುರುಷನೊಂದಿಗೆ ಶಾರೀಕ ಸಂಬಂಧ ಬೆಳೆಸುವ ಆಯ್ಕೆಯನ್ನು ಇದೆಯಂತೆ.

ಅಂದಹಾಗೆಯೇ ಈ ಜನಾಂಗದಲ್ಲಿ 3800 ಮುಂದಿಯಿದ್ದಾರೆ. ಪಾಕಿಸ್ತಾನದ ಖೈಬರ್-ಪಖ್ತುಂಕ್ವಾ ಪ್ರಾಂತ್ಯದ ಚಿತ್ರಾಲ್ ಕಣಿವೆಯ ರಾಂಬೂರ್, ಬಿರಿರ್ ಮತ್ತು ಬಂಬುರೇಟ್ ಪ್ರದೇಶದಲ್ಲಿ ವಾಸಿಸುತ್ತಿದ್ದಾರೆ. ಪಾಕಿಸ್ತಾನದ ಅಲ್ಪಸಂಖ್ಯಾತರಲ್ಲಿ ಈ ಜನಾಂಗ ಕೂಡ ಸೇರಿದೆ. ಇವರು ಹಳೆಯ ಪದ್ಧತಿಗಳನ್ನು ಈಗಲೂ ಅನುಸರಿಸುತ್ತಾ ಬಂದಿದ್ದಾರೆ. ಮಾತ್ರವಲ್ಲದೆ, ಇವರ ಆಚಾರ, ವಿಚಾರಗಳು ವಿಭಿನ್ನವಾಗಿದೆ.