Gold Mask: ಒರಿಸ್ಸಾ ಉದ್ಯಮಿಯೊಬ್ಬರ ಬಳಿಯಿದೆ ಬರೋಬ್ಬರಿ 3.5 ಲಕ್ಷ ರೂ. ಚಿನ್ನದ ಮಾಸ್ಕ್​!

ಕೊರೋನಾ ಸಮಯದಲ್ಲಿ ವಿವಿಧ ವಿನ್ಯಾಸದ ಮಾಸ್ಕ್​ಗಳು ಮಾರುಕಟ್ಟೆಗೆ ಬಂದಿವೆ. ಅದರ ಜೊತೆಗೆ ಗೋಲ್ಡ್ ಮಾಸ್ಕ್​​ಗ ಳು ಮಾರುಕಟ್ಟೆಯಲ್ಲಿ ರಾರಾಜಿಸುತ್ತಿವೆ. ಅದರಂತೆ ಇದೀಗ ಒರಿಸ್ಸಾ ಮೂಲದ ಬ್ಯುಸಿನೆಸ್ ಮ್ಯಾನ್ ಚಿನ್ನದ ಮಾಸ್ಕ್ ಧರಿಸುವ ಮೂಲಕ ಸುದ್ದಿಯಾಗಿದ್ದಾರೆ.

ಇತ್ತೀಚೆಗೆ ಪುಣೆ, ಪಿಂಪ್ರಿ ಚಿಂಚ್ವಾಡ್ ನಿವಾಸಿ ಶಂಕರ್ ಕುರಾಡೆ ಎಂಬವರು ಸುಮಾರು 2.89 ಲಕ್ಷದ ಖರ್ಚು ಮಾಡಿ ಚಿನ್ನದ ಮಾಸ್ಕ್​​ವೊಂದನ್ನು ಖರೀದಿಸಿದ್ದರು.

ಇದನ್ನು ಕಂಡು ಒರಿಸ್ಸಾದ ಅಲೋಕ್ ಮೊಹಾಂತಿ ಎಂಬವರು ಮುಂಬೈನ ಝಹವೇರಿ ಬಜಾರ್ ನಿಂದ 3.5 ಲಕ್ಷದ ಮಾಸ್ಕ್ ಖರೀದಿಸಿದ್ದಾರೆ.

ಈ ಬಗ್ಗೆ ಮಾತನಾಡಿದ್ದ ಅಲೋಕ್ ಮೊಹಾಂತಿ, ನಾನು ಇತ್ತೀಚೆಗೆ ಟಿವಿಯಲ್ಲಿ ಚಿನ್ನದ ಫೇಸ್​ಮಾಸ್ಕ್ ಧರಿಸಿರುವ  ಪುಣೆ ಮೂಲದ ಉದ್ಯಮಿಯೊಬ್ಬರನ್ನು ನೋಡಿದ್ದೆ. ನನಗೂ ಚಿನ್ನದ ಮೇಲೆ ಒಲವು ಇರುವುದರಿಂದ ಮುಂಬೈ ಮೂಲಕ ವ್ಯಾಪಾರಿಯೊಬ್ಬರ ಬಳಿ ಮಾಸ್ಕ್ ಸಿದ್ಧಪಡಿಸಲು ಹೇಳಿದೆ.

N95 ಚಿನ್ನವನ್ನು ಬಳಸಿ ಮಾಸ್ಕ್ ತಯಾರಿಸಲಾಗಿದೆ. 90 ರಿಂದ 100 ಗ್ರಾಂ ಚಿನ್ನದ ಎಳೆಗಳನ್ನು ಬಳಸಲಾಗಿದೆ. ಉಸಿರಾಡಲು ರಂಧ್ರಗಳಿದೆ. ಧರಿಸಲು ಅನುಕೂಲಕರವಾಗಿದೆ ಎಂದು ಹೇಳಿದರು.

ಕಟಕ್​​ನಲ್ಲಿ ಪಿಠೋಪಕರಣಗಳ ಮಳಿಗೆಯನ್ನು ಹೊಂದಿರುವ ಅಲೋಕ್ ಮೊಹಂತಿ ಚಿನ್ನದ ಕಡಗ, ಉಗುಂರ, ಚಿನ್ನದ ಸರವನ್ನು ಧರಿಸುತ್ತಾರೆ. ಜೊತೆಗೆ ಚಿನ್ನದ ಟೋಪಿ ಇವರಬಳಿ ಇದೆ.

ಇತ್ತೀಚೆಗೆ ದೀಪಕ್​ ಚೋಕ್ಸಿ ಎಂಬವರು ​​ಚಿನ್ನ, ಬೆಳ್ಳಿ, ವಜ್ರ ಮತ್ತು ಅಮೆರಿಕನ್ ಡೈಮಂಡ್​​ ಬಳಸಿ ಫೇಸ್​ಮಾಸ್ಕ್​​​ ತಯಾರಿಸಿದ್ದರು. ಈ ಮಾಸ್ಕ್​​ ಅನ್ನು ಬರೋಬ್ಬರಿ 4 ಲಕ್ಷ ರೂಪಾಯಿ ಮಾರಾಟ ಮಾಡುವುದಾಗಿ ಹೇಳಿಕೊಂಡಿದ್ದರು.

ಶಂಕರ್ ಕುರಾಡೆ

ಶಂಕರ್ ಕುರಾಡೆ ಬಳಸುವ ಚಿನ್ನದ ಫೇಸ್​ ಮಾಸ್ಕ್​​