Viral Story: ಮಗನ ಸಾವು ಸಂತಸ ನೀಡಿದೆ ಎಂದು ಟಿಕ್​ಟಾಕ್​ನಲ್ಲಿ ವಿಡಿಯೋ ಹಂಚಿಕೊಂಡ ತಾಯಿ! ಹೀಗೇಕೆ ಹೇಳಿದ್ರು?

ಯಾರಾದರು ಆತ್ಮೀಯರು ಸತ್ತರೆ ಆ ದುಖಃವನ್ನು ಸಹಿಸಿಕೊಳ್ಳೋದು ಬಲು ಕಷ್ಟ. ಅದರೊಂದಿಗಿನ ಒಡನಾಟ, ಆಡಿದ ಮಾತು, ನೆನಪುಗಳಿಂದ ಹೊರಬರಲು ಸಾಕಷ್ಟು ಸಮಯ ಹಿಡಿಯುತ್ತದೆ. ಆಗಾಗ ನೆನಪಾಗಿ ಬರುವ ದುಖಃವನ್ನು ಸಹಿಸಲು ಪ್ರಯತ್ನಿಸುತ್ತೇವೆ. ಕೆಲವರಿಗಂತೂ ಇಂತಹ ಸನ್ನಿವೇಶವನ್ನು ಅರಗಿಸಿಕೊಳ್ಳಲು ಆಗುವುದಿಲ್ಲ. ಇನ್ನು ಕೆಲವರು ಆತ್ಮೀಯನ ಸಾವಿನ ಬಗ್ಗೆ ನೆನಸಿಕೊಂಡು ಬೇಸರವಾಗುತ್ತದೆ ಎಂದು ಆ ಬಗ್ಗೆ ಮಾತನಾಡಲು, ಯೋಚಿಸಲು ಹೋಗುವುದಿಲ್ಲ.

ಆದರೆ ಇಲ್ಲೊಬ್ಬಳು ತಾಯಿ ತನ್ನ ಮಗನ ಸಾವಿನ ಬಗ್ಗೆ ಸಂತೋಷದಿಂದ ಹೇಳಿಕೊಂಡಿದ್ದಾಳೆ. 6 ವರ್ಷದ ಮಗನ ಸಾವಿನ ವಿಚಾರವನ್ನು ಟಿಕ್​ಟಾಕ್​​ನಲ್ಲಿ ಹಂಚಿಕೊಂಡಿದ್ದಾಳೆ. ಮಾತ್ರವಲ್ಲದೆ ಮಗನ ಸಾವಿನಿಂದ ನನಗೆ ಸಂತೋಷವಾಗಿದೆ ಎಂದು ಹೇಳಿದ್ದಾಳೆ.

ವಿಟ್ನಿ ಫ್ರಾಸ್ಟ್ ಎಂಬ ಮಹಿಳೆ ಮಗನ ಸಾವಿನ ಸಂಗತಿಯನ್ನು ಹೇಳುವ ವಿಡಯೋವನ್ನು ಟಿಕ್​ಟಾಕ್​ನಲ್ಲಿ ಪೋಸ್ಟ್ ಮಾಡಿದ್ದಾಳೆ. ವಿಡಿಯೋದಲ್ಲಿ ನನ್ನ ಮಗನ ಸಾವಿನ ಬಗ್ಗೆ ಸಂತೋಷವಾಗಿದೆ ಎಂದು ಹೇಳಿದ್ದಾಳೆ. ಮತ್ತು ಆತನಿಗಿದ್ದ ಅಪರೂಪದ ಕಾಯಿಲೆ ಬಗ್ಗೆ ವಿಚಾರವನ್ನು ಹಂಚಿಕೊಂಡಿದ್ದಾಳೆ.

6 ವರ್ಷದ ಮಗ ಹ್ಯಾರಿಸನ್ ಅಪರೂಪದ ನರವೈಜ್ಞಾನಿಕ ಕಾಯಿಲೆಯಾದ "ಇನ್ಫಾಂಟೈಲ್ ನ್ಯೂರೋಕ್ಸೋನಲ್ ಡಿಸ್ಟ್ರೋಫಿ" ಎಂಬ ಕಾಯಿಲೆಯಿಂದ ಬಳಲುತ್ತಿದ್ದನು. ಈ ರೋಗವು ವ್ಯಕ್ತಿಯ ಮನಸ್ಸಿನಿಂದ ಸಂದೇಶಗಳನ್ನು ಸ್ವೀಕರಿಸುವ ಮತ್ತು ದೇಹದ ಇತರ ಭಾಗಗಳಿಗೆ ರವಾನಿಸುವ ನರ ಕೋಶದ ಭಾಗದ ಮೇಲೆ ಪರಿಣಾಮ ಬೀರುತ್ತದೆ. ಈ ರೋಗಕ್ಕೆ ಯಾವುದೇ ಚಿಕಿತ್ಸೆ ಇಲ್ಲ.

ವಿಡಿಯೋವನ್ನು ಹಂಚಿಕೊಂಡ ಮಹಿಳೆ, ಮಗ ಹ್ಯಾರಿಸನ್ ಶೀಘ್ರದಲ್ಲೇ ಜಗತ್ತಿಗೆ ವಿದಾಯ ಹೇಳಿದನು ಮತ್ತು ಆತ ಹೆಚ್ಚು ನೋವನ್ನು ಅನುಭವಿಸಲಿಲ್ಲ ಎಂದು ಬರೆದಿದ್ದಾರೆ. ಹ್ಯಾರಿಸನ್ ಅವರ ನಿಧನದಿಂದ ನಾನು ಬೇಸರಗೊಂಡಿದ್ದೇನೆ, ಆದರೆ ಆತ ನೋವಿನಿಂದ ಬಳಲದೆ ಸಾವನ್ನಪ್ಪಿಲ್ಲ ಎಂಬುದು ನನಗೆ ಸಂತೋಷವೆನಿಸಿದೆ.