National Drink Wine Day: ಮನೆಯಲ್ಲಿಯೇ ಈಸಿಯಾಗಿ ವೈನ್​ ತಯಾರಿಸಿ, ಆರೋಗ್ಯಕ್ಕೂ ಒಳ್ಳೆಯದು!

ಫೆಬ್ರವರಿ 18 ರಾಷ್ಟ್ರೀಯ ವೈನ್ ದಿನ (National Drink Wine Day). ವೈನ್​ನಿಂದ ಆರೋಗ್ಯಕ್ಕೆ ತುಂಬಾ ಪ್ರಯೋಜನಗಳಿವೆ. ಈ ದಿನವನ್ನು ಎಂದಿನಿಂದ ಆರಂಭವಾಯ್ತು ಹಾಗೆಯೇ ಯಾತಕ್ಕಾಗಿ ಆರಂಭವಾಯ್ತು ಎಂದು ಎಲ್ಲಿಯೂ ಉಲ್ಲೇಖವಾಗಿಲ್ಲ.

ಆದರೆ 2009ರಿಂದ ಈ ಆಚರಣೆಯು ಆರಂಭವಾಗಿದ್ಯಂತೆ. ಜನರು ತಮ್ಮಿಷ್ಟದ ಹಣ್ಣಿನ ರಸವನ್ನು ಇಂದು ಅತಿಯಾಗಿ ಕುಡುಯುತ್ತಾರೆ. ಹೆಚ್ಚಾಗಿ ಪಾಶ್ಚಾತ್ಯ ದೇಶಗಳಲ್ಲಿ ಈ ಆಚರಣೆ ಇದೆ. ಈಸಿಯಾಗಿ ನೀವು ಕೂಡ ಮನೆಯಲ್ಲಿ ವೈನ್​ ತಯಾರಿಸಬಹುದು.

ಈ ವೈನ್​ ಮಾಡಲು ಬೇಕಾಗುವ ಸಾಮಾಗ್ರಿಗಳು: ಬೇಕಾಗಿರೋದು ಕೇವಲ 1 ಕಪ್​​​ ಸಕ್ಕರೆ ಅರ್ಧ ಕಿಲೋ ಕಪ್ಪು ದ್ರಾಕ್ಷಿ 1/2 ಲೀ ನೀರು ಅಷ್ಟೆ. ಇಷ್ಟು ಇದ್ರೆ ಈಸಿಯಾಗಿ, ಆರೋಗ್ಯಕರವಾಗಿ ರೆಡ್​ ವೈನ್​ ಮಾಡಿಕೊಳ್ಳಬಹುದು.

ತಯಾರಿಸುವ ವಿಧಾನ: ಮೊದಲು ಒಂದು ಪಾತ್ರೆಯಲ್ಲಿ ನೀರು ಇಟ್ಟು ಬಿಸಿ ಮಾಡಿ. ಸ್ವಲ್ಪ ಉಪ್ಪು ಹಾಕಿ, ನೀರು ಉಗುರು ಬೆಚ್ಚಗಾದರೆ ಸಾಕು. ನೀರು ಬಿಸಿಯಾಗುತ್ತಿದ್ದಂತೆ ಅದಕ್ಕೆ ದ್ರಾಕ್ಷಿಯನ್ನು ಹಾಕಿ. ಯಾಕೆಂದರೆ ದ್ರಾಕ್ಷಿ ಬೆಳೆಸುವ ಸಮಯದಲ್ಲಿ ಕೆಮಿಕಲ್​​ ಬಳಸಲಾಗುತ್ತದೆ. ಆದ್ದರಿಂದ ಬಿಸಿ ನೀರಿನಲ್ಲಿ ಹಾಕಿ ದ್ರಾಕ್ಷಿಯನ್ನು ಚೆನ್ನಾಗಿ ತೊಳೆಯಿರಿ. ಅರ್ಧ ಗಂಟೆಗಳಷ್ಟು ದ್ರಾಕ್ಷಿಯನ್ನು ಬಿಸಿ ನೀರಿನಲ್ಲಿ ನೆನೆಸಿಡಬೇಕು. ಆಗ ಕೆಮಿಕಲ್​ ಹೋಗುತ್ತದೆ.

ಒಂದು ಚಿಕ್ಕ ಬೌಲ್​​ನಲ್ಲಿ ತಣ್ಣೀರು ತೆಗೆದುಕೊಳ್ಳಿ. ನಂತರ ಈಗಾಗಲೇ ಬಿಸಿನೀರಿನಲ್ಲಿ ಹಾಕಿಟ್ಟ ದ್ರಾಕ್ಷಿಗಳನ್ನು ತಣ್ಣೀರಿನಲ್ಲಿ ಹಾಕಿ. ನಂತರ ಸ್ವಲ್ಪ ಹೊತ್ತಿನ ನಂತರ ಚೆನ್ನಾಗಿ ಸೋಸಿ ದ್ರಾಕ್ಷಿಗಳನ್ನು ಒಂದು ಪ್ಲೇಟ್​​ನಲ್ಲಿ ತೆಗೆದಿಟ್ಟುಕೊಳ್ಳಿ. ನಂತರ ಒಂದು ಪಾತ್ರೆಯನ್ನು ಒಲೆಯಲ್ಲಿಡಿ, ಅದಕ್ಕೆ 1/2 ಲೀಟರ್​​ ನೀರು ಹಾಕಿ.

ನೀರು ಕುದಿ ಬರುತ್ತಿದ್ದಂತೆ ಅದಕ್ಕೆ ಈಗಾಗಲೇ ತೊಳೆದಿಟ್ಟ ದ್ರಾಕ್ಷಿಗಳನ್ನು ಹಾಕಿ. ಇದನ್ನು ಕಡಿಮೆ ಉರಿಯಲ್ಲಿ 20 ನಿಮಿಷಗಳ ಕಾಲ ಕುದಿಸಿ. 20 ನಿಮಿಷಗಳ ನಂತರ ಅದಕ್ಕೆ ಒಂದು ಕಪ್​​ ಸಕ್ಕರೆ ಹಾಕಿ. ನಿಮ್ಮ ರುಚಿಗೆ ತಕ್ಕಂತೆ ಹಾಕಿ.

ನಂತರ ಇದನ್ನು ಒಂದರಿಂದ ಎರಡು ದಿನಗಳ ವರೆಗೆ ಸಂಗ್ರಹಿಸಿಡಿ. ಎರಡು ದಿನಗಳ ನಂತರ ಇದರಲ್ಲಿರುವ ದ್ರಾಕ್ಷಿಗಳನ್ನು ಚೆನ್ನಾಗಿ ಹಿಸುಕಿ. ಇದನ್ನು ಚೆನ್ನಾಗಿ ಸೋಸಿಕೊಳ್ಳಿ. ಇವಾಗ ರೆಡ್​​ ವೈನ್​​ ಸಿದ್ಧವಾಗಿದೆ.

ಫೆಬ್ರವರಿ 18ರಂದು ವೈನ್​ ಡೇ. ಹೀಗಾಗಿ ಇಂದು ನೀವು ಮನೆಯಲ್ಲಿಯೇ ಆರೋಗ್ಯಕರವಾಗಿ ದ್ರಾಕ್ಷಿ ರಸವನ್ನು ರೆಡಿ ಮಾಡಿಕೊಂಡು ಕುಡಿಯಿರಿ. ಚರ್ಮದ ಕಾಯಿಲೆಗಳು ಇದರಿಂದ ದೂರವಾಗುತ್ತದೆ.