Viral Photos: ಅದೇನು ಧೈರ್ಯ ಗುರು! ಈ ಗ್ರಾಮದಲ್ಲಿ ಒಬ್ಬಂಟಿ ಮಹಿಳೆ ಮಾತ್ರ ವಾಸಿಸುತ್ತಿದ್ದಾಳೆ

ಒಬ್ಬಂಟಿಯಾಗಿ ಬದುಕುವುದು ತುಂಬಾನೇ ಕಷ್ಟ. ಬಹುತೇಕರು ಅವಿಭಕ್ತ ಕುಟುಂಬ ಅಥವಾ ವಿಭಕ್ತ ಕುಟುಂಬಗಳಾಗಿ ಬದುಕುತ್ತಾರೆ. ಆದರೆ ಕೆಲವರು ಮಾತ್ರ ಯಾರನ್ನು ಹತ್ತಿರಕ್ಕೆ ಸೇರಿಸಿಕೊಳ್ಳದೆ ಒಬ್ಬಂಟಿಯಾಗಿ ಬದುಕುತ್ತಾರೆ. ಆದರೆ ಇಲ್ಲೊಂದು ಹಳ್ಳಿಯಿದೆ ಆ ಹಳ್ಳಿಯಲ್ಲಿ ಒಬ್ಬಂಟಿ ಮಹಿಳೆ ಮಾತ್ರ ಜೀವಿಸುತ್ತಿದ್ದಾಳೆ.

ಅಮೆರಿಕದ ನೆಬ್ರಸ್ಕಾ ರಾಜ್ಯದಲ್ಲಿರುವ ಮೊನೊವಿ ಗ್ರಾಮವು ಹಲವು ಕುತೂಹಲಕಾರಿ ವಿಚಾರಗಳನ್ನು ಒಳಗೊಂಡಿವೆ. ಸಾಮಾನ್ಯವಾಗಿ ಯಾವುದೇ ಗ್ರಾಮದಲ್ಲಿ ನೂರರಿಂದ ಇನ್ನೂರು ಜನಸಂಖ್ಯೆ ಇರುತ್ತಾರೆ. ಆದರೆ ಈ ಗ್ರಾಮದಲ್ಲಿ ಒಬ್ಬ ಮಹಿಳೆ ಮಾತ್ರ ವಾಸಿಸುತ್ತಾರೆ.

ಈ ಮಹಿಳೆಯೂ ತುಂಬಾ ವಯಸ್ಸಾದವಳು ಮತ್ತು ಅವಳು ಸತ್ತರೆ ಈ ಗ್ರಾಮವು ನಿರ್ಜನವಾಗುತ್ತದೆ ಎಂದು ನಂಬಲಾಗಿದೆ. 2004 ರಿಂದ ಇಲ್ಲಿಯವರೆಗೆ ಜನಸಂಖ್ಯೆಯು ವಿಚಾರವಾಗಿಗಿ ಈ ಗ್ರಾಮವು ಪ್ರಪಂಚದಾದ್ಯಂತ ಚರ್ಚೆಗೆ ಗ್ರಾಸವಾಗಿದೆ.

ನೆಬ್ರಸ್ಕಾದ ಈ ಹಳ್ಳಿಯಲ್ಲಿ 2004 ರಿಂದ ಒಬ್ಬ ಮಹಿಳೆ ಮಾತ್ರ ವಾಸಿಸುತ್ತಿದ್ದಾಳೆ. ಆದರೆ ಇಲ್ಲಿ ಎಲ್ಲವೂ ಇದೆ. ಸಾಮಾನ್ಯ ಜನರಿಗೆ ಬೇಕಾಗುವ ರೆಸ್ಟೋರೆಂಟ್, ಬಾರ್ ಇದೆ. ಆದರೂ ಸಹ ಈ ಹಳ್ಳಿಯಲ್ಲಿ ಮಹಿಳೆ ಮಾತ್ರ ವಾಸಿಸುತ್ತಿದ್ದಾಳೆ.

ಇಲ್ಲಿ ವಾಸಿಸುತ್ತಿರುವ ಮಹಿಳೆಯ ಹೆಸರು ಎಲ್ಸಿ ಆಯ್ಲರ್. ಇದೀಗ ಅವರ ವಯಸ್ಸು ಸುಮಾರು 86 ವರ್ಷ. ಈ ಗ್ರಾಮದ ಎಲ್ಲ ಕೆಲಸಗಳನ್ನು ಎಲ್ಸಿಯೇ ಮಾಡುತ್ತಾಳೆ. ಅವಳು ಈ ಗ್ರಾಮದಲ್ಲಿ ಬಾರ್ಟೆಂಡರ್ ಆಗಿ ಕೆಲಸ ಮಾಡುತ್ತಾಳೆ ಮತ್ತು ಸ್ವತಃ ಈ ಗ್ರಾಮದ ಮೇಯರ್ ಕೂಡ ಆಗಿದ್ದಾಳೆ. ಮೊದಲು ಇಲ್ಲಿ ತನ್ನ ಪತಿಯೊಂದಿಗೆ ವಾಸವಾಗಿದ್ದಳು. ಆದರೆ ಆಕೆಯ ಪತಿಯ ಸಾವಿನ ನಂತರ, ಎಲ್ಸಿ ಒಂಟಿಯಾಗಿದ್ದಾಳೆ.

ಮೊನೊವಿ ಗ್ರಾಮವು 54 ಹೆಕ್ಟೇರ್ಗಳಲ್ಲಿ ಹರಡಿದೆ. ವರದಿಗಳ ಪ್ರಕಾರ, 1930 ರವರೆಗೆ ಸುಮಾರು 150 ಜನರು ಈ ಗ್ರಾಮದಲ್ಲಿ ವಾಸಿಸುತ್ತಿದ್ದರು. ಆದರೆ ಕ್ರಮೇಣ ಇಲ್ಲಿಯ ಜನ ಹೊರಗೆ ಹೋದರು ನಂತರ ಜನರ ಸಂಖ್ಯೆ ಕಡಿಮೆಯಾಯಿತು. 1980 ರ ಹೊತ್ತಿಗೆ, ಇಲ್ಲಿ ಕೇವಲ 18 ಜನರು ಉಳಿದಿದ್ದರು. ಕ್ರಮೇಣ ಸಂಖ್ಯೆ ಮತ್ತಷ್ಟು ಕಡಿಮೆಯಾಯಿತು ಮತ್ತು ಈಗ ಅನೇಕ ವರ್ಷಗಳಿಂದ ಇಲ್ಲಿ ಒಬ್ಬ ಮಹಿಳೆ ಮಾತ್ರ ಉಳಿದುಕೊಂಡಿದ್ದಾಳೆ.

ಈಗ ಪ್ರತಿ ವರ್ಷ ಅನೇಕ ಪ್ರವಾಸಿಗರು ಈ ಗ್ರಾಮಕ್ಕೆ ಆಗಮಿಸುತ್ತಾರೆ ಮತ್ತು ಇಲ್ಲಿ ಆನಂದಿಸಿ ನಂತರ ಹೋಗುತ್ತಾರೆ. ಅವರ ಸೇವೆ ಮಾಡುತ್ತಾ ಎಲ್ಸಿ ಬಂದಿದ್ದಾರೆ.